1 Timote 2:2 - Ala Ya Salatikan Kula Kitabu

² Ài m'i Ala dali masakɛlu ni jamana ɲamɔɔlu bɛ yɛ, fɔsa m'i maa dunuɲalɔtɛɛ kɛ josolajii ni hɛlɛ lɔ, Alaɲasiyanɲɛ ni mɔɔsɔvɛya lɔ.

1 Timote 2:2 ပူးပေါင်းရင်းမြစ်များ

Luka 1:6

Ai mɔɔ fila tɛɛ telenmande le le Ala ɲakɔlɔ, ai vɛ mɔ Tii ya seliya ni aa jamalilu bɛ lataamana kobɛn.

Luka 2:25

Wo waate lɔ, kɛmɔba dɔ tɛɛ Jelusalɛmu, min tɔɔ tɛɛ ko Simiyɔn. Mɔɔ telennin ni Alaɲasiyanɲɛmɔɔ le tɛɛ a le, min tɛɛ Bani Isilankalu masawali waate makɔnɔna Ala bolo. Ado Nii Sɛnɛyanin tɛɛ a kɔkan.

Kɛkolu 10:22

Ai do ka Piyɛli javi, ai vɛɛ: «Sɔdasi kuntii Kɔɔnɛli le na mɔ lanala. Mɔɔ telennin ne a le, ani Alaɲasiyanɲɛmɔɔ, Jahudiyalu bɛ yi min buɲala kosɛvɛ. Lɔhɔlɔma mɛlɛka dɔ le n'a fɔla a yɛ ko a y'i kili aa bon na, fɔsa a a tolomalɔ i kumakan na.»

Kɛkolu 24:16

Wo ma, ǹ'i ǹ senko le la kudein fɔsa ǹ joso sɛnɛyanin yi to Ala ni mɔɔlu yɛ.

Lɔmukalu 12:18

Ài y'ài senko bɛ kɛ fɔsa josolajii yi kɛ àilu ni mɔɔ bɛ wotɛ.

Filipikalu 4:8

Ka ǹa kuma laban m̀ badenmalu, ǹ'a fɛ ài yi kɛ ài milila ko minu ma, wolu le ne: ko minu yi tuɲa le, magbiliyalikolu, kotelenninu, kosɛnɛyaninnu, kokeinnu, kobɛnninu, ani ko minu ni matɔɔli kaannin.

1 Tɛsalonikakalu 4:11

Ài y'ài lɔja k'àiya dunuɲalɔtɛɛ kɛ josolajii boloma, ka gbala ài jɛlɛkanu kunkolu le, ani k'ài bolo bila baale nafata dɔ lɔ, iwo mɔ n'ài jamalila teme.

Hebululu 12:14

Ài y'ài lɔja josolajii yi kɛ àilu ni mɔɔ bɛ wotɛ, ani k'i lɔja ka taama sɛnɛyali boloma, mɔ Tii tɛ se yena min kɔ.