1 Timote 4:1 - Ala Ya Salatikan Kula Kitabu

¹ Nii Sɛnɛyanin v'a lagbɛ ko dunuɲa laban waate, mɔɔ dɔlu kɛtɔ limaniya siya bilala, ka bila mɔɔlafilibalu kɔ minu yi aiya kalan sɔlɔnna jinalu la.

1 Timote 4:1 ပူးပေါင်းရင်းမြစ်များ

Matiyu 18:7

Gbalo yi dunuɲamɔɔlu yɛ ka bɛn lafilikolu ma! Fɔ ko wolu yi na, kɛɛ gbalo yi mɔɔ wo yɛ min vɛ kɛla ko wolu sabu le!

Luka 17:1

Wo kɔ, Isa vɛɛ a kɔbiladennu yɛ: «Fɔ kolu yi na minu kɛtɔ mɔɔlu lafilila, kɛɛ gbalo yi mɔɔ wo yɛ min vɛ kɛla ko wolu sabu le!

Yohana 16:13

Kɛɛ Nii Sɛnɛyanin vɛ nala, min yi tuɲa lankɛnɛmayala, ale le kɛtɔ tuɲa bɛ jiyala ài la. A do tɛnala kumala a jɛlɛkanu ya seetiiya lɔ, kɛɛ a vɛ ko ko si mɛnna, a kɛtɔ wo le fɔla, ani ka ko natɔlu lase ài ma.

Kɛkolu 13:2

Lon dɔ, ai ka to mɔ Tii batola, ai vɛ sun nɔ, Nii Sɛnɛyanin ka kuma ai yɛ, a vɛɛ: «Ài yi Baanabasi ni Sawuli bila ai ta fan ǹa baalekɛko lɔ, ǹ n'ai kilila min kanma.»

Kɛkolu 17:18

Mɔɔ kalannin dɔlu tɛɛ je, ai tɛɛ a fɔla minu ma ko Epikuli ani Sitoisi ya mɔɔlu, minu ka Pɔli sɔsɔ damina. A dɔlu vɛɛ: «Kumafuunfɔba min y'a fɛ ka mindɛ le fɔ?» A dɔgbɛlɛlu vɛɛ: «A kɛyine iwo a yi kumala ka bɛn tii dɔlu ma minu lɔnin tɛ mɔ bolo.» Ai ka wo fɔ kamasɔlɔn Pɔli tɛɛ Isa ya Samakan Kein ne lasena, ko a v'i wuli ka bɔ saya lɔ.

Kɛkolu 20:23

Kɛɛ ǹ ka min lɔn, wo le ne: Nii Sɛnɛyanin yi ǹ lalɔnnila ko kaso ni gbalokolu yi m̀ makɔnɔna so bɛ la.

Kɛkolu 21:11

A nanin mɔ fɛlɔ, a ka Pɔli ya tɛsililan ta k'a jɛlɛkanu sen ni a bolo sili wo le. A do vɛɛ: «Nii Sɛnɛyanin vɛɛ ko boloɲa kelen min ne ma, Jahudiya kuntiilu kɛtɔ tɛsililan min tii minala Jelusalɛmu, k'a sili k'a don siboloma gbɛlɛ mɔɔlu bolo.»

Kɛkolu 28:25

Ai ma bɛn kan kelen ma. Ai bɔtɔla, Pɔli ka kuma kelen fɔ ai yɛ, a vɛɛ: «Nii Sɛnɛyanin ka kuma min fɔ ài bemanu yɛ Nabi Ezayi bolo, wo yi tuɲa le le, ko:

1 Kolɛntikalu 10:20

Wo tɛ dɛ! Ǹa kuma kɔlɔ le ko mɔɔ minu yi joolu sɔla, aiya sɔlifen wolu yi dila jinalu le ma, Ala tɛ. Ǹe do, ǹ t'a fɛ àilu ni jinalu yi dɛn ko ko si la.

1 Kolɛntikalu 11:19

Tuɲa le, fɔ lɔtalali yi don ài wotɛ, fɔsa mɔɔ sɔvɛlu yi se lɔnna ài tɛma.

1 Kolɛntikalu 12:11

Nii Sɛnɛyanin kelen ne yi see wolu bɛ labaalela, ka mɔɔ kelenkelenna bɛ sɔ wo dɔ sɔ ka bɛn a jɛlɛkanu sawo ma.

