1 Timote 1:4 - Ala Ya Salatikan Kula Kitabu

⁴ Ai do kà ai jɛlɛ bila faɲafɔ taliku fɔko lɔ, ani jilijaa ɲafɔko le minu tɛ banna. Ko suu wolu le yi nala sɔsɔyali le, ai do tɛ Ala ya baale lataala ɲafɛ min jusiinin limaniya kɔkan.

1 Timote 1:4 ပူးပေါင်းရင်းမြစ်များ

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

Ɛfɛsikalu 3:2

Ǹ lanin a la ài v'a mɛn Ala na baale min kalifala ǹ na teme aa nɛɛma lɔ ka bɛn ài ma.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

1 Timote 4:7

I fɛ kà kɛ faɲafɔ taliku fɔko la ani tali fuunnu, minu ni Ala ya siya bɛnnin tɛ i ɲɔɔ ma, mafɔ i i jɛlɛ makolo ka bɛn Alaɲasiyanɲɛ ma.

1 Timote 6:11

Ile Ala ya mɔɔ koni, i i jɛlɛ matanga ko wolu ma, ka bɔli telenmandeya kɔ, ani Alaɲasiyanɲɛ, ani limaniya, ani kanundeya, ani sawali, ani sɔniyali.

1 Timote 6:20

Ile Timote, ko minu kalifanin i la, i yi wolu ladalo kobɛn. I i jɛlɛ matanga kuma fuunnu ma minu ni Ala ya siya bɛnnin tɛ i ɲɔɔ ma, ani sɔsɔyali kolon, mɔɔ dɔlu y'a fɔla min ma filibandeya boloma ko lɔnni.

2 Timote 2:14

Iya mɔɔlu hangili bila k'a magbeleya Ala ɲakɔlɔ ko ai kà sɔsɔyali kɛ ka bɛn kumalu kɔlɔ ma. Sɔsɔyali wo suulu tɛ foi ɲiala, mafɔ ka fitina lana a lamɛnbalu ma.

2 Timote 2:22

I i jɛlɛ matanga kavelenya niikanukolu ma, k'i lɔja telenmandeya lataamanko lɔ, ani limaniya, ani kanundeya, ani josolajii, ka la mɔɔlu kɔkan minu yi mɔ Tii tɔɔ kilila josolɔgbɛya boloma.

2 Timote 2:23

I yi kolɔnbaliya sɔsɔyali fuunnu to je, kamasɔlɔn i k'a lɔn ne wolu yi nala sɔɔnsɔɔn ne le dein.

2 Timote 4:4

Ai kɛtɔ ai tolo bɔla tuɲa la ka bila faɲafɔ talikulu kɔ.

Tite 1:1

Ǹe Pɔli le yi lɛtɛlɛ min sɛvɛla, ǹe min yi Ala ya bɔiden ne ani Masa Tɔɔmasenin Isa ya keladen. Ǹ tayine ka ǹ kelaya ko ǹ'i Ala ya mɔɔ taninnu madɛmɛn aiya limaniya lɔ, k'ai lalɔnni tuɲa la min y'ai taamaɲa bɛn Ala ɲakɔlɔ,

Tite 1:14

ka falan ai tolomalɔla Jahudiyalu ya faɲafɔ talikulu la, ani jamali minu dinin mɔɔlu bolo minu vɛ ai kɔdon tuɲa la.

Tite 3:9

Kɛɛ i k'i fɛ bila sɔsɔyali fuunnu la, ani jilijaa ɲafɔkolu, ani ko minu yi mɔɔlu falanna i ɲɔɔ ma, ani kɛlɛkɛkolu ka bɛn Nabi Musa ya seliya ma. Kamasɔlɔn nafa tɛ kofuun wo suu suu la.

Hebululu 13:9

Ài kà diɲa ài la yi fili ka bɛn kalan kaijakaija kulalu ma. A bɛnyine Ala ya nɛɛma y'ài josokun bama, jamali ko tɛ ka bɛn dɔnnifennu ma, minu tɛ ai latelenbalu wunafala tuun.

2 Piyɛli 1:16

Mɔ n'ài lalɔnnila mɔ Tii Masa Tɔɔmasenin Isa nalon makawanin na waate min nɔ, mɔ bolomalanin tɛɛ tɛ tali fuunnu ma, mɔ na minu lɔbɛnna mɔ kunfɛ kewuya boloma, mafɔ ǹu gbu le na kɛla sele le ka mɔ ɲa la a nɔɔlɔ kɔkan.