1 Timote 2:10 - Ala Ya Salatikan Kula Kitabu

¹⁰ mafɔ ai kɛko ɲumalu, iwo a bɛnnin teme mosolu ma minu y'a fɔla ai jɛlɛ ma ko Alaɲasiyanɲɛmɔɔ.

1 Timote 2:10 ပူးပေါင်းရင်းမြစ်များ

Kɛkolu 9:36

Wo k'a talan Isa kɔbiladen dɔ tɛɛ Jopa so kɔnɔ, min tɔɔ tɛɛ ko Tabita. Ai tɛɛ a fɔla a ma Gɛlɛkikan nɔ ko Dɔɔkasi, wo kɔlɔ le ko Minaan. Moso wo tɛɛ kokein ne kɛla kudein ka fandannilu madɛmɛn.

Kɛkolu 9:39

Wo fɔ Piyɛli yɛ, a v'i wulila ka bila ai kɔ. A senin je, ai ka taa a le sangaso sanmabon na. Kɛsamosolu bɛ lɔnin tɛɛ Piyɛli laminin nɔ, ai vɛ kasila ka faanibalu ni faani kɔlɔbilalu jiya a la, Dɔɔkasi tɛɛ vɛ minu kala ai yɛ.

Ɛfɛsikalu 2:10

Kamasɔlɔn Ala baalenɔ le mɔ le, a na minu ladanna Masa Tɔɔmasenin Isa sabu la koɲumakɛko lɔ, fɔsa Ala gbu na koɲuma minu lɔbɛnna mɔ yɛ kɔlɔkɔlɔ le, m'i kɛ wolu kɛba le.

1 Timote 2:11

Mosolu ka kan k'ai tolomalɔ kalan na mafali ni fanmajii bɛlɛ le boloma.

1 Timote 2:9

Wo boloɲa kelen ma, mosolu y'ai masili boloɲa bɛlɛ ma, jɛlɛlɔmina ni buɲali boloma. Ai do kà ai jɛlɛ lakeinya kundan daagbɛlɛn ne, k'ai masili sanu ni lulu ni faani daagbɛlɛnnu le,

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Tite 3:8

Kuma min yi tuɲa le le. Ǹ'a fɛ i yi ko minu magbeleya fɔsa Ala malimaniyamɔɔlu y'ai gbaladon koɲumakɛko ma, minu keinyanin, ani nafa yi minu la mɔɔ bɛ yɛ.

1 Piyɛli 2:12

Ài taamaɲa yi keinya Alalɔnbalilu tɛma, fɔsa hali ni ai k'ài mafin, ko koyonkɛba le ài le, ai y'ài kɛko ɲumalu ye ka magbiliyali di Ala ma a nalon.

2 Piyɛli 3:11

Komi fen wolu bɛ kɛtɔ halakila ten ne, ài ka kan ka kɛ mɔɔ suu mindɛ le wo lɔ? Fɔ ài yi kɛ taamana sɛnɛyali ni Alaɲasiyanɲɛ bolo le ma,

Ko Lankɛnɛmayanin 2:19

« ‹Ǹ k'i kɛkolu lɔn, ani iya kanundeya, ani iya limaniya, ani iya baale ɲuma, ani iya sawali. Tuɲa le, i yi koɲuma minu la yi ne, wolu walayine ka timin a kunfɔlɔ talu la.