1 Timote 2:8 - Ala Ya Salatikan Kula Kitabu

⁸ Wo lɔ saa, ǹ'a fɛ kɛ́lu yi kɛ Ala dalila dingila bɛ lɔ, k'ai bolo sɛnɛyanin sii Ala yɛ. Mɔnɛya ni sɔsɔyali kà talan ai tɛma.

1 Timote 2:8 ပူးပေါင်းရင်းမြစ်များ

Matiyu 21:21

Isa do k'ai javi, a vɛɛ: «Ǹ'i tuɲa fɔ ài yɛ, ni limaniya ka kɛ ài bolo, ni ài do ma sika, ǹ na min kɛla toloju la yi ne, ài yi sene wo suu kɛla. Hali ni ài k'a fɔ tini min yɛ ko a yi bɔ a nɔ lɔ ka taa a ben kɔɔji lɔ, a yi kɛle ten.

Matiyu 5:44

Kɛɛ ǹ'a fɔ ài yɛ, ài y'ài juulu kanu, ka Ala dali ài jangatabalu yɛ,

Matiyu 6:12

I yi maa koyonnu lɔkoto, iwo ǹu fana vɛ mɔɔlu makoto teme, minu na koyon kɛla mɔ la.

Luka 23:34

Isa do vɛɛ: «Ǹ Fa, i y'ai makoto, kamasɔlɔn ai m'a lɔn ai yi min kɛla.» Wo kɔ, sɔdasilu ka kalabila kɛ ka bɛn aa faanilu lɔtalako ma i ɲɔɔ wotɛ.

Luka 24:50

Wo kɔ, a ka bɔ so kɔnɔ ai le ka taa se haan fɔɔ Betani fannɔ. A do k'a bolo fila kɔlɔta ka duwawu kɛ ai yɛ.

Yohana 4:21

Isa k'a javi, a vɛɛ: «Ile moso, i yi la ǹ na ko lon dɔ natɔ, ài tɛnala mɔ Fa Ala batola tini min kɔkan, niwotɛ Jelusalɛmu.

Kɛkolu 10:2

Kɔɔnɛli tɛɛ Alaɲasiyanɲɛmɔɔ le le, ale ni aa bonnamɔɔlu bɛ. A do tɛɛ koɲuma kɛla mɔɔlu yɛ kosɛvɛ, ani ka Ala dali kudein.

Kɛkolu 10:31

A vɛɛ: ‹Kɔɔnɛli, Ala v'iya madailikan mɛn, k'a hangili to iya koɲuma kɛninnu lɔ fandannilu yɛ.

Kɛkolu 10:4

A do k'i ɲa kaa mɛlɛka lɔ siyan boloma k'a javi, a vɛɛ: «Ǹ Kuntii, mindɛ le?» Mɛlɛka do vɛɛ a yɛ: «Iya Aladali ni iya koɲuma kɛninnu fandannilu yɛ, wolu vɛ jɛlɛ Ala ɲakɔlɔ iwo hangilitonɔ salaka.

Kɛkolu 21:5

Kɛɛ mɔ taa lon senin, mɔ ka bɔ je ka taa. Ailu ni ai mosolu ni ai dennu ka bɔ so kɔnɔ ka taa mɔ lɔsiya kulunba dala. Mɔ bɛ ka mɔ kumɛlɛni bila duu ma kɔɔji kawun na ka Ala dali.

Kɛkolu 7:60

Wo fɔ, a k'i bilin a kumɛlɛni la ka gbanɔ, a vɛɛ: «Ǹ Tii, i kà min jate ai ma julumbu le.» Wo fɔ a bolo, a ka sa.

1 Kolɛntikalu 1:2

M'a lataala Ala ya limaniyajama le ma Kolɛnti so kɔnɔ, àilu minu bilanin ài ta fan Masa Tɔɔmasenin Isa bolo ani k'ài kili k'ài kɛ mumininnu le, ani mɔɔ minu bɛ yi Masa Tɔɔmasenin Isa tɔɔ kilila fan bɛ lɔ, ale min yi ǹu ni ailu Tii le.

1 Kolɛntikalu 7:7

Ni kɛ́ bɛ tɛɛ kɛ iwo ǹ ne, wo tɛɛ diyale ǹ yɛ. Kɛɛ Ala ma mɔ bɛ sɔ boloɲa kelen ma. A na ko dɔ see kɛla a dɔ yɛ, k'a dɔgbɛlɛ see kɛ a dɔ yɛ.

2 Kolɛntikalu 2:14

Kɛɛ ǹ'i balika bɔla Ala yɛ, min yi bilala mɔ ɲa kudein Masa Tɔɔmasenin ya seesɔlɔn taama lɔ. A do yi baalela mɔ fɛ ka Masa Tɔɔmasenin lɔnko lajɛzɛn fan bɛ lɔ, iwo wusulan suma yi jɛzɛnna fan bɛ lɔ teme.

Filipikalu 1:12

M̀ badenmalu, ǹ'a fɛ ài y'a lɔn ko tɔlɔya min na m̀ masɔlɔnna, wo le kɛnin sabu le ka Samakan Kein lataa ɲafɛ.

1 Tɛsalonikakalu 1:8

Ài do vɛ kɛ sabu le, mɔ Tii kumakan vɛ jɛzɛn Masaduwani ni Akayi fan bɛ lɔ. Kɛɛ a do ma dan dingila wolu ma dein. Ài limaniyanin Ala ma teme, wo mangan vɛ jɛzɛn fan bɛ lɔ, ado mɔ mako tɛ wo fɔko la butu.

1 Timote 5:14

Wo le y'a ma, a bɛnyine ǹ ɲana kɛsamoso singbilimandalu yi taa kɛ́ la, ka dennu sɔlɔn, ani k'ai jando aiya bonnakolu lɔ, alako mɔ juulu kana mɔ mafin dailu sɔlɔn.

Tite 3:8

Kuma min yi tuɲa le le. Ǹ'a fɛ i yi ko minu magbeleya fɔsa Ala malimaniyamɔɔlu y'ai gbaladon koɲumakɛko ma, minu keinyanin, ani nafa yi minu la mɔɔ bɛ yɛ.

Hebululu 10:22

wo le y'a ma, ài m'i mɔ masulunya Ala la josolɔgbɛya boloma, ani limaniya dafanin nɔ, mɔ josokun lasɛnɛyanin ne ka bɔ miliya yonnu ma, ani mɔ falikolo makonin ne ji sɛnɛyanin le.

Janguba 4:8

Ài y'ài madon Ala la, a do kɛtɔ a madonna ài la. Àilu julumbutɔlu, ài y'ài bololu lako. Àilu miliyafilatiilu, ài y'ài josokun lasɛnɛya.

1 Piyɛli 3:7

Àilu kɛ́lu fana y'ài mosolu lɔmina koɲaye boloma, k'ài hangili to aiya fangandanya lɔ. Wo lɔ, ài y'ai buɲa, kamasɔlɔn Ala yi niimaya min dila aa nɛɛma lɔ, ài bɛ le kɛtɔ wo sɔlɔnna i ɲɔɔ fɛ. Ài yi wo kɛ, fɔsa ko ko si kana àiya Aladalilu lakoli.