1 Timote 4:12 - Ala Ya Salatikan Kula Kitabu

¹² I kà diɲa mɔɔ mɔɔ yi jɔ i ma ka bɛn iya fɔningeya ma, mafɔ i yi kɛ misali le limaniyamɔɔlu yɛ i kumaɲa lɔ, ani i kokɛɲa, ani iya kanundeya, ani iya limaniya, ani iya sɛnɛya.

1 Timote 4:12 ပူးပေါင်းရင်းမြစ်များ

Matiyu 18:10

«Ài y'alama, ài kà denni minu dɔ dɔɔya, kamasɔlɔn ǹ'a fɔ ài yɛ, aiya mɛlɛkalu lɔnin ǹ Fa ɲakɔlɔ haijɛnɛ waate bɛ.»

1 Kolɛntikalu 11:1

Ài yi suma m̀ ma iwo ǹ'i ǹ sumala Masa Tɔɔmasenin ma teme.

Filipikalu 4:8

Ka ǹa kuma laban m̀ badenmalu, ǹ'a fɛ ài yi kɛ ài milila ko minu ma, wolu le ne: ko minu yi tuɲa le, magbiliyalikolu, kotelenninu, kosɛnɛyaninnu, kokeinnu, kobɛnninu, ani ko minu ni matɔɔli kaannin.

1 Tɛsalonikakalu 1:6

Ài n'ài sumala mɔ taamaɲa le ma ani mɔ Tii Isa taamaɲa, kamasɔlɔn ài n'ài bolo siila Samakan Kein kɔlɔ sawa bolo le ma, sawa min bɔnin Nii Sɛnɛyanin fɛ, hali ài bannin ka kɛ tɔlɔya siyama masɔlɔnna.

1 Tɛsalonikakalu 2:10

Àilu gbu le mɔ sele le, ani Ala fana, k'a fɔ ko mɔ tɛɛ àilu limaniyamɔɔlu tɛma waate min nɔ, mɔ tɛɛ taamana sɛnɛya boloma, ani telenmandeya, ani jalakibaliya.

1 Timote 1:14

Mɔ Tii na ǹ sɔla aa nɛɛma sɔ bɛlɛbɛlɛ kɛ, ka limaniya ni kanundeya di m̀ ma minu yi sɔlɔnna Masa Tɔɔmasenin Isa ya kafonɲɔɔya lɔ.

2 Timote 2:15

I i lɔja ka kɛ baaleden ne, Ala diɲanin min ya baale ma, maloya tɛ min na aa baaledalu lɔ, min yi mɔɔlu kalanna tuɲa kuma la kobɛn.

2 Timote 2:22

I i jɛlɛ matanga kavelenya niikanukolu ma, k'i lɔja telenmandeya lataamanko lɔ, ani limaniya, ani kanundeya, ani josolajii, ka la mɔɔlu kɔkan minu yi mɔ Tii tɔɔ kilila josolɔgbɛya boloma.

2 Timote 2:7

Ǹ'i min fɔla yi ne, i yi mili wo ma, ado mɔ Tii kɛtɔ koɲaye dila i ma ko bɛ lɔ.

Tite 2:15

I ka kan k'ai kalan ko minu le la, k'ai sɛmɛdon, ani k'ai makuma iya kuntiiya see bɛ le. I do kà diɲa mɔɔ suu suu yi jɔ i ma.

Tite 2:7

Ile gbu yi ko bɛ kɛ kobɛn k'i jɛlɛ kɛ misali le mɔɔlu yɛ koɲuma kɛko bɛ lɔ. I do vɛ kɛla mɔɔlu kalanna, i y'a kɛ mɔɔsɔvɛya ni josolɔgbɛya boloma,

Janguba 3:13

Jene yi lɔnnila ni hangilima le ài tɛma? Fɔ wo tii y'a jiya a taamaɲa ɲuma fɛ ko a a kɛkolu kɛla fanmajii le lɔ hangilimaya boloma.

Janguba 3:17

Kɛɛ hangilimaya min yi bɔla haijɛnɛ, wo yi nala sɛnɛyali le le kunfɔlɔ le, ka josolajii tuun wo la, ani sɔniyali ni nɔya. Henandeya y'a lɔ, a do kɛkolu ɲumayanin kosɛvɛ. A do tɛ lafisayali ni filangafoya kɛla.

1 Piyɛli 5:3

Ài k'ài fanga la mɔɔlu kɔkan minu kalifanin ài la, mafɔ ài yi kɛ misali ɲuma le saa kulu yɛ.