1 Kolɛntikalu 2:10

Ala na ko wolu jiyala mɔ la Nii Sɛnɛyanin le fɛ. Kamasɔlɔn Nii Sɛnɛyanin yi ko bɛ le lakɔlɔsila, hali Ala ya gbonolɔkolu.

2 Kolɛntikalu 11:3

Wo bɛ n'a kɛ, sa na jateeya min suu kɛla Mama Hawa la k'a manɛɛ, ǹ'i siyanna àilu gbu hangili kana ɲaami boloɲa gbɛlɛ ma k'ài kɔdon àiya kanundeya bɛlɛbɛlɛ la Masa Tɔɔmasenin yɛ.

Kɔlɔsikalu 2:18

Ài kà diɲa mɔɔ suu suu y'ài jobaliya, minu yi faɲafɔ fanmajii kɛla ani ka mɛlɛkalu bato. Mɔɔ wolu yi ko siyama le ɲafɔla, ai vɛɛ ko Ala le na wolu lajɛlɛla ai ɲa ma, k'ai fannɔbuɲa fuun ka bɛn aiya adamadenya miliya ma dein.

2 Timote 3:13

Kɛɛ mɔɔ yonnu ni wunafalilu koni, a dɔ kɛtɔ tola lala aiya koyon ne kɔkan kudein, ai vɛ dɔlu lafilila iwo ailu gbu lafilinin teme.

2 Timote 4:4

Ai kɛtɔ ai tolo bɔla tuɲa la ka bila faɲafɔ talikulu kɔ.

Janguba 3:15

Hangilimaya suu wo tɛ bɔla haijɛnɛ, mafɔ dunuɲa jan. Adamaden jɛlɛlalu ta le wo le, ani jinalu.

1 Piyɛli 1:20

Wo la tɛɛ vɛ tɛɛ Masa Tɔɔmasenin ma jani dunuɲa tɛɛ dan, kɛɛ a la vɛ nkɛnɛmaya waate laban min nɔ ka bɛn àilu le ma.

2 Piyɛli 2:1

Iwo faɲafɔ kelalu k'i wuli teme Bani Isilankalu tɛma kɔlɔkɔlɔ le, wo boloɲa kelen ma, faɲafɔ kalanmɔɔlu wulitɔ ài tɛma doon nɔ ka na kalan dɔlu le minu yi halakili lasena mɔɔlu ma, hali k'ai ban ai Tii gbu lɔ min n'ai kunmakala. Ai do kɛtɔ halakili lasena ai jɛlɛ ma jona.

2 Piyɛli 3:3

Ài y'a lɔn kunfɔlɔ le ko dunuɲa laban waate, lafeyalikɛbalu wulitɔ aiya lafeyalikannu le, ai vɛ bilala ai jɛlɛkanu niikanuko yonnu kɔ.

1 Yohana 2:18

Ǹ dennu, dunuɲa laban waate ma vɛ sulunya. Ài n'a mɛnna ko Masa Tɔɔmasenin kɛlɛkɛɲɔɔ natɔ, ado tandainɔ yi ne, Masa Tɔɔmasenin kɛlɛkɛɲɔɔ siyama vɛ ban nala. Wo le n'a kɛla, mɔ k'a lɔn dunuɲa laban waate ma vɛ sulunya.

1 Yohana 4:6

Ǹu koni yi Ala ta le le. Mɔɔ min ka Ala lɔn, wo tii y'a tolomalɔla mɔ la. Kɛɛ do, mɔɔ min tɛ Ala ta le, wo tii t'a tolomalɔla mɔ la. Nii Sɛnɛyanin min yi tuɲa lankɛnɛmayala, m'i wo ni faɲafɔ nii wotɛbɔ lɔnna teme, wo le ve.

Jude 1:18

Ai do k'a fɔ ài yɛ, ai vɛɛ: «Dunuɲa laban waate, lafeyalikɛbalu wulitɔ, k'ai bila ai niikanuko yonnu kɔ Alaɲasiyanɲɛbaliya boloma.»

Jude 1:4

Kamasɔlɔn mɔɔ dɔlu vɛ don ài tɛma doon nɔ, minu ya kolatɔn sɛvɛnin ka ta waate jaan ma. Samakan bɛlɛbɛlɛ ka bɛn mɔ Tii Ala ya nɛɛma ma, Alaɲasiyanɲɛbali wolu yi wo kɔlɔ le majɛlɛmana k'a kɛ malobaliyako dailu le, ani k'ai ban Masa Tɔɔmasenin Isa lɔ, min kelenpesa yi mɔ Kuntii le, ani mɔ Tii.

