1 Timote 5:10 - Ala Ya Salatikan Kula Kitabu

¹⁰ A mangutu yi lɔn aa koɲumakɛko lɔ, ko a na a dennu lasonna kobɛn, ka lonalu lɔmina kobɛn, ka mumininnu madɛmɛn fanmajii boloma, ka mɔɔ tɔlɔyaninnu makolu laɲia, ani k'a jɛlɛ di koɲuma suu bɛ dɔ kɛko lɔ.

1 Timote 5:10 ပူးပေါင်းရင်းမြစ်များ

Matiyu 25:17

Kɛmɛ fila (200) tii fana k'a kɛ boloɲa kelen wo le ma, ka kɛmɛ fila (200) gbɛlɛ sɔlɔn a tɔnɔ le.

Matiyu 5:16

Àiya kɛnɛya yi bɔ ten mɔɔlu ɲakɔlɔ, fɔsa ai y'ài kɛko keinnu ye k'ài Fa magbiliya min yi haijɛnɛ.»

Luka 7:38

A v'i madonna Isa la a kɔma, k'i lɔ a sen fɛ, a vɛ kasila ka Isa sennu maɲiin a ɲaji le. Wo kɛ, a k'a sennu matɛ a kunsi la, ka ban k'ai masumu, ani k'ai mamun tulu sumadiyanin ne.

Luka 7:44

Wo fɔ Isa bolo, a k'i kɔdon k'i ɲa kaa moso lɔ. A do vɛɛ Simɔn yɛ: «I ma moso min ye? Ǹ na donna iya bon na mingɛ, i ma ji di m̀ ma ko ǹ'i ǹ sen mako. A do na ǹ sennu maɲiinna a ɲaji le, k'ai matɛ a kunsi le.

Kɛkolu 10:22

Ai do ka Piyɛli javi, ai vɛɛ: «Sɔdasi kuntii Kɔɔnɛli le na mɔ lanala. Mɔɔ telennin ne a le, ani Alaɲasiyanɲɛmɔɔ, Jahudiyalu bɛ yi min buɲala kosɛvɛ. Lɔhɔlɔma mɛlɛka dɔ le n'a fɔla a yɛ ko a y'i kili aa bon na, fɔsa a a tolomalɔ i kumakan na.»

Kɛkolu 22:12

«Wo k'a talan, Alaɲasiyanɲɛmɔɔ dɔ tɛɛ Damase, min tɔɔ tɛɛ ko Ananiya. A tɛɛ Nabi Musa ya seliya latelenna, ado je Jahudiyalu bɛ tɛɛ a buɲala.

Kɛkolu 6:3

Wo ma, mɔ badenmalu, ài yi kɛ́ wolowulan ta ài tɛma, minu mangutu ɲuma yi fɔla ko ai joso lafanin Nii Sɛnɛyanin la, ani ko hangilima le ai le. Ài m'i wolu lasii baale wo kunna.

Kɛkolu 9:36

Wo k'a talan Isa kɔbiladen dɔ tɛɛ Jopa so kɔnɔ, min tɔɔ tɛɛ ko Tabita. Ai tɛɛ a fɔla a ma Gɛlɛkikan nɔ ko Dɔɔkasi, wo kɔlɔ le ko Minaan. Moso wo tɛɛ kokein ne kɛla kudein ka fandannilu madɛmɛn.

Kɛkolu 9:39

Wo fɔ Piyɛli yɛ, a v'i wulila ka bila ai kɔ. A senin je, ai ka taa a le sangaso sanmabon na. Kɛsamosolu bɛ lɔnin tɛɛ Piyɛli laminin nɔ, ai vɛ kasila ka faanibalu ni faani kɔlɔbilalu jiya a la, Dɔɔkasi tɛɛ vɛ minu kala ai yɛ.

Lɔmukalu 12:13

Ài yi mumininnu madɛmɛn k'ai makolu laɲia, ani ka lonalu jiya.

Ɛfɛsikalu 2:10

Kamasɔlɔn Ala baalenɔ le mɔ le, a na minu ladanna Masa Tɔɔmasenin Isa sabu la koɲumakɛko lɔ, fɔsa Ala gbu na koɲuma minu lɔbɛnna mɔ yɛ kɔlɔkɔlɔ le, m'i kɛ wolu kɛba le.

Kɔlɔsikalu 1:10

Wo vɛ kɛla, ài taamaɲa yi mɔ Tii lasawale, ka diya a yɛ boloɲa bɛ ma, ài vɛ koɲuma suu bɛ dɔ kɛla ka to taala ɲafɛ Ala lɔnko lɔ.

1 Timote 2:10

mafɔ ai kɛko ɲumalu, iwo a bɛnnin teme mosolu ma minu y'a fɔla ai jɛlɛ ma ko Alaɲasiyanɲɛmɔɔ.

1 Timote 3:2

Wo ma, fɔ limaniyajama kunmafɛlɛnba yi kɛ mɔɔ jalakibali le le, ani moso kelen tii, ani jɛlɛlɔminamɔɔ min k'a dan lɔn kolu lɔ, ani mɔɔ sɔvɛ, ani jetii ɲuma, a do yi se mɔɔlu kalanna.

