1 Timote 2:3 - Ala Ya Salatikan Kula Kitabu

³ Wo le bɛnnin, ado wo le diyanin mɔ Lakisiba Ala yɛ,

1 Timote 2:3 ပူးပေါင်းရင်းမြစ်များ

Luka 1:47

ado ǹ nii la vɛ sawa ka bɛn ǹ Kisiba Ala ma.

Lɔmukalu 14:18

Mɔɔ min yi baalela Masa Tɔɔmasenin yɛ boloɲa min ma, wo tii ya ko diyayine Ala yɛ. A do yi tanuli sɔlɔnne mɔɔlu bolo.

Filipikalu 1:11

k'ài dafa telenmandeya tɔnɔ la min yi nala Masa Tɔɔmasenin Isa fɛ, fɔsa buɲali ni tanuli yi kɛ Ala yɛ.

Filipikalu 4:18

Ài na fen fen si lanala m̀ ma, ǹ na wo bɛ le yena. Ài na samalifen min donna Ɛpafolodite bolo, wo le na ǹ ɲɛnɛla ka m̀ mako laɲia bubale. Wo kɛyine iwo salaka min suma diyanin, Ala a bolo siila a ladiyanan salaka suu min kɔlɔ.

Kɔlɔsikalu 1:10

Wo vɛ kɛla, ài taamaɲa yi mɔ Tii lasawale, ka diya a yɛ boloɲa bɛ ma, ài vɛ koɲuma suu bɛ dɔ kɛla ka to taala ɲafɛ Ala lɔnko lɔ.

1 Tɛsalonikakalu 4:1

Mɔ badenmalu, ka maa kuma laban, mɔ vɛ ban ài kalanna k'a fɔ ko ài ka kan ka taama teme, fɔsa àiya ko yi diya Ala yɛ. Tuɲa le, ài yi wo le la yi ne. Kɛɛ m'ài madiyala mɔ Tii Isa tɔɔ lɔ k'a magbeleya ko ài y'ài lɔja k'a dɔ la wo kɔkan.

1 Timote 1:1

Ǹe Pɔli le yi lɛtɛlɛ min sɛvɛla, ǹe min kɛnin Masa Tɔɔmasenin Isa ya keladen ne ka bɛn mɔ Lakisiba Ala ya jamali ma, ani Masa Tɔɔmasenin Isa min yi mɔ jeisii le.

1 Timote 4:10

Wo le y'a ma, m'i mɔ lɔjala ka baale kɛ, kamasɔlɔn mɔ jei siinin Ɲɛnɛmayatii Ala le la, min yi adamaden bɛ Lakisiba le, limaniyamɔɔlu bɛlɛbɛlɛ.

1 Timote 5:4

Kɛɛ ni dennu ka kɛ kɛsamoso min bolo, niwotɛ mamanilu, fɔ den wolu yi Alaɲasiyanɲɛ jiyaɲa lɔn kunfɔlɔ le ka bɛn aiya demayalu minaɲa ma. Ai banu na min bɛ kɛla ai yɛ, ailu yi wo ɲɔɔzii kɛ, kamasɔlɔn wo le diyanin Ala yɛ.

2 Timote 1:9

min na mɔ lakisila, ka mɔ kili ka mɔ kɛ aa mɔɔ sɛnɛyaninnu le. Wo do ma kɛ ka bɛn mɔ kɛkolu ma, mafɔ a jɛlɛkanu ya kolatɛɛnin ma, ani aa nɛɛma min dinin mɔ ma Masa Tɔɔmasenin Isa ya kafonɲɔɔya lɔ, jani dunuɲa tɛɛ dan.

Hebululu 13:16

Ài do kà ɲina koɲumakɛko lɔ, ani ka sɔniya i ɲɔɔ yɛ, kamasɔlɔn salaka suu wolu le diyanin Ala yɛ.

1 Piyɛli 2:20

Ni ài do ka gbasili mina ài ma ka bɛn àiya koyonkɛko ma, jalasa wo y'ài matanuko le le? Kɛɛ do, ni ài ka tɔlɔya mina ài ma ka bɛn àiya koɲumakɛko ma, wo yi kobɛnnin ne le Ala ɲakɔlɔ.

1 Piyɛli 2:5

Àilu fana kɛyine iwo kawakulun niimalu, Ala yi minu siisiila i ɲɔɔ kɔkan k'a kɛ a ta bon ne, ani Nii Sɛnɛyanin makɛya. Ala ya bon wo kɔnɔ, ài kɛtɔ kɛla salakalaseba sɛnɛyanin ne le, fɔsa ài yi kɛ Ala ladiyanan salakalu lasena a ma ka bɔ ài josokun nɔ Masa Tɔɔmasenin Isa sabu la.