1 Timote 3:3 - Ala Ya Salatikan Kula Kitabu

³ A do kà kɛ gbɛtɔ le, niwotɛ mɔɔ faiyanin, mafɔ mɔɔ sɔniyanin. A kà kɛ sɔsɔyalikɛba le, niwotɛ wɔliko nata yi mɔɔ min na.

1 Timote 3:3 ပူးပေါင်းရင်းမြစ်များ

Matiyu 21:13

A vɛɛ ai yɛ: «A sɛvɛnin kitabu kɔnɔ, ko: ‹Ai kɛtɔ a fɔla ǹa bon ma ko Aladalibon.› Kɛɛ ài do vɛ je kɛ sonnu doonya le.»

Kɛkolu 20:33

M̀ ma ǹ nata la mɔɔ suu suu ya wɔligbɛ kan, niwotɛ sanu, niwotɛ faanilu.

Lɔmukalu 16:18

Mɔɔ suu wolu tɛ baalela mɔ Tii Masa Tɔɔmasenin yɛ, mafɔ ai kɔnɔgbolo. Ai do yi kuma madiyanin ne fɔla ka mɔɔlu matɔɔ fuun fɔsa ai yi koɲayebalilu manɛɛ.

Ɛfɛsikalu 5:18

Ài k'i fa gbɛ la, kamasɔlɔn wo yi mɔɔ bilala koɲaamininnu le lɔ, kɛɛ ài josola yi fa Nii Sɛnɛyanin la.

1 Tɛsalonikakalu 5:14

Mɔ badenmalu, m'a fɔla ài yɛ k'a magbeleya ko ài yi baalekɛbalilu lali, ka mɔɔ jeitɛɛninnu sɛmɛdon, ani ka fangandannu madɛmɛn. Ài yi mɔɔ minu bɛ mina sawali boloma.

1 Timote 3:8

Wo boloɲa kelen ma, limaniyajama makoɲabɔbalu yi kɛ mɔɔ sɔvɛ le. Ai do kà kɛ wunafalilu le, niwotɛ gbɛtɔlu, niwotɛ wɔliko nata yi mɔɔ minu la.

2 Timote 3:2

Kamasɔlɔn mɔɔlu kɛtɔ gbalala ai jɛlɛkanu kunko le le dein, ka kɛ nataba le wɔliko lɔ, ani wasokɛba, ani mɔɔ kafanin, ani jɛvɛlikɛba, ani kolobali ai wolobalu kanma, ani koɲumalɔnbali, ani Alabuɲabali,

Tite 1:11

Fɔ wolu la yi jeden, kamasɔlɔn ai yi bonkelennamɔɔlu bɛ le kunnɔtɛɛla kelen ne aiya kalan bɛnbali le, fɔsa ai yi tɔnɔ sɔlɔn malobaliya boloma.

Tite 1:7

Komi Ala ya baale kalifanin a la, wo lɔ, fɔ limaniyajama kunmafɛlɛnba yi kɛ jalakibali le. A kà kɛ mɔɔ kafanin ne, niwotɛ josobatii, niwotɛ gbɛtɔ, niwotɛ mɔɔ faiyanin, niwotɛ nataba.

Tite 2:3

Wo boloɲa kelen ma, i y'a fɔ mosokɔlɔbalu yɛ ko ai yi Ala buɲa ai kokɛɲalu lɔ. Ai kà kɛ tɔɔtiɲalikɛba le. Ai do kà gbɛ buba min ka kɛ gbɛ ya jɔn ne. Mafɔ, ai yi mɔɔlu kalan koɲuma la,

Tite 3:2

Ai do kà koyon fɔ mɔɔ suu suu ma, mafɔ ai yi kɛ mɔɔ josolajiininnu le, ani mɔɔ sɔniyaninnu, ka duuma fan ta bɛ yɛ.

Hebululu 13:5

Ài yi wɔliko nata bɔ àiya dunuɲalɔtɛɛ lɔ, ài sɔlɔnfennu y'ài ɲɛnɛ, kamasɔlɔn Ala n'a fɔla, a vɛɛ: «Ǹ tɛnala i bilala, kumatɛ ka m̀ ban i lɔ.»

Janguba 4:1

Kɛlɛko ni sɔsɔyali minu y'ài tɛma, wolu bɔnin min ne? Jalasa wolu ma bɔ àiya niikanukolu le lɔ, minu y'ài kɛlɛla waate bɛ ài falikolo lɔ?

1 Piyɛli 5:2

ǹ ko, ài y'ài jando Ala ya saa kulu lɔ min kalifanin ài la. Ài y'ai kunmafɛlɛn lɔfɔlin boloma, diyanigbeyako tɛ, iwo Ala a fɛ ài y'a kɛ teme. Ài do kà a kɛ tɔnɔ sɔlɔnko le min mamaloyanin, mafɔ ài y'a kɛ miliya ɲuma kan.

2 Piyɛli 2:3

Kalanmɔɔ wolu kɛtɔ ài tɔɲɔla natabaya boloma aiya faɲafɔ kumalu le. Kɛɛ ka ta waate jaan ma, aiya kiti vɛ ban tɛɛla, ado ai halaki waate kunnɔjaannin tɛ butu.

Jude 1:11

Gbalo y'ai yɛ! Kamasɔlɔn ai vɛ Kabila ya siya ta, ani k'ai fɛ bila Balaamu ya filibandeyako ɲɔɔzii la ka bɛn wɔliko nata ma. Ai vɛ mulutu iwo Kole ka kɛ teme, ai do yi halakile iwo wo fana.

Ko Lankɛnɛmayanin 1:9

Ǹe ài badenma Yohana min y'ài lankan ne àiya jangatalu lɔ, ani àiya masaya, ani àiya sawali Masa Tɔɔmasenin ya kafonɲɔɔya lɔ, ǹ tɛɛ kaso la Patimɔsi kɔɔtɛmaduu lɔ ka bɛn Ala kumakan ne ma, ani Isa ya seleyakan.