1 Timote 4:3 - Ala Ya Salatikan Kula Kitabu

³ Kalanmɔɔ wolu le yi fuluko dansiila, ani ka dɔnnifen suu dɔlu kɛ tanama fen ne, k'a talan wolu ladannin Ala bolo fɔsa limaniyamɔɔ minu ka tuɲa lɔn, wolu y'a dɔn ka balika bɔ a yɛ.

1 Timote 4:3 ပူးပေါင်းရင်းမြစ်များ

Matiyu 14:19

Wo kɛ, a ka jama lɔ ai siila bin kan. Ai siinin, a ka bulukala loolu ni jɛɛni fila ta k'a ɲa lajɛlɛ sanma ka balika bɔ Ala yɛ. A ka bulu lɔkalikali, k'a di a kɔbiladennu ma. Ai do k'a lɔtala jama wotɛ.

Matiyu 15:11

Mɔɔ yi fen fen donna i da k'a dɔn, wo suu suu tɛ se mɔɔ lakɔsɔla. Kɛɛ ko minu yi bɔla mɔɔ da, wolu le yi mɔɔ lakɔsɔla.»

Matiyu 15:36

Wo kɛ, a ka bulukala wolowulan ni jɛɛni wolu ta, ka balika bɔ Ala yɛ, k'a lɔkalikali, k'a di a kɔbiladennu ma. Wolu do ka wo lɔtala jama wotɛ.

Luka 24:30

Ai k'i sii dɔnnikɛya lɔ mingɛ, a ka bulu ta ka balika bɔ Ala yɛ, k'a lɔkalikali k'a di ai ma.

Yohana 6:23

Kɛɛ kulun dɔlu ka bɔ Tibɛliya ka se dingila wo dafɛ, ai ka bulu dɔn tɛɛminja mɔ Kuntii ya balikabɔ kɔla Ala yɛ.

Kɛkolu 27:35

Wo fɔ Pɔli bolo, a ka bulu ta ka balika bɔ Ala yɛ ai bɛ ɲana k'a lɔkalikali k'a dɔ dɔn.

Lɔmukalu 14:17

Kamasɔlɔn Ala ya masaya tɛ dɔnni ni minni ko le, mafɔ telenmandeya ani josolajii ani josoladiya, Nii Sɛnɛyanin yi minu dila.

Lɔmukalu 14:3

Mɔɔ min yi fen bɛ dɔ dɔnna, a man kan ka dɔ lafeya min tɛ fen bɛ dɔ dɔnna. Wo fana kà a mɔɔɲɔɔ kiti min yi fen bɛ dɔ dɔnna, kamasɔlɔn Ala bolo siinin wo tii ma fana kɔlɔ.

Lɔmukalu 14:6

Mɔɔ min yi lon dɔ buɲala, wo tii y'a buɲala mɔ Tii le yɛ. Mɔɔ min yi fen bɛ dɔ dɔnna, wo tii yi dɔnni kɛla mɔ Tii buɲako le lɔ, kamasɔlɔn a yi balika bɔla Ala yɛ. Dɔ min tɛ fen bɛ dɔ dɔnna, wo tii y'a kɛla mɔ Tii buɲako le lɔ, kamasɔlɔn ale fana yi balika bɔla Ala le yɛ.

1 Kolɛntikalu 6:13

Mɔɔ dɔlu fana y'a fɔla, ai vɛɛ: «Dɔnnifen dinin kɔnɔgbolo le ya ko lɔ, ani kɔnɔgbolo dinin dɔnnifen ne ya ko lɔ.» Tuɲa le, kɛɛ Ala kɛtɔ fen fila wo bɛ le halakila. Mɔɔ falikolo koni la ma dan kanukɛko lɔ, kamasɔlɔn mɔ Tii ta le falikolo le, ado falikolo fana ta le mɔ Tii le.

1 Kolɛntikalu 7:28

Kɛɛ ni i ka fulu kɛ, wo tɛ julumbuko le. Ni do singbili ka fulu, wo tɛ julumbuko le fana. Kɛɛ do, ni mɔɔ minu ka fulu kɛ, wolu kɛtɔ ɲagba siyama le sɔlɔnna dunuɲa, ado ǹ'a fɛ k'ài matanga wo le ma.

1 Kolɛntikalu 8:8

Ado dɔnnifen tɛ mɔ masulunyala Ala la. Ni mɔ ma a dɔn, wo tɛnala mɔ labɔnɔla foi la. Ni mɔ do k'a dɔn, mɔ tɛnala tɔnɔ foi sɔlɔnna wo la.

Kɔlɔsikalu 2:16

Wo lɔ, ài kà diɲa mɔɔ suu suu y'ài kiti ka bɛn dɔnnifen ni minnifen ya ko ma, niwotɛ selilon dɔ, niwotɛ kalo kula selilon, niwotɛ Nɔningɛlon ya ko.

Kɔlɔsikalu 3:17

Ài vɛ ko ko si kɛla, ani ài vɛ kuma suu suu fɔla, ài yi wo bɛ kɛ mɔ Tii Isa tɔɔ lɔ ka balika bɔ mɔ Fa Ala yɛ ale Isa fɛ.

1 Timote 2:4

min y'a fɛ mɔɔ bɛ yi kisi ka tuɲa lɔnni sɔlɔn.

1 Timote 4:4

Ala ya dannifen bɛ le ɲumayanin, ado mɔɔ man kan k'i ban wo suu suu lɔ, ni a k'a dɔn balikabɔ boloma,

1 Timote 5:14

Wo le y'a ma, a bɛnyine ǹ ɲana kɛsamoso singbilimandalu yi taa kɛ́ la, ka dennu sɔlɔn, ani k'ai jando aiya bonnakolu lɔ, alako mɔ juulu kana mɔ mafin dailu sɔlɔn.

Hebululu 13:4

Fɔ bɛ yi fulu buɲa, ado fuluɲɔɔmalu ya lafen ma kà kɔsɔ, kamasɔlɔn Ala kɛtɔ jalon ni kanukɛbalu latɔnna.

Hebululu 13:9

Ài kà diɲa ài la yi fili ka bɛn kalan kaijakaija kulalu ma. A bɛnyine Ala ya nɛɛma y'ài josokun bama, jamali ko tɛ ka bɛn dɔnnifennu ma, minu tɛ ai latelenbalu wunafala tuun.