1 Timote 4:16 - Ala Ya Salatikan Kula Kitabu

¹⁶ I i jɛlɛ lakɔlɔsi, ani iya kalan. I i bolo kɛ ko minu la, kamasɔlɔn ni i ka wolu kɛ, i kɛtɔ i jɛlɛ lakisila ani i lamɛnbalu.

1 Timote 4:16 ပူးပေါင်းရင်းမြစ်များ

Malɛkɛ 13:9

«Ài y'ài jando ài jɛlɛ lɔ ka bɛn mɔɔlu ma, kamasɔlɔn ai kɛtɔ taala ài le kititɛɛbonnu la, ani k'ài gbasi gbusan na Aladalibonnu la, ani k'ài lalɔ jamanatiilu ni masakɛlu ɲakɔlɔ ka bɛn ǹa ko ma. Àilu gbu le kɛtɔ ǹe masele le wo lɔ, ka ǹa ko fɔ wolu yɛ.

Luka 21:34

«Ài y'ài jando ài jɛlɛ lɔ fɔsa ài joso lɔ kana gbalin noomaya le, ani gbɛtɔya, ani dunuɲalɔtɛɛkolu hamin. Niwotɛ, wo lon kɛtɔ balala ài lɔ,

Kɛkolu 26:22

Kɛɛ Ala vɛ to m̀ madɛmɛnna haan fɔɔ ka na sii bi la. Wo lɔ, ǹ lɔnin jan ka seleya di mɔɔ bɛ ma, fandanni ni seetiilu bɛ. Nabi Musa ni kela tɔlu ka ko natɔ minu fɔ, ǹe do ma ko gbɛlɛ fɔ ka timin wolu la.

Kɛkolu 6:4

Ǹu koni kɛtɔ mɔ gbaladonna Aladaliko la ani ka Ala kumakan lase.»

Lɔmukalu 11:14

fɔsa keleya yi ǹ jɛlɛkanu mɔɔlu mina, tumadɔ wo yi kɛ ai dɔlu kisiko sabu le.

Lɔmukalu 16:17

M̀ badenmalu, ǹ'ài madiyala, ài y'ài jando ài jɛlɛ lɔ mɔɔwotɛfalanbalu ya ko lɔ, minu yi mɔɔlu kunnɔtɛɛla, ani ka kalan bɛlɛ sɔsɔ, ài na min sɔlɔnna. Ài y'ài mataa ai la feu!

Lɔmukalu 2:7

Wo ma, mɔɔ minu sawalinin aiya koɲumakɛko ma fɔsa ai yi magbiliyali ni buɲali ni habadan niimaya ɲinin ai jɛlɛ yɛ, Ala kɛtɔ niimaya banbali dila wolu le ma.

1 Kolɛntikalu 1:21

Ala k'a latɛɛ aa hangilimaya lɔ ko dunuɲa ni aa hangilimaya bɛ, a ma se Ala lɔnna a jɛlɛkanu ya hangilimaya fɛ. Kɛɛ a do ka diya Ala yɛ ka a malimaniyamɔɔlu lakisi ka bɛn kawanili wo ma, dunuɲamɔɔlu yi min jatela hangilindanya kuma le.

1 Kolɛntikalu 9:22

M̀'ɛ kɛla mɔɔlu tɛma minu fanga dɔɔyanin limaniya lɔ, ǹ'i ǹ jɛlɛ kɛla iwo ai dɔ, fɔsa ǹ'i se ai masɔlɔnna teme. Ǹ'i ǹ jɛlɛ kɛla mɔɔ suu bɛ dɔ le mɔɔ bɛ yɛ, fɔsa boloɲa bɛ dɔ ma, ǹ'i se a dɔlu lakisila teme.

1 Kolɛntikalu 9:27

Ǹ'i ǹ falikolo makolola k'a bila ǹa lɔminali kɔlɔ, alako ǹ kana ban mɔɔlu kawanila ka ǹ fo ǹ jaza la.

Ɛfɛsikalu 4:14

Wo ma, mɔ tɛnala kɛla dennilu le butu, kɔɔ kilinkilin yi minu lamaamaala, ani fɔɲɛ yi minu lafilinfilinna ka bɛn mɔɔ jateeyaninnu ya lafilikolu ma ani aiya faɲafɔ kalan kaijakaijalu.

Kɔlɔsikalu 4:17

Ài y'a fɔ Alisipi yɛ, ài vɛɛ: «Mɔ Tii na baale min dila i ma, fɔ yi wo kɛ k'a dafa.»