1 Timote 3:7

Wo bɛ kɔ, mangutu ɲuma yi kɛ a kɔ mɔɔlu bolo, hali minu fɛ tɛ limaniyajama la, alako a kana bila maloya lɔ ka kɛlɛ Soitana ya sɔɔ la.

1 Timote 5:16

Kɛɛ ni kɛsamoso dɔlu ka kɛ limaniyamoso dɔ ya demaya tɛma, fɔ wo tii i jando ai lɔ. Wo doni kà la limaniyajama kun, fɔsa a yi se ka kɛsamosolu madɛmɛn minu kelenpesa vɛ to.

1 Timote 5:25

Wo boloɲa kelen ma, mɔɔ dɔlu kɛko ɲumalu lankɛnɛmayayine, hali ni a minu la ma nkɛnɛmaya, wolu tɛ se tola doon nɔ.

1 Timote 6:18

A fɔ ai yɛ ko ai yi koɲumalu kɛ, ka nafolotiiya kɛ koɲumakɛko lɔ, ani k'ai bolo fɔlin dɔlu sɔko lɔ.

2 Timote 1:5

Ǹ hangili toyine iya limaniya bɛlɛbɛlɛ lɔ, min ɲɔɔzii tɛɛ i mama Loyise ni i ba Yunise bolo kunfɔlɔ le, ado ǹ layine a la ko limaniya kelen wo le yi ile fana bolo hali bi.

2 Timote 2:21

Ni mɔɔ dɔ k'a jɛlɛ lasɛnɛya ka bɔ kokɔsɔninnu ma, wo tii ma kɛtɔle iwo mulan magbiliyanin min bilanin a ta fan, min nafa y'a Tii yɛ, ani a lɔbɛnnin baale ɲuma suu bɛ dɔ kɛko le lɔ.

2 Timote 3:15

Ka ta iya denniya waate ma, i vɛ lɔhɔlɔma kitabulu lɔn, minu yi se ka hangilimaya di i ma kisiko lɔ ka bɛn limaniya ma Masa Tɔɔmasenin Isa ma.

2 Timote 3:17

min y'a kɛ Ala ya mɔɔ yi kɛ mɔɔ dafanin ne, min yi se ka baale ɲuma suu bɛ dɔ kɛ.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Tite 2:7

Ile gbu yi ko bɛ kɛ kobɛn k'i jɛlɛ kɛ misali le mɔɔlu yɛ koɲuma kɛko bɛ lɔ. I do vɛ kɛla mɔɔlu kalanna, i y'a kɛ mɔɔsɔvɛya ni josolɔgbɛya boloma,

Tite 3:1

I iya mɔɔlu hangili bila ko ai y'ai fanmajii kuntiilu ni fangatiilu yɛ, k'ai kumakan labato, ani k'ai lɔbɛn koɲumakɛko lɔ waate bɛ.

Tite 3:14

Ado maa mɔɔlu fana ka kan k'ai jɛlɛ dein kobɛlɛkɛko la, fɔsa ai yi se dɔlu bɔla ko gbɛlɛnnu lɔ, ai do kà kɛ mɔɔ fofo le.

Tite 3:8

Kuma min yi tuɲa le le. Ǹ'a fɛ i yi ko minu magbeleya fɔsa Ala malimaniyamɔɔlu y'ai gbaladon koɲumakɛko ma, minu keinyanin, ani nafa yi minu la mɔɔ bɛ yɛ.

Hebululu 10:24

Ài m'i mɔ jando i ɲɔɔ nɔ, k'i ɲɔɔ lasawati kanundeya ni koɲumakɛko lɔ.

Hebululu 13:2

Ài kà ɲina lonalu jiyako lɔ, kamasɔlɔn a dɔlu tonin wo le la, ai ka mɛlɛkalu jiya ai ɲina ma.

Hebululu 13:21

Ala wo yi koɲuma suu bɛ see di ài ma a sawonanko kɛko lɔ, a v'a ladiyanankolu labaalela mɔ josokun nɔ Masa Tɔɔmasenin Isa sabu la, magbiliyali yi min yɛ waate bɛ ani habadan! Amiina.

1 Piyɛli 2:12

Ài taamaɲa yi keinya Alalɔnbalilu tɛma, fɔsa hali ni ai k'ài mafin, ko koyonkɛba le ài le, ai y'ài kɛko ɲumalu ye ka magbiliyali di Ala ma a nalon.

1 Piyɛli 4:9

Ài i ɲɔɔ jiya àiya bonnu la. Ài do kà kunnɔkuma kɛ ka bɛn wo ma.

3 Yohana 1:12

Demetiliyusi vɛ seleyakan ɲuma sɔlɔn, mɔɔ bɛ yi min fɔla. Hali tuɲa gbu diɲanin wo ma. Ǹu gbu yi maa seleyakan lala wo kɔkan, ado i k'a lɔn ko maa seleyakan yi tuɲa le le.