1 Timote 3:2 - Ala Ya Salatikan Kula Kitabu

² Wo ma, fɔ limaniyajama kunmafɛlɛnba yi kɛ mɔɔ jalakibali le le, ani moso kelen tii, ani jɛlɛlɔminamɔɔ min k'a dan lɔn kolu lɔ, ani mɔɔ sɔvɛ, ani jetii ɲuma, a do yi se mɔɔlu kalanna.

1 Timote 3:2 ပူးပေါင်းရင်းမြစ်များ

Luka 1:6

Ai mɔɔ fila tɛɛ telenmande le le Ala ɲakɔlɔ, ai vɛ mɔ Tii ya seliya ni aa jamalilu bɛ lataamana kobɛn.

Luka 2:36

Kela mosomanda dɔ tɛɛ je fana, min tɔɔ tɛɛ ko Ana. Fanuwɛlɛ denmoso le tɛɛ a le ka bɔ Asɛli kabila lɔ. A tɛɛ vɛ kɔlɔya bubale. Aa singbiliya waate, a ka san wolowulan kɛ kɛlasiila.

Lɔmukalu 12:13

Ài yi mumininnu madɛmɛn k'ai makolu laɲia, ani ka lonalu jiya.

Filipikalu 2:15

fɔsa ài yi kɛ mɔɔ sɛnɛyanin ni jalakibali le, ani Ala dennu, fɛɛ tɛ minu la, minu siinin bi mɔɔ filinin ni kɔnɔlɔgbolu tɛma. Ài yi kɛ dunuɲamɔɔlu tɛma iwo lolonilu yi mɛnɛnna teme divi lɔ,

1 Timote 3:12

Fɔ limaniyajama makoɲabɔbalu yi kɛ moso kelen tii le le, minu yi se ai jandola ai dennu ni aiya bonnakolu lɔ kobɛn.

1 Timote 3:8

Wo boloɲa kelen ma, limaniyajama makoɲabɔbalu yi kɛ mɔɔ sɔvɛ le. Ai do kà kɛ wunafalilu le, niwotɛ gbɛtɔlu, niwotɛ wɔliko nata yi mɔɔ minu la.

1 Timote 4:3

Kalanmɔɔ wolu le yi fuluko dansiila, ani ka dɔnnifen suu dɔlu kɛ tanama fen ne, k'a talan wolu ladannin Ala bolo fɔsa limaniyamɔɔ minu ka tuɲa lɔn, wolu y'a dɔn ka balika bɔ a yɛ.

1 Timote 5:10

A mangutu yi lɔn aa koɲumakɛko lɔ, ko a na a dennu lasonna kobɛn, ka lonalu lɔmina kobɛn, ka mumininnu madɛmɛn fanmajii boloma, ka mɔɔ tɔlɔyaninnu makolu laɲia, ani k'a jɛlɛ di koɲuma suu bɛ dɔ kɛko lɔ.

1 Timote 5:22

I k'i lateleja i bololako lɔ mɔɔ kɔkan k'a bila Ala ya baale la. I do fɛ kà kɛ dɔlu ya julumbukolu la. I josokun sɛnɛyanin yi to.

1 Timote 5:9

I vɛ kɛla kɛsamosolu tɔɔ sɛvɛla ka bɛn ai madɛmɛnko ma, i kà a dɔ tɔɔ sɛvɛ fɔ min si vɛ sanji biwɔɔlɔ (60) bɔ, ani a tɛɛ v'i sii kɛ́ kelen ne kun dein.

2 Timote 2:24

Mɔ Tii ya bɔiden ma kan ka kɛ sɔsɔyalikɛba le, mafɔ a yi kɛ ɲumayande le le mɔɔ bɛ ma, min yi se ka mɔɔlu kalan k'aiya kolu kun a lɔ sawali boloma,

Tite 2:2

A fɔ kɛmɔbalu yɛ ko ai yi kɛ mɔɔ sɔvɛ le, k'ai jɛlɛ buɲa, ani k'ai jɛlɛ lɔmina, ani ka sawati limaniya ni kanundeya ni sawali lɔ.

Hebululu 13:2

Ài kà ɲina lonalu jiyako lɔ, kamasɔlɔn a dɔlu tonin wo le la, ai ka mɛlɛkalu jiya ai ɲina ma.

Hebululu 3:14

Kamasɔlɔn mɔ vɛ kɛ Masa Tɔɔmasenin lankan ne, ni mɔ bolo ka to maa lanaya kunfɔlɔ la kpekpe haan fɔɔ a laban nɔ.

1 Piyɛli 4:7

Dunuɲa laban waate ma vɛ sulunya. Wo le y'a ma, ài y'ài hangili sii k'ài kɛ jɛlɛlɔminamɔɔ le, fɔsa ài yi se Ala dalila a ɲa bɛlɛbɛlɛ ma.

1 Piyɛli 4:9

Ài i ɲɔɔ jiya àiya bonnu la. Ài do kà kunnɔkuma kɛ ka bɛn wo ma.

1 Piyɛli 5:8

Ài yi to ài ɲana k'ài hangili sii. Ài juu Soitana kɛyine iwo jala min yi wolondola, a v'a mataamataamana ka mɔɔ ɲinin a dɔnko lɔ.