1 Timote 5:5 - Ala Ya Salatikan Kula Kitabu

⁵ Kɛsamoso min kelenpesa tonin, wo jei siinin Ala le la. A do yi Ala madiyala ka Ala dali su ni tele.

1 Timote 5:5 ပူးပေါင်းရင်းမြစ်များ

Luka 18:1

Wo kɔ, Isa ka sana dɔ la a kɔbiladennu yɛ, k'a jiya ko ai ka kan ka Ala dali waate bɛ. Ai do jei kà tɛɛ ka wo boloka.

Luka 18:7

Ni Ala ya mɔɔ taninnu ka to ai makasila a yɛ su ni tele, a tɛ jo di ai ma? Jalasa ai madɛmɛnko ma yi tamale?

Luka 2:37

Wo kɔ, a ka to kɛsamosoya lɔ haan fɔɔ a sanji bisein ni naani (84). A tɛɛ tɛ a mabɔla lɔhɔlɔmabonba la, fɔ ka to Ala batola su ni tele, a vɛ sundonna ka Ala dali.

Kɛkolu 26:7

Maa kabila tan ni fila (12) yi wo mafako le makɔnɔna, ai vɛ ai gbaladonna Ala batoko le su ni tele. Masakɛ, ǹ jalakinin Jahudiyalu bolo ka bɛn jeisii wo le ma.

Kɛkolu 6:1

Waate wo lɔ, Isa kɔbiladennu ka to siyayala. Ado Jahudiya minu bɔnin tɛɛ jamana gbɛlɛlu lɔ minu tɛɛ Gɛlɛkikan fɔla, wolu ka Jahudiya duulennu matelemasɔɔli di, ko mɔɔ minu tɛɛ balo lɔtalala lon bɛ, wolu jɔyine aiya kɛsamosolu ma.

Kɛkolu 9:39

Wo fɔ Piyɛli yɛ, a v'i wulila ka bila ai kɔ. A senin je, ai ka taa a le sangaso sanmabon na. Kɛsamosolu bɛ lɔnin tɛɛ Piyɛli laminin nɔ, ai vɛ kasila ka faanibalu ni faani kɔlɔbilalu jiya a la, Dɔɔkasi tɛɛ vɛ minu kala ai yɛ.

Kɛkolu 9:41

Piyɛli k'a mina a bolo ma, k'a lalɔ. Wo kɛ, a ka mumininnu ni kɛsamosolu kili, ka Tabita ɲɛnɛma jiya ai la.

Lɔmukalu 1:12

N'i min fɔla yi ne, wo le k'a fɔ ko ǹe ni àilu kɛtɔ i ɲɔɔ sɛmɛdonna. Ǹ kɛtɔ a dɔ sɔlɔnna àiya limaniya lɔ. Àilu fana kɛtɔ a dɔ sɔlɔnna ǹ ta limaniya lɔ.

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

1 Kolɛntikalu 7:32

Ǹ'a fɛ ài la yi fɛlɛ ka bɔ haminkolu lɔ. Kɛ́ min ma moso ta, wo yi haminna mɔ Tii ya kolu le le, kamasɔlɔn a a lɔjala ka mɔ Tii ladiyanankolu le kɛ.

1 Kolɛntikalu 7:34

A do miliya lɔtalanin fila le le. Moso fulubalilu ani singbililu, wolu yi haminna mɔ Tii ya kolu le le. Ai do y'ai lɔjala k'ai falikolo ni ai joso bɛ bila a ta fan mɔ Tii le yɛ. Kɛɛ moso fulunin do yi haminna dunuɲakolu le le, kamasɔlɔn a a lɔjala ka a kɛ́ ladiyanankolu le kɛ.

Ɛfɛsikalu 6:18

Ài yi Ala dali waate bɛ iwo Nii Sɛnɛyanin y'ài lɔla a la teme ka madiyalikan ni dailikan suu bɛ lase a ma. Wo ma, ài y'ài lɔgbeleya k'ài to ài ɲana ka kɛ Ala dalila mumininnu bɛ yɛ.

Filipikalu 4:6

Ài do sɔn kà ja ko ko si lɔ, mafɔ ài mako vɛ kɛla ko ko la, ài yi wo dali Ala la, k'a madiya, ani ka balika bɔ a yɛ.

1 Timote 2:1

Ǹ'i ko kunfɔlɔ min fɔla k'a magbeleya, wo le ài yi Ala madiya, ka Ala dali i ɲɔɔ yɛ, ani ka balika bɔ a yɛ mɔɔ bɛ ya ko lɔ.

1 Timote 5:16

Kɛɛ ni kɛsamoso dɔlu ka kɛ limaniyamoso dɔ ya demaya tɛma, fɔ wo tii i jando ai lɔ. Wo doni kà la limaniyajama kun, fɔsa a yi se ka kɛsamosolu madɛmɛn minu kelenpesa vɛ to.

1 Timote 5:3

Kɛsamoso minu kelen vɛ to bɛlɛbɛlɛ le, i yi wolu mina buɲali boloma.

2 Timote 1:3

M̀'ɛ kɛla Ala dalila waate o waate, ǹ hangili yi tola i lɔ su ni tele. Ado ka bɛn iya ko ma, ǹ'i balika bɔla Ala yɛ, ǹ'i baale kɛla min yɛ jososɛnɛyanin boloma iwo m̀ bemanu tɛɛ a kɛla teme.

1 Piyɛli 3:5

Muminin moso minu jei siinin tɛɛ Ala la kɔlɔkɔlɔ le, wolu tɛɛ ai jɛlɛ lakeinyala wo boloɲa le ma, ai vɛ ai fanmajiila ai kɛ́nu yɛ.