1 Timote 3:16 - Ala Ya Salatikan Kula Kitabu

¹⁶ Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

1 Timote 3:16 ပူးပေါင်းရင်းမြစ်များ

Matiyu 1:23

«Singbilini min ma kɛ́ ko lɔn ba bene, wo kɛtɔ kɔnɔ tala ka denkɛ sɔlɔn. Ai kɛtɔ a fɔla a ma ko Emanuwɛli.» Emanuwɛli kɔlɔ le ko: «Ala yi mɔ fɛ.»

Matiyu 13:11

Isa k'ai javi, a vɛɛ: «Haijɛnɛ masaya gbonolu lɔnni vɛ di àilu ma, kɛɛ a ma di a dɔlu ma.

Matiyu 28:2

Wo waate kelen, duukolo vɛ jaajaala gbiligbili, ado mɔ Tii ya mɛlɛka ka jii ka bɔ haijɛnɛ, ka kawa makulukulu k'a bɔ kabulu da la, ka ban k'i sii a kɔkan.

Matiyu 3:16

Isa makonin ka bɔ kɔɔ kɔlɔ feeya, sangbolo da ka ka telemanin, a do ka Nii Sɛnɛyanin jiitɔla ye a kan iwo poponi.

Matiyu 4:11

Wo kɛnin, Soitana ka bɔ a kɔ ka taa. Mɛlɛkalu do ka na ka Isa madɛmɛn.

Malɛkɛ 1:13

A ka tele binaani (40) kɛ fuwa lɔ, soofalilu tɛɛ tɛɛminja. Ado Soitana tɛɛ a lɔsumana, kɛɛ mɛlɛkalu ka na a madɛmɛnko lɔ.

Malɛkɛ 16:19

Mɔ Kuntii Isa ka ban wo fɔla ai yɛ mingɛ, a kɔlɔ ka ta ka taa haijɛnɛ k'i sii Ala bolokini fannɔ.

Malɛkɛ 16:5

Ai ka don mingɛ kawawoo kabulu lɔ, ai ka kavelen dɔ siinin ye ai bolokini fannɔ, pipɔ gbɛ v'a kanna. Ai do ka siyan bubale.

Luka 2:32

Kɛnɛya le a le i sawonankolu lankɛnɛmayako lɔ siboloma bɛ yɛ, ani magbiliyali le a le Bani Isilankalu ma.»

Luka 20:44

Ni Dawuda y'a fɔla wo tii ma ko a Tii, wo yi se kɛla a bɔzɔn ne di wo lɔ?»

Luka 22:43

Wo waate kelen, mɛlɛka dɔ ka bɔ haijɛnɛ ka na k'a sɛmɛdon.

Luka 24:4

Ai ka to wo kɔnɔlɔfili lɔ, telemanin kɛ́ fila ka bɔ gbɛ la k'i lɔ ai dafɛ, faani gbɛ pepe vɛ ai kanna.

Luka 24:51

A ka to duwawu kɛla ai yɛ, a kɔlɔ ka ta ka bɔ ai tɛma ka jɛlɛ sangbolo lɔ.

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 13:3

Isa tɛɛ k'a lɔn ko a Fa vɛ fen bɛ bila a fanga kɔlɔ, ani ko a bɔnin Ala le fɛlɔ, a do kɔseitɔ Ala le fɛlɔ.

Yohana 15:26

«Ǹ kɛtɔ Dɛmɛliba lanala waate min nɔ ka bɔ ǹ Fa fɛ, Nii Sɛnɛyanin koni min yi tuɲa lankɛnɛmayala, wo le kɛtɔ seleya dila ka bɛn m̀ ma.

Yohana 16:28

M̀ bɔnin ǹ Fa le fɛlɔ ka na dunuɲa, ado m̀ bɔtɔle dunuɲa yi ne ka seikɔ ǹ Fa fɛlɔ.»

Yohana 17:5

Wo lɔ saa, ǹ Fa, magbiliyali di m̀ ma i ɲakɔlɔ iwo a tɛɛ m̀ bolo i fɛlɔ teme jani dunuɲa tɛɛ dan.