Ko Lankɛnɛmayanin 13:14

See min ka di a ma ka kawanankolu kɛ soofali kunfɔlɔ ɲakɔlɔ, a ka dunuɲamɔɔlu lafili wo le. A do vɛɛ ai yɛ ko ai yi soofali sawula ladan a batoko lɔ, min ma ka dimin siyamifan ne, kɛɛ a ka to a nii la.

Ko Lankɛnɛmayanin 16:14

Jina nii le wolu le, minu yi kawanankolu kɛla, ai vɛ taala masakɛlu fɛlɔ dunuɲa muumɛ kɔnɔ, fɔsa ai y'ai ladɛn kɛlɛkɛko lɔ Seebɛtii Ala ya lonba lon na.

Ko Lankɛnɛmayanin 18:2

Mɛlɛka k'a kan labɔ bakɛ, a vɛɛ: «A la vɛ ben, Babilɔn so ba la vɛ ben mɛtu! A vɛ kɛ jinajuulu makɛya le, ani kɔnɔ kɔninnnu doonya, ani soo kɔsɔninnu ni soo kɔninnnu doonya.

Ko Lankɛnɛmayanin 18:23

Fitina tɛnala mɛnɛnna i fɛlɔ butu. Kɔɲɛfa ni kɔɲɛmoso kan tɛnala mɛnna i fɛlɔ butu. Kamasɔlɔn iya julalu le tɛɛ ɲamɔɔlu le dunuɲa. Ado i na dunuɲa sibolomalu bɛ lafilila iya subaya le le.

Ko Lankɛnɛmayanin 19:20

Kɛɛ ai do ka soofali mina ani faɲafɔ kela min tɛɛ vɛ kawanankolu kɛ soofali wo ɲakɔlɔ. Kawananko wolu le na kɛla sabu le ka mɔɔlu lafili, minu na soofali ya tɔɔmase sɔlɔnna ai fali ma, ani ka soofali sawula bato. Soofali ni faɲafɔ kela ɲɛnɛma la ka fila taa diɲa ba lɔ, timiliki kawa yi ɲɛninna tɛɛminja.

Ko Lankɛnɛmayanin 2:11

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, saya filana tɛnala sena wo tii ma.›

Ko Lankɛnɛmayanin 2:17

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ mana doonnin dɔ dila wo tii ma. Ǹ kɛtɔ kawakulun gbɛ dila a ma fana, tɔɔ kula dɔ sɛvɛnin vɛ min kɔkan, mɔɔ mɔɔ si ma min lɔn, mafɔ mɔɔ min kɛtɔ a sɔlɔnna.›

Ko Lankɛnɛmayanin 2:29

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ.›

Ko Lankɛnɛmayanin 2:7

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ niimaya kɔlɔmanden dila wo tii ma, a a dɔn, niimaya kɔlɔman min yi Ala ya kunnadiyaso la.›

Ko Lankɛnɛmayanin 20:10

Soitana min n'ai lafilila, wo la ka fili taa diɲa ba lɔ, timiliki kawa yi ɲɛninna tɛɛminja, ani soofali ni aa faɲafɔ kela yi tɛɛminja. Ai kɛtɔ tɔlɔyala je su ni tele waate bɛ ani habadan.

Ko Lankɛnɛmayanin 20:8

A do kɛtɔ taala sibolomalu lafilila minu yi dunuɲa tungun naani la. Wolu le Yajujunkalu ni Majujunkalu le. Soitana kɛtɔ ai ladɛnna kɛlɛkɛko lɔ. Ai walatɔle iwo kɔɔji kawunna kiɲɛ.

Ko Lankɛnɛmayanin 3:13

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ.›

Ko Lankɛnɛmayanin 3:22

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ.› »

Ko Lankɛnɛmayanin 3:6

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ.›

Ko Lankɛnɛmayanin 9:20

Kɛɛ adamaden tɔ minu tɛɛ ma faa jangata wolu bolo, wolu m'ai dajoo mafalin ka bɔ ai baaledalu ma. Ai do ka to jinalu le batola ani joo minu ladannin sanu ni wɔligbɛ ni solawulɛnnɛɛ ni kawakulun ni jililu le, k'a talan fen wolu tɛ yeni kɛla, ai tɛ ko mɛnna, ai do tɛ taamana.