1 Timote 1:3 - Ala Ya Salatikan Kula Kitabu

³ Iwo ǹ n'a fɔla i yɛ k'a magbeleya teme ǹ taa waate Masaduwani koovi lɔ, fɔ i yi to Ɛfɛsi so kɔnɔ fɔsa i yi mɔɔ dɔlu jamali k'a fɔ ko ai yi faɲafɔ kalanko dabila.

1 Timote 1:3 ပူးပေါင်းရင်းမြစ်များ

Kɛkolu 18:19

Ai senin Ɛfɛsi so kɔnɔ, Pɔli k'a taamaɲɔɔlu to a kɔ je. A do ka taa Aladalibon na ka kuma Jahudiyalu fɛ.

Kɛkolu 18:21

A do ka siya ɲinin ai fɛ, a vɛɛ: «Ni Ala ka diɲa, ǹ kɛtɔ seikɔla ài ma.» Wo lɔ, a ka don kulunba kɔnɔ Ɛfɛsi ka taa.

Lɔmukalu 15:26

Kamasɔlɔn limaniyajama minu yi Masaduwani ni Akayi koovilu lɔ, wolu n'a latɛɛla sawa boloma ko ai y'ai bolo ladɛn bolokolonnu yɛ Jelusalɛmu mumininnu tɛma.

Lɔmukalu 16:17

M̀ badenmalu, ǹ'ài madiyala, ài y'ài jando ài jɛlɛ lɔ mɔɔwotɛfalanbalu ya ko lɔ, minu yi mɔɔlu kunnɔtɛɛla, ani ka kalan bɛlɛ sɔsɔ, ài na min sɔlɔnna. Ài y'ài mataa ai la feu!

2 Kolɛntikalu 11:4

Kamasɔlɔn ni mɔɔ dɔ ka na ài fɛlɔ ka Isa suu gbɛlɛ ya ko kawanili kɛ ani samakan kein suu gbɛlɛ, mɔ ma min kawanili kɛ ài yɛ, ado ni wo tii ka Nii Sɛnɛyanin suu gbɛlɛ ya ko fɔ, ài ma min sɔlɔn kɔlɔkɔlɔ le, a kɛ diyayine ài y'ài bolo sii wo tii kumakan kɔlɔ.

Ɛfɛsikalu 4:14

Wo ma, mɔ tɛnala kɛla dennilu le butu, kɔɔ kilinkilin yi minu lamaamaala, ani fɔɲɛ yi minu lafilinfilinna ka bɛn mɔɔ jateeyaninnu ya lafilikolu ma ani aiya faɲafɔ kalan kaijakaijalu.

Filipikalu 2:24

Ǹ layine mɔ Tii la k'a fɔ ko a lɔ tɛnala mɛnna butu, ǹe gbu natɔ ài ma.

1 Timote 4:11

I yi jamali minu di, ka mɔɔlu kalan ai la.

1 Timote 4:6

Ni i ka ko minu lase mɔ badenmalu ma, i kɛtɔ kɛla Masa Tɔɔmasenin Isa ya bɔiden ɲuma le le, k'a jiya ko i balonin limaniya kuma ni kalan bɛlɛlu le la, i bilanin minu kɔ.

1 Timote 5:7

I y'ai jamali ko minu la, fɔsa ai jalakibali yi to.

1 Timote 6:10

Kamasɔlɔn koyon suu siyama jusiinin wɔliko nata le kɔkan. Ka bɛn nafolo lɔɔ ma, mɔɔ dɔlu vɛ limaniya siya bila k'ai josokun tɔlɔya ko siyama le.

1 Timote 6:17

Dunuɲa nafololu vɛ kɛla mɔɔ minu bolo, i yi wolu lali ko ai kà ai fannɔbuɲa. Ai do kà ai jei sii nafolo bantalu la, mafɔ Ala min yi fen bɛ dila mɔ ma bɛlɛbɛlɛ kɛ ka bɛn mɔ ladiyako ma.

1 Timote 6:3

Ni mɔɔ mɔɔ ka na kalan gbɛlɛ le, min ni mɔ Tii Masa Tɔɔmasenin Isa ya kuma sɔvɛlu tɛ kelen ne, niwotɛ min bɛnnin tɛ Alaɲasiyanɲɛ ma,

2 Timote 1:18

Mɔ Tii yi hena a la kiyamalon. Ile gbu k'a lɔn ne feu a na ko minu bɛ kɛla ǹ yɛ Ɛfɛsi so kɔnɔ.

2 Yohana 1:7

Mɔɔlafilibalu vɛ siyaya dunuɲa yi ne, minu tɛ diɲala k'ai lɔ a la ko Masa Tɔɔmasenin Isa nanin dunuɲa mɔɔnivin falikolo lɔ. Mɔɔ suu wolu yi mɔɔlafiliba le le, ani Masa Tɔɔmasenin kɛlɛkɛɲɔɔ.

Ko Lankɛnɛmayanin 2:14

Kɛɛ wo bɛ n'a kɛ, ko minu yi ǹe ni ile wotɛ, wolu le min ne: Mɔɔ dɔlu y'ài tɛma je minu vɛ bila Balaamu ya kalan kɔ, min ka Balaki kalan fɔsa a tɛɛ sɔɔ lasii Bani Isilankalu ɲa, k'ai bila joosɔsoo dɔnna, ani kanukɛko la.

Ko Lankɛnɛmayanin 2:20

Kɛɛ wo bɛ n'a kɛ, ko min yi ǹe ni ile wotɛ, wo le min ne: I vɛ bila moso wo kɛkolu fɛ, Jɛzɛbɛli koni, min y'a fɔla a jɛlɛ ma ko kela mosomanda. A do yi ǹa bɔidennu lafilila aa kalan ne, k'ai bila kanukɛko ni joosɔsoo dɔnko la.