1 Timote 4:7 - Ala Ya Salatikan Kula Kitabu

⁷ I fɛ kà kɛ faɲafɔ taliku fɔko la ani tali fuunnu, minu ni Ala ya siya bɛnnin tɛ i ɲɔɔ ma, mafɔ i i jɛlɛ makolo ka bɛn Alaɲasiyanɲɛ ma.

1 Timote 4:7 ပူးပေါင်းရင်းမြစ်များ

Kɛkolu 24:16

Wo ma, ǹ'i ǹ senko le la kudein fɔsa ǹ joso sɛnɛyanin yi to Ala ni mɔɔlu yɛ.

1 Timote 1:4

Ai do kà ai jɛlɛ bila faɲafɔ taliku fɔko lɔ, ani jilijaa ɲafɔko le minu tɛ banna. Ko suu wolu le yi nala sɔsɔyali le, ai do tɛ Ala ya baale lataala ɲafɛ min jusiinin limaniya kɔkan.

1 Timote 1:9

Mɔ v'a ɲaye kɔtunun ko seliya la ma jii telenmandelu ya ko lɔ, mafɔ seliya tiɲabalu, ani mɔɔ mulutunilu, ani Alaɲasiyanɲɛbalilu, ani julumbutɔlu, ani Alabuɲabalilu, ani mɔɔ minu yi Ala jɛvɛla, ani mɔɔfaabalu, ani mɔɔ minu y'ai fanu ni ai banu faala,

1 Timote 2:10

mafɔ ai kɛko ɲumalu, iwo a bɛnnin teme mosolu ma minu y'a fɔla ai jɛlɛ ma ko Alaɲasiyanɲɛmɔɔ.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

1 Timote 4:8

K'i fali makolo, wo yi nala nafa dɔ le le. Kɛɛ Alaɲasiyanɲɛ yi nala nafa le le boloɲa bɛ ma, kamasɔlɔn a yi mɔɔ madɛmɛnna iya dunuɲalɔtɛɛ le lɔ ani ka balayi lase i ma kiyama.

1 Timote 6:11

Ile Ala ya mɔɔ koni, i i jɛlɛ matanga ko wolu ma, ka bɔli telenmandeya kɔ, ani Alaɲasiyanɲɛ, ani limaniya, ani kanundeya, ani sawali, ani sɔniyali.

1 Timote 6:20

Ile Timote, ko minu kalifanin i la, i yi wolu ladalo kobɛn. I i jɛlɛ matanga kuma fuunnu ma minu ni Ala ya siya bɛnnin tɛ i ɲɔɔ ma, ani sɔsɔyali kolon, mɔɔ dɔlu y'a fɔla min ma filibandeya boloma ko lɔnni.

1 Timote 6:3

Ni mɔɔ mɔɔ ka na kalan gbɛlɛ le, min ni mɔ Tii Masa Tɔɔmasenin Isa ya kuma sɔvɛlu tɛ kelen ne, niwotɛ min bɛnnin tɛ Alaɲasiyanɲɛ ma,

1 Timote 6:5

ani kɛlɛ banbalilu mɔɔ hangili tiɲaninnu tɛma, minu dɛsɛnin tuɲa la. Wolu le y'ai milila ko Ala ya siya lataamanko yi nafolo ɲinin siya le le.

2 Timote 2:16

I i jɛlɛ matanga kuma fuunnu ma, minu ni Ala ya siya bɛnnin tɛ i ɲɔɔ ma, kamasɔlɔn wolu le yi mɔɔlu mataala Ala la.

2 Timote 2:23

I yi kolɔnbaliya sɔsɔyali fuunnu to je, kamasɔlɔn i k'a lɔn ne wolu yi nala sɔɔnsɔɔn ne le dein.

2 Timote 3:12

Tuɲa le, a lɔɔ yi mɔɔ minu la ka taama Alaɲasiyanɲɛ boloma Masa Tɔɔmasenin Isa ya kafonɲɔɔya lɔ, wolu bɛ kɛtɔ jangata le masɔlɔnna.

2 Timote 3:5

Ai do kɛtɔ ai jɛlɛ kɛla mɔɔlu ɲana iwo Alaɲasiyanɲɛmɔɔ, k'a talan ai v'i ban Ala fanga lɔ. I i majaan mɔɔ kaija wolu la feu.

2 Timote 4:4

Ai kɛtɔ ai tolo bɔla tuɲa la ka bila faɲafɔ talikulu kɔ.

Tite 1:14

ka falan ai tolomalɔla Jahudiyalu ya faɲafɔ talikulu la, ani jamali minu dinin mɔɔlu bolo minu vɛ ai kɔdon tuɲa la.

Tite 2:12

Nɛɛma wo yi mɔ kalanna le ko, m'i Alabuɲabaliya to je, k'i ban dunuɲa niikanukolu lɔ, fɔsa m'i taama jɛlɛlɔmina ni telenmandeya ani Alaɲasiyanɲɛ boloma dunuɲalɔtɛɛ min nɔ,

Tite 3:9

Kɛɛ i k'i fɛ bila sɔsɔyali fuunnu la, ani jilijaa ɲafɔkolu, ani ko minu yi mɔɔlu falanna i ɲɔɔ ma, ani kɛlɛkɛkolu ka bɛn Nabi Musa ya seliya ma. Kamasɔlɔn nafa tɛ kofuun wo suu suu la.

Hebululu 5:14

Kɛɛ dɔnnifen lɔjanin yi kɛmɔbalu ta le le, minu vɛ ai jɛlɛ kalan koɲuma ni koyon wotɛbɔ ko la.