1 Timote 1:7 - Ala Ya Salatikan Kula Kitabu

⁷ Ai do y'a fɛ k'ai jɛlɛ kɛ seliya kalanmɔɔlu le, k'a talan koɲaye foi tɛ ai bolo ka bɛn ai kumakan ma, kumatɛ ai yi ko minu magbeleyala.

1 Timote 1:7 ပူးပေါင်းရင်းမြစ်များ

Matiyu 15:14

Ài yi Falisilu to je. Ai yi ɲagbɛ ɲabilalu le le. Ni ɲagbɛ ka kɛ a ɲagbɛ ɲɔɔ ɲabila le, ai mɔɔ fila yi benne diɲa lɔ.»

Matiyu 21:27

Wo le k'a kɛ, ai ka Isa javi, ai vɛɛ: «Mɔ m'a lɔn.» Isa do vɛɛ ai yɛ: «Ni wo le, ǹe fana tɛnala a fɔla ài yɛ min na seetiiya dila m̀ ma ko minu kɛko lɔ.»

Luka 2:46

A tele sawana lon, ai ka Isa talan lɔhɔlɔmabonba luu kɔnɔ, a siinin vɛ kalanmɔɔlu tɛma. A tolomalɔnin tɛɛ ai la, ani a vɛ ai maɲiningala.

Kɛkolu 15:1

Wo kɔ, kɛ́ dɔlu ka na Antiyɔsi ka bɔ Jude koovi lɔ, minu tɛɛ limaniyamɔɔlu kalanna, ai vɛɛ: «Ni ài ma kɛnɛkɛ ka bɛn Nabi Musa ya laana ma, ài tɛnala sena kisila.»

Lɔmukalu 1:22

Ai tɛɛ a fɔla ai jɛlɛ ma ko hangilima, k'a talan ai vɛ kɛ hangilindan ne feu.

Galatiyakalu 3:2

Ǹ'a fɛ k'ài maɲininga ko kelen min na, wo le ne: Ài na Nii Sɛnɛyanin sɔlɔnna ka bɛn àiya seliya latelenko le ma, baa ài na Samakan Kein le mɛnna ka limaniya a ma?

Galatiyakalu 3:5

Ala min yi Nii Sɛnɛyanin dila ài ma ka kawanankolu labaale ài tɛma, jalasa a yi wo kɛla ka bɛn àiya seliya latelenko le ma, baa ài na Samakan Kein le mɛnna ka limaniya a ma?

Galatiyakalu 4:21

Àilu minu y'a fɛ ka to Nabi Musa ya seliya kɔlɔ, ǹ'a fɛ k'ài maɲininga ko dɔ ma. Seliya kitabu yi min fɔla, ài tɛ wo mɛnna?

1 Timote 6:4

wo vɛ kɛla, wo tii v'a fannɔbuɲa, a do ma foi lɔn. Wo ma, sɔsɔyali diyayine a yɛ, ani sɔɔnsɔɔn ka bɛn kumalu kɔlɔ ma. Ko minu yi nala keleya ni falanɲɔɔya le, ani tɔɔtiɲali, ani miliya yon,

2 Timote 3:7

Moso wolu yi kalan kula le sɔlɔnna waate bɛ, kɛɛ ai tɛnala sena tuɲa lɔnna feu!

Janguba 3:1

M̀ badenmalu, ài siyama man kan ka kɛ kalanmɔɔlu le, kamasɔlɔn ài k'a lɔn ne ǹu kalanmɔɔlu ya kiti gbeleyatɔle ka timin dɔlu ta la.

2 Piyɛli 2:12

Faɲafɔ kalanmɔɔ wolu koni, ai yi kuma yonnu fɔla ka bɛn kolu ma ai ma minu ɲaye. Ai do kɛyine iwo tuukɔlɔsoo hangilindannu, minu ladannin ai minako ni ai faako kanma. Ai do halakitɔle iwo tuukɔlɔsoo wolu.