1 Timote 2:7 - Ala Ya Salatikan Kula Kitabu

⁷ Wo le n'a kɛla, Ala na m̀ bilala aa keladenya la ka ǹ kɛ kawanilikɛba le, ko ǹ'i siboloma gbɛlɛ mɔɔlu kalan ka bɛn limaniya ni tuɲandeya ma. Ǹ'i tuɲa le fɔla, ǹ tɛ faɲa fɔla.

1 Timote 2:7 ပူးပေါင်းရင်းမြစ်များ

Yohana 7:35

Jahudiya kuntiilu k'a fɔ i ɲɔɔ yɛ, ai vɛɛ: «Kɛ́ min taatɔ min ne, k'a fɔ ko mɔ tɛnala a yena? Jalasa a a fɛ ka taa maa mɔɔlu ma minu siinin Gɛlɛki solu la, ka Gɛlɛkikalu kalan?

Kɛkolu 14:27

Ai senin Antiyɔsi, ai ka limaniyajama ladɛn ka dandɛɛli kɛ ai yɛ ka bɛn ko bɛ ma, Ala na minu kɛla ai fɛ, ani a na limaniya siya lakala teme siboloma gbɛlɛ mɔɔlu yɛ.

Kɛkolu 22:21

A do vɛɛ ǹ yɛ: ‹Taa vɛ! Ǹ kɛtɔ i lataala dingila majaan nɔ siboloma gbɛlɛ mɔɔlu fɛlɔ.› »

Kɛkolu 26:20

Ǹ ka Damasekalu le kawani kunfɔlɔ le, wo kɔ, Jelusalɛmu ni Jude koovi bɛ, ani siboloma gbɛlɛlu. Ǹ ko ai bɛ y'ai dajoo mafalin k'ai fannɔsei Ala ma, k'ai kɛkolu kɛ minu bɛnnin ai dajoo mafalinko ma.

Kɛkolu 9:15

Kɛɛ mɔ Tii k'a javi, a vɛɛ: «Taa vɛ! Kamasɔlɔn m̀'ɛ kɛ́ wo ta k'a kɛ ǹa bɔiden ne, fɔsa a yi siboloma gbɛlɛlu lalɔnni ǹ tɔɔ la, ani masakɛlu ni Bani Isilankalu.

Lɔmukalu 1:9

Ǹ'i baalela Ala min yɛ ǹ josokun bɛ le a Denkɛ ya Samakan Kein lasenko lɔ, wo le ǹ sele le k'a fɔ ko ǹ'àiya ko lasena a ma waate bɛ lɔ

Lɔmukalu 10:14

Kɛɛ ai kɛtɔ a tɔɔ kilila di vɛ, ni ai ma limaniya a ma? Ai kɛtɔ limaniyala a ma di vɛ, ni ai ma aa ko mɛn? Ai do kɛtɔ aa ko mɛnna di vɛ, ni mɔɔ ma ai kawani?

Lɔmukalu 11:13

Ǹ'i kumala àilu siboloma gbɛlɛ mɔɔlu le yɛ butu. Komi Ala na ǹ kɛla keladen ne siboloma gbɛlɛ mɔɔlu yɛ, wo le n'a kɛla, ǹ ɲalɔkɛnɛyayine ǹa baaleko lɔ,

Lɔmukalu 15:16

ka ǹ kɛ Masa Tɔɔmasenin Isa ya bɔiden ne siboloma gbɛlɛ mɔɔlu yɛ. Ǹ'i Ala ya salakalase baale le la aa Samakan Kein ya ko lɔ, fɔsa ǹ'i siboloma gbɛlɛ mɔɔlu lase a ma iwo a diyanan salaka, min la vɛ sɛnɛya Nii Sɛnɛyanin sabu la.

Lɔmukalu 9:1

Ǹ'i tuɲa le fɔla yi ne, ǹe do tɛ faɲa fɔla, kamasɔlɔn Masa Tɔɔmasenin ta le ǹ ne. Ado Nii Sɛnɛyanin gbu le yi seleya dila ǹ josokun nɔ ko

1 Kolɛntikalu 9:1

Jalasa ǹ tɛ mɔɔ lafɛlɛnin ne? Isa ya keladen tɛ ǹ ne? M̀ ma mɔ Tii Isa ye ǹ ɲa la? M̀'ɛ baale min kɛ mɔ Tii yɛ, àilu gbu tɛ ǹa baalenɔ dɔ le?

2 Kolɛntikalu 11:31

Ala min yi mɔ Tii Isa Fa le, tanuli yi min yɛ kudein, ale le k'a lɔn ko ǹ tɛ faɲa fɔla.

Galatiyakalu 1:16

ka a Denkɛ lankɛnɛmaya ǹ yɛ, fɔsa ǹ'aa ko lase siboloma gbɛlɛ mɔɔlu ma. Wo ka kɛ mingɛ, m̀ ma hangili ɲinin mɔɔ foi la.

Galatiyakalu 1:20

Ǹ'i min sɛvɛla ài ma yi ne, Ala le ǹ sele le k'a fɔ ko faɲa tɛ wo le.

Galatiyakalu 2:16

Kɛɛ wo bɛ n'a kɛ, mɔ k'a lɔn ne ko mɔɔ tɛ se jatela telenmande le Ala ɲakɔlɔ ka bɛn seliya latelenko ma, kɛɛ wo yi kɛla ka bɛn limaniya le ma Masa Tɔɔmasenin Isa ma. Wo le y'a kɛla, ǹu fana vɛ limaniya Masa Tɔɔmasenin Isa ma, fɔsa m'i kɛ telenmande le Ala ɲakɔlɔ ka bɛn maa limaniya ma, kɛɛ seliya latelenko tɛ. Kamasɔlɔn mɔɔ mɔɔ tɛnala kɛla telenmande le Ala ɲakɔlɔ ka bɛn seliya latelenko ma.

Galatiyakalu 2:9

Janguba ni Piyɛli ni Yohana, ai tɛɛ minu yena ɲamɔɔ balu le koni, wolu k'a ɲaye ko Ala le na ǹ kilila keladenya kanma aa nɛɛma lɔ. Wo le k'a kɛ, ai k'ai bolo la ǹe ni Baanabasi tɛɛ la, k'a jiya ko mɔ bɛ yi baalekɛɲɔɔma le le. Mɔ do ka bɛn a ma ko m'i taa siboloma gbɛlɛlu fɛlɔ, ailu yi taa Jahudiyalu fɛlɔ.

Galatiyakalu 3:9

Ka bɛn wo ma, ni mɔɔ minu ka limaniya, wolu kɛtɔ balaka sɔlɔnna Ibulahima le fɛ, min tɛɛ limaniyamɔɔ le.

2 Timote 1:11

Ala na ǹ lɔla ka ǹ kɛ Samakan Kein min kawanilikɛba le le, ani keladen, ani kalanmɔɔ.

2 Piyɛli 2:5

A do ma kolatɔn lagban dunuɲa kɔlɔkɔlɔ kunna, mafɔ a ka ji ba lana Alaɲasiyanɲɛbalilu bɛ kɔkan. Kɛɛ a ka Sedina Nuho le lakisi, min tɛɛ kawanilikɛba le ka bɛn telenmandeya siya ma, ani aa mɔɔ wolowulan.