1 Timote 1:17 - Ala Ya Salatikan Kula Kitabu

¹⁷ Mɔ Tii, Masa sabali, Masa yenbali, ale min yi Ala kelenpesa le, buɲali ni magbiliyali y'a yɛ waate bɛ ani habadan. Amiina.

1 Timote 1:17 ပူးပေါင်းရင်းမြစ်များ

Matiyu 25:34

Wo kɔ, Masakɛ kɛtɔ a fɔla a bolokininɔ talu yɛ, a vɛɛ: ‹Ǹ Fa ya duwawudennu, ài yi na, ài yi don ǹ Fa ya masaya lɔ, min lɔbɛnnin tɛɛ ài yɛ ka ta dunuɲa dan waate ma.

Matiyu 28:20

ani k'ai kalan ko bɛ labatoko la, ǹ n'ài jamalila minu la. Ǹe do, ǹ'ài fɛ waate bɛ haan fɔɔ ka taa sii dunuɲa laban na.»