1 Tɛsalonikakalu 2:16

kamasɔlɔn ài y'ai lɔjala ka mɔ dansii fɔsa mɔ kana kisiko lase siboloma gbɛlɛ mɔɔlu ma. Wo boloɲa ma, ai y'a dɔ le lala aiya julumbulu kɔkan kudein haan fɔɔ a da yi fa. Kɛɛ a laban nɔ, Ala ya mɔnɛya vɛ ben ai kɔkan.

1 Timote 1:3

Iwo ǹ n'a fɔla i yɛ k'a magbeleya teme ǹ taa waate Masaduwani koovi lɔ, fɔ i yi to Ɛfɛsi so kɔnɔ fɔsa i yi mɔɔ dɔlu jamali k'a fɔ ko ai yi faɲafɔ kalanko dabila.

1 Timote 4:15

I i lɔja ka ko minu bɛ kɛ, k'i jɛlɛ di baale wo ma kosɛvɛ, fɔsa bɛ y'a ye ko i yi taala ɲa le fɛ.

1 Timote 4:6

Ni i ka ko minu lase mɔ badenmalu ma, i kɛtɔ kɛla Masa Tɔɔmasenin Isa ya bɔiden ɲuma le le, k'a jiya ko i balonin limaniya kuma ni kalan bɛlɛlu le la, i bilanin minu kɔ.

2 Timote 2:10

Wo lɔ, ǹ'i ko bɛ le minala m̀ ma ka bɛn Ala ya mɔɔ taninnu ya ko ma, fɔsa ailu fana yi kisi Masa Tɔɔmasenin Isa sabu la ka habadan magbiliyali sɔlɔn.

2 Timote 3:14

Ile koni, fɔ i i bolo kɛ tuɲa la, i na min kalanna ka limaniya a ma, kamasɔlɔn i k'a lɔn i na kalan wo sɔlɔnna mɔɔ minu la.

2 Timote 4:2

i yi Ala kumakan kawani ka to wo la waate ɲuma ni waate gbɛlɛnnu lɔ, ka mɔɔlu jobaliya, k'ai makuma, k'ai lali, i vɛ ai kalanna sawali bɛlɛ boloma.

Tite 1:9

A a bolo kɛ lanaya kuma la kpekpe iwo a kalannin a la teme, fɔsa a yi se mɔɔlu sɛmɛdonna kalan bɛlɛ la teme, ani ka mɔɔlu jobaliya minu y'a sɔsɔla.

Tite 2:15

I ka kan k'ai kalan ko minu le la, k'ai sɛmɛdon, ani k'ai makuma iya kuntiiya see bɛ le. I do kà diɲa mɔɔ suu suu yi jɔ i ma.

Tite 2:7

Ile gbu yi ko bɛ kɛ kobɛn k'i jɛlɛ kɛ misali le mɔɔlu yɛ koɲuma kɛko bɛ lɔ. I do vɛ kɛla mɔɔlu kalanna, i y'a kɛ mɔɔsɔvɛya ni josolɔgbɛya boloma,

Filemɔn 1:19

Ǹe Pɔli le yi min sɛvɛla ǹe gbu bolo le, ǹ ko, ǹ kɛtɔ i boloɲɔɔ laseila. Kɛɛ do, ǹ tɛnala i hangili bilala a lɔ k'a fɔ ko ile gbu yi ǹa komamɔɔ le le.

Hebululu 12:15

Ài y'ài jando ài jɛlɛ lɔ, fɔsa mɔɔ suu suu kana fo Ala ya nɛɛma la. Lilen yon kà fɛlɛn ài josokun nɔ min yi kɛ sabu le ka fitina lawuli mɔɔlu wotɛ ka mɔɔ siyama lakɔsɔ.

Hebululu 13:9

Ài kà diɲa ài la yi fili ka bɛn kalan kaijakaija kulalu ma. A bɛnyine Ala ya nɛɛma y'ài josokun bama, jamali ko tɛ ka bɛn dɔnnifennu ma, minu tɛ ai latelenbalu wunafala tuun.

Janguba 5:20

wo vɛ kɛla, ài y'a lɔn ko mɔɔ min n'a labɔla aa lafilili siya kɔkan, wo tii vɛ julumbutɔ wo nii lakisi ka bɔ saya ma. A do vɛ kɛ sabu le, julumbu siyama lɔ vɛ koto.