1 Timote 1:5 - Ala Ya Salatikan Kula Kitabu

⁵ Maa jamali kun ne kanundeya le min yi bɔla josolɔgbɛnin nɔ, ani jososɛnɛyanin, ani limaniya bɛlɛbɛlɛ.

1 Timote 1:5 ပူးပေါင်းရင်းမြစ်များ

Matiyu 12:35

Mɔɔ kein yi kokein ne kɛla, kamasɔlɔn wo yi bɔla a josokun kein ne lɔ. Kɛɛ do, mɔɔ yon yi koyon ne kɛla, kamasɔlɔn wo yi bɔla a josokun yon ne lɔ.

Matiyu 5:8

Duwawuden ne mɔɔ josolɔgbɛninnu le, kamasɔlɔn ai kɛtɔ Ala yena.

Kɛkolu 15:9

Wo ma, Ala ma lafisayali kɛ ǹu ni ailu wotɛ, kamasɔlɔn a n'ai josokun lasɛnɛyala ka bɛn aiya limaniya le ma.

Kɛkolu 23:1

Wo kɛ, Pɔli k'i ɲa lɔ kititɛɛjama lɔ k'a fɔ ai yɛ, a vɛɛ: «M̀ badenmalu, m̀'ɛ ǹa dunuɲalɔtɛɛ kɛ ǹ joso sɛnɛyanin vɛ Ala ɲakɔlɔ haan fɔɔ ka na sii bi la.»

Kɛkolu 24:16

Wo ma, ǹ'i ǹ senko le la kudein fɔsa ǹ joso sɛnɛyanin yi to Ala ni mɔɔlu yɛ.

Lɔmukalu 10:4

Kamasɔlɔn Masa Tɔɔmasenin vɛ seliya dafa, fɔsa a malimaniyamɔɔlu bɛ yi kɛ telenmande le Ala ɲakɔlɔ.

Lɔmukalu 12:9

Àiya kanundeya yi kɛ josolɔgbɛya boloma. Ài yi koyon lagbeyaɲɛ, k'ài bolo kɛ kokein na kpekpe.

Lɔmukalu 14:15

Ni i k'i badenma josomagba ka bɛn iya dɔnnifen ma, wo vɛ kɛla, i tɛ taamana kanundeya lɔ butu. Iya dɔnnifen kà kɛ i mɔɔɲɔɔ kunnɔtɛɛko sabu le, Masa Tɔɔmasenin na sala min tii yɛ.

Lɔmukalu 9:1

Ǹ'i tuɲa le fɔla yi ne, ǹe do tɛ faɲa fɔla, kamasɔlɔn Masa Tɔɔmasenin ta le ǹ ne. Ado Nii Sɛnɛyanin gbu le yi seleya dila ǹ josokun nɔ ko

1 Kolɛntikalu 13:1

Hali ǹ senin ka kɛ adamadennu ya kan suu bɛ dɔ fɔla, ani mɛlɛkalu ya kan, ni kanundeya ma kɛ ǹ josokun nɔ, wo vɛ kɛla, ǹ kɛyine iwo nɛɛ gbasikan min mangan yi bɔla.

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

1 Timote 1:18

Ǹ denkɛ Timote, ǹ'i jamali min kalifala i la, k'a la kelayakumalu kɔkan minu fɔnin ka bɛn i ma kɔlɔman ne. Kuma wolu yi kɛ kɛlɛkɛfen ne, i yi se kɛlɛ ɲuma kɛla min ne,

1 Timote 1:19

i bolo kɛnin vɛ limaniya la, k'i joso sɛnɛyanin to. A dɔlu v'i ban wo ma k'aiya limaniya tiɲa tɛtɛ,

1 Timote 3:9

Gbono ko min lankɛnɛmayanin ka bɛn limaniya ma, ai y'ai bolo kɛ wo la ai joso sɛnɛyanin ne.

2 Timote 1:3

M̀'ɛ kɛla Ala dalila waate o waate, ǹ hangili yi tola i lɔ su ni tele. Ado ka bɛn iya ko ma, ǹ'i balika bɔla Ala yɛ, ǹ'i baale kɛla min yɛ jososɛnɛyanin boloma iwo m̀ bemanu tɛɛ a kɛla teme.

2 Timote 1:5

Ǹ hangili toyine iya limaniya bɛlɛbɛlɛ lɔ, min ɲɔɔzii tɛɛ i mama Loyise ni i ba Yunise bolo kunfɔlɔ le, ado ǹ layine a la ko limaniya kelen wo le yi ile fana bolo hali bi.

2 Timote 2:22

I i jɛlɛ matanga kavelenya niikanukolu ma, k'i lɔja telenmandeya lataamanko lɔ, ani limaniya, ani kanundeya, ani josolajii, ka la mɔɔlu kɔkan minu yi mɔ Tii tɔɔ kilila josolɔgbɛya boloma.

Tite 1:15

Fen bɛ sɛnɛyanin mɔɔ sɛnɛyaninnu bolo, kɛɛ foi sɛnɛyanin tɛ mɔɔ kɔsɔnin limaniyabalilu bolo, kamasɔlɔn ai hangili ni ai miliya bɛ le lakɔsɔnin.

Hebululu 10:22

wo le y'a ma, ài m'i mɔ masulunya Ala la josolɔgbɛya boloma, ani limaniya dafanin nɔ, mɔ josokun lasɛnɛyanin ne ka bɔ miliya yonnu ma, ani mɔ falikolo makonin ne ji sɛnɛyanin le.

Hebululu 13:18

Ài yi to Ala dalila mɔ yɛ. Mɔ lanin a la k'a fɔ mɔ josolɔgbɛyine, kamasɔlɔn a lɔɔ yi mɔ la mɔ taamaɲa yi bɛn ko bɛ lɔ.

Hebululu 9:14

Kɛɛ Masa Tɔɔmasenin min k'a jɛlɛ bɔ Ala yɛ salaka bɛlɛbɛlɛ le habadan Nii Sɛnɛyanin sabu la, a jeli fanga wo le yi mɔ josokun lasɛnɛyala feu, ka mɔ bɔ mɔ kɛkolu ma minu yi saya lasena mɔ ma, fɔsa m'i Ɲɛnɛmayatii Ala bato.

Janguba 4:8

Ài y'ài madon Ala la, a do kɛtɔ a madonna ài la. Àilu julumbutɔlu, ài y'ài bololu lako. Àilu miliyafilatiilu, ài y'ài josokun lasɛnɛya.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

1 Piyɛli 3:16

Kɛɛ ài y'ai javi buɲali ni sɔniyali boloma, k'ài joso sɛnɛyanin to, fɔsa mɔɔ minu y'ài mafinna ka bɛn ài taamaɲa ɲuma ma Masa Tɔɔmasenin ya kafonɲɔɔya lɔ, wolu yi maloya.

1 Piyɛli 3:21

Ji wo kɛnin makoli misali le le, min àilu fana lakisila yi ne. Wo tɛ nɔɔ bɔla mɔ falikolo ma, kɛɛ a yi jososɛnɛyanin daliko le le Ala la ka bɛn Masa Tɔɔmasenin Isa lawuliko ma ka bɔ saya lɔ,

1 Piyɛli 4:8

Min buɲanin ko bɛ le, wo le min ne: Ài ɲɔɔ kanu kosɛvɛ, kamasɔlɔn hakɛ siyama lɔ yi kotola kanundeya le sabu la.

2 Piyɛli 1:7

ka badenmaya la àiya Alaɲasiyanɲɛ kɔkan, ani ka kanundeya la àiya badenmaya kɔkan.

1 Yohana 3:10

Ala dennu ni Soitana dennu wotɛbɔ yi lɔnna teme, wo le ne: Mɔɔ min tɛ taamana telenmandeya lɔ, wo tii tɛ Ala ta le, kumatɛ mɔɔ min tɛ a badenma kanula.

1 Yohana 3:23

A na jamali min ne dila mɔ ma, ko m'i limaniya a Denkɛ Masa Tɔɔmasenin Isa tɔɔ ma, ani k'i ɲɔɔ kanu iwo a na mɔ jamalila teme.

1 Yohana 3:3

Ni jeisii wo ka kɛ mɔɔ min bolo, wo tii y'a jɛlɛ lasɛnɛyale iwo Isa sɛnɛyanin teme.