Yohana 20:12

A do ka mɛlɛka fila siinin ye Isa fuleni laya lɔ, faani gbɛ pepe tɛɛ ai kanna, kelen tɛɛ a kun laya lɔ, dɔ tɛɛ a sen laya lɔ.

Yohana 6:62

Ni ài ka Mɔɔnivin Tanin jɛlɛtɔla ye ka seikɔ a bɔya lɔ do?

Kɛkolu 1:19

Jelusalɛmukalu bɛ ka wo lɔn mingɛ, ai ka fɔ woja ma ai balakan nɔ ko Akɛdama. Wo kɔlɔ le ko Mɔɔ Jeli Gbɛkɛnɛ.)

Kɛkolu 10:34

Wo lɔ, Piyɛli vɛ kumala, a vɛɛ: «Tuɲa le, m̀'ɛ a ɲaye butu ko Ala tɛ lafisayali kɛla.

Kɛkolu 14:27

Ai senin Antiyɔsi, ai ka limaniyajama ladɛn ka dandɛɛli kɛ ai yɛ ka bɛn ko bɛ ma, Ala na minu kɛla ai fɛ, ani a na limaniya siya lakala teme siboloma gbɛlɛ mɔɔlu yɛ.

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Lɔmukalu 10:12

Wo lɔ saa, wotɛbɔli tɛ Jahudiyalu ni siboloma gbɛlɛ mɔɔlu wotɛ butu, kamasɔlɔn Tii kelen ne yi bɛ kunna, a do y'aa nɛɛma dila a tɔɔ kiliba bɛ le ma kosɛvɛ.

Lɔmukalu 10:18

Wo ma, ǹ'i ɲiningali kɛla, ǹ ko: Jalasa Jahudiyalu ma kuma wo mɛn? Ai v'a mɛn jɔ! Kamasɔlɔn a sɛvɛnin kitabu kɔnɔ, ko: «Kawanilikɛbalu kumakan vɛ jɛzɛn duukolo fan bɛ lɔ, ado aiya kumalu vɛ se haan fɔɔ dunuɲa dan na.»

Lɔmukalu 16:25

Tanuli yi Ala yɛ, a see yi min yɛ k'ài lasawati limaniya lɔ iwo ǹ na kawanili kɛla teme ǹa Samakan Kein nɔ ka bɛn Masa Tɔɔmasenin Isa ma. Ala ya gbonoko le wo le, a na min doonna waate timinninu kɔlɔ,

Lɔmukalu 16:26

kɛɛ a vɛ bɔ gbɛ la yi ne kelalu ya kitabulu fɛ. Ado ka bɛn Habadan Ala ya jamali ma, gbonoko min vɛ lɔn siboloma bɛ bolo, fɔsa ai yi kolo a yɛ limaniya boloma.

Lɔmukalu 3:4

Ɛnɛn dɛ! Fɔ m'a lɔn Ala yi tuɲande le le, hali ni adamaden bɛ tɛɛ kɛ faɲafɔba le. A do sɛvɛnin tan ne kitabu kɔnɔ, ko: «Jo yi di i ma i kumakannu lɔ, i do yi see sɔlɔn iya kiti lɔ.»

Lɔmukalu 8:3

Ka bɛn mɔ falikolo ya fangandanya ma, Nabi Musa ya seliya tɛɛ ma se ko min kɛla mɔ yɛ, Ala gbu le na wo kɛla. A na a jɛlɛkanu Denkɛ lanala dunuɲa adamaden julumbutɔlu sawula lɔ, fɔsa a tɛɛ julumbu fanga tiɲa ale jɛlɛ falikolo ya salaka le.

Lɔmukalu 9:5

Ai bemanu taanin kɛla Ibulahima, Isiyaka ni Janguba le le. Ado Masa Tɔɔmasenin ka na mingɛ adamadenya boloma, a fɛ tɛɛ ai siboloma le la. Ala min yi fen bɛ kunna, tanuli y'a yɛ habadan! Amiina.

1 Kolɛntikalu 15:47

Mɔɔ kunfɔlɔ bɔnin duukolo le lɔ, k'a ladan duu bamu le, k'a talan mɔɔ filana bɔnin haijɛnɛ le lɔ.

1 Kolɛntikalu 2:7

Ǹu do yi Ala ya hangilimaya le lasena, min kɛnin aa gbonoko doonnin ne, a na min latɛɛla jani dunuɲa tɛɛ dan maa magbiliyali sɔlɔnko lɔ.

2 Kolɛntikalu 1:19

Kamasɔlɔn Ala Denkɛ Masa Tɔɔmasenin Isa, ǹe ni Silasi ni Timote na min ya ko lasena ài ma, wo ya ko ma kɛ «aan» ni «ɛnɛn» ko le, mafɔ aa ko yi «aan» ko le le kudein.

Galatiyakalu 2:8

Kamasɔlɔn Ala min na Piyɛli kɛla keladen ne Jahudiyalu tɛma, ale Ala kelen ne na ǹe fana kɛla keladen ne siboloma gbɛlɛ mɔɔlu tɛma.

Galatiyakalu 4:4

Kɛɛ Ala ya waate latɛɛnin ka se mingɛ, a ka a Denkɛ lana dunuɲa ka kɛ moso woloden ne, ka sɔlɔn seliya kɔlɔ,

Ɛfɛsikalu 1:9

ka mɔ lalɔnni aa kojatesii doonnin na, a tɛɛ vɛ min latɛɛ ka bɛn Masa Tɔɔmasenin ma kɔlɔkɔlɔ le.

Ɛfɛsikalu 6:19

Ài yi Ala dali ǹe fana yɛ, fɔsa m̀'ɛ m̀ wulila kuma kɛko lɔ, Ala yi kuma don ǹ da fɔsa ǹ'i Samakan Kein gbonoko lase josolagbeleya boloma,

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

Kɔlɔsikalu 1:27

Ala n'a jatesiila ko k'ai lalɔnni gbonoko wo la, min do makawanin ka gbiliya dunuɲa siboloma bɛ ɲakɔlɔ. Gbonoko wo le min ne: Masa Tɔɔmasenin y'ài josokun nɔ, ale min àiya nɔɔlɔ sɔlɔnko jeisii le.

Kɔlɔsikalu 1:6

Samakan Kein min yi jɛzɛn kan ka jili dunuɲa fan bɛ lɔ, iwo a na kɛla ài tɛma teme, ka ta ài na wo mɛnna lon min na kunfɔlɔ le ka Ala ya nɛɛma ko ɲaye bɛlɛbɛlɛ kɛ.

Kɔlɔsikalu 2:2

Ǹ'i wo sɛɛ le la fɔsa ai sɛmɛ yi don, ani ai yi bɛn a lɔ kanundeya boloma, ka lɔnni dafanin sɔlɔn hangilimaya boloma fɔsa ai yi Ala ya gbonoko lɔn, min taanin kɛla Masa Tɔɔmasenin gbu le,

2 Tɛsalonikakalu 1:10

Wo bɛ kɛtɔ mɔ Tii nalon ne, a vɛ nala fɔsa mumininnu y'a magbiliya ani limaniyamɔɔlu y'a buɲa kawakoya boloma. Àilu fana fɛ kɛtɔ wo la, kamasɔlɔn ài vɛ la maa seleyakan na.

2 Tɛsalonikakalu 2:7

Tuɲa le, seliya tiɲaba fanga yi baalela yi ne doon nɔ. A do kɛtɔ tola wo la haan fɔɔ a dansiiba yi bɔ a ɲa.

1 Timote 3:9

Gbono ko min lankɛnɛmayanin ka bɛn limaniya ma, ai y'ai bolo kɛ wo la ai joso sɛnɛyanin ne.

Hebululu 1:3

Ale le Ala ya magbiliyali nɔɔlɔ le, ani a kɛɲa jiyaba bɛlɛbɛlɛ, ado dunuɲa kɔnɔlɔfen bɛ y'ai nɔ lɔ ka bɛn a kumakan fangama le ma. A ka ban mɔɔlu lasɛnɛyala k'ai julumbulu bɔ ai ma mingɛ, a ka t'i sii Masa Kɔlɔtaninba bolokini fannɔ haijɛnɛ.

Hebululu 12:2

mɔ ɲa lɔnin vɛ Isa lɔ, maa limaniya jusiiba ni a dafaba yi min ne. Ka bɛn sawako wo ma min latɛɛnin tɛɛ a ma, a k'a gbaanko manɔ kɔlɔman ma, ka jɔ maloyako wo ma, a do siinin butu Ala ya masayasiifen bolokini fannɔ.

Hebululu 7:7

Sɔsɔyali pa tɛ min nɔ, dɔɔmamɔɔ le yi duwawu sɔlɔnna mɔɔbakɔlɔ la.

Hebululu 8:1

Maa kuma bɛ kun yi min ne, wo le ne: Salakalase kuntiiba wo suu yi mɔ bolo, min siinin Masa Kɔlɔtaninba ya masayasiifen bolokini fannɔ haijɛnɛ,

1 Piyɛli 1:12

A do la ka nkɛnɛmaya ai yɛ k'a fɔ ko ai tɛɛ tɛ kelaya kɛla ai jɛlɛ yɛ, mafɔ àilu. Wo lɔ saa, kelalu tɛɛ kumala ka bɛn ko minu ma, àilu gbu vɛ wo ɲɔɔzii le mɛn yi ne Samakan Kein lasenbalu da, minu tɛɛ kawanili kɛla ài yɛ Nii Sɛnɛyanin sabu la, min lajiinin ka bɔ haijɛnɛ. A lɔɔ yi mɛlɛkalu gbu la ka ko wolu ɲaye.

1 Piyɛli 1:20

Wo la tɛɛ vɛ tɛɛ Masa Tɔɔmasenin ma jani dunuɲa tɛɛ dan, kɛɛ a la vɛ nkɛnɛmaya waate laban min nɔ ka bɛn àilu le ma.

1 Piyɛli 1:21

Ale le kɛnin àiya limaniya sabu le Ala ma, min n'a lawulila ka bɔ saya lɔ ka magbiliyali di a ma, fɔsa àiya limaniya ni ài jeisii yi kɛ Ala le.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

1 Piyɛli 3:22

ale min jɛlɛnin ka taa haijɛnɛ k'i sii Ala bolokini fannɔ, mɛlɛkalu ni kuntiilu ni fangatiilu majiinin vɛ a kɔlɔ.

1 Yohana 1:2

Niimaya wo la ka nkɛnɛmaya, mɔ do na a yena ka kɛ a sele le, ado m'i niimaya banbali wo ya ko lasena ài ma min tɛɛ mɔ Fa fɛlɔ, a do la na nkɛnɛmayala mɔ yɛ.

1 Yohana 3:5

Ài k'a lɔn ko Isa la na nkɛnɛmayala fɔsa a yi maa julumbulu bɔ mɔ ma, ado julumbu foi tɛ ale ma.

1 Yohana 3:8

Ni do mɔɔ min ka to julumbu tala, wo tii yi Soitana ya mɔɔ le le, kamasɔlɔn Soitana yi julumbu ta le la ka ta dunuɲa damina waate ma. Dailu min na kɛla Ala Denkɛ na nala dunuɲa, wo le Soitana kɛkolu lɔtiɲako le.

Ko Lankɛnɛmayanin 17:5

Tɔɔ dɔ sɛvɛnin tɛɛ a ten na min yi gbonoko le, a vɛɛ: «Babilɔn so ba, sungulunbalu ni dunuɲa kokɔsɔninnu bɛ woloba.»

Ko Lankɛnɛmayanin 17:7

Kɛɛ mɛlɛka do vɛɛ ǹ yɛ: «Mindɛ lɔ i kawakoyanin tan? Ǹ kɛtɔ moso wo ya gbonoko ɲafɔla i yɛ, ani a siinin soofali min kɔkan, min kun wolowulan y'a la, ani a kele tan.

Ko Lankɛnɛmayanin 7:9

Wo timin kɔ, ǹ ka to kolasaala ka jama siyama ba ye, minu walanin tɛɛ haan fɔɔ mɔɔ tɛɛ tɛ se ai kɔndɛ jate lɔnna. Mɔɔ wolu bɔnin tɛɛ siboloma bɛ le lɔ, ani kabila bɛ, ani jamana bɛ, ani minu tɛɛ kan suu bɛ dɔ fɔla. Ai tɛɛ lɔnin masayasiifen ni Saa Bolan ɲafɛla lɔ, pipɔ gbɛ vɛ ai kanna, ani ten bululu vɛ ai bolo.