1 Timote 4:13 - Ala Ya Salatikan Kula Kitabu

¹³ I yi to kitabulu kalanna jama yɛ k'ai kawani ani ka to ai kalanna haan fɔɔ m̀'ɛ nala lon min na.

1 Timote 4:13 ပူးပေါင်းရင်းမြစ်များ

Yohana 5:39

Ài yi kitabulu mafɛlɛnna kosɛvɛ, kamasɔlɔn a ài kɔnɔ ko ài kɛtɔ niimaya banbali sɔlɔnna wolu le fɛ, k'a talan kitabu wolu gbu le yi seleya dila ka bɛn m̀ ma.

Kɛkolu 17:11

Je mɔɔlu josolɔgbɛyine tɛɛ ka timin mɔɔlu la minu tɛɛ Tɛsalonika, kamasɔlɔn ai k'ai bolo sii Ala kumakan kɔlɔ sɛmɛdon boloma, ai vɛ kitabulu mafɛlɛnna lon bɛ k'a lɔn ni ko wolu yi tuɲa le le.

Kɛkolu 6:4

Ǹu koni kɛtɔ mɔ gbaladonna Aladaliko la ani ka Ala kumakan lase.»

Lɔmukalu 12:8

Ni min ta ka kɛ sɛmɛdonko le, wo tii yi mɔɔlu sɛmɛdon. Ni mɔɔsɔko see dinin mɔɔ min ma, wo tii bolo yi fɔlin sɔli boloma. Ni kuntiiya see dinin ka kɛ mɔɔ min ma, wo tii y'a baale kɛ sɔvɛdon boloma. Ni do see dinin mɔɔ min ma ka henandeyakolu kɛ, wo tii y'a kɛ sawa boloma.

1 Kolɛntikalu 14:26

M̀ badenmalu, ài ka kan k'a kɛ di wo lɔ? Ni ài vɛ ladɛn kɛla waate min nɔ, ni mɔɔ dɔ y'a fɛ ka baiti la, a a la. Ni kalan y'a dɔgbɛlɛ fɛ, a yi mɔɔlu kalan. Ni ko lankɛnɛmayanin dɔ ka kɛ a dɔgbɛlɛ fɛ ka bɔ Ala fɛ, wo tii y'a fɔ. Ni dɔ y'a fɛ ka kuma kan gbɛlɛ lɔ, a yi kuma. Ni a see yi mɔɔ dɔ yɛ ka kan gbɛlɛ wo latimin, a a latimin. Kɛɛ ko bɛ yi kɛ ka bɛn limaniyajama lasawatiko le ma.

1 Kolɛntikalu 14:3

Kɛɛ mɔɔ min yi kelayakuma lasena, wo tii yi kumala mɔɔlu le yɛ k'ai lasawati, k'ai sɛmɛdon, ani k'ai josolajii.

1 Kolɛntikalu 14:6

M̀ badenmalu, ni ǹ ka taa ài fɛlɔ ka kuma ài yɛ kan gbɛlɛlu lɔ, ài kɛtɔ nafa mindɛ sɔlɔnna wo la? Ǹ tɛnala ài nafala, ni m̀ ma Ala ya ko dɔ lankɛnɛmaya ài yɛ, niwotɛ ka lɔnni di ài ma, niwotɛ ka kelayakuma dɔ lase ài ma, niwotɛ k'ài kalan.

1 Timote 4:16

I i jɛlɛ lakɔlɔsi, ani iya kalan. I i bolo kɛ ko minu la, kamasɔlɔn ni i ka wolu kɛ, i kɛtɔ i jɛlɛ lakisila ani i lamɛnbalu.

1 Timote 4:6

Ni i ka ko minu lase mɔ badenmalu ma, i kɛtɔ kɛla Masa Tɔɔmasenin Isa ya bɔiden ɲuma le le, k'a jiya ko i balonin limaniya kuma ni kalan bɛlɛlu le la, i bilanin minu kɔ.

2 Timote 3:15

Ka ta iya denniya waate ma, i vɛ lɔhɔlɔma kitabulu lɔn, minu yi se ka hangilimaya di i ma kisiko lɔ ka bɛn limaniya ma Masa Tɔɔmasenin Isa ma.

2 Timote 4:2

i yi Ala kumakan kawani ka to wo la waate ɲuma ni waate gbɛlɛnnu lɔ, ka mɔɔlu jobaliya, k'ai makuma, k'ai lali, i vɛ ai kalanna sawali bɛlɛ boloma.

Tite 2:15

I ka kan k'ai kalan ko minu le la, k'ai sɛmɛdon, ani k'ai makuma iya kuntiiya see bɛ le. I do kà diɲa mɔɔ suu suu yi jɔ i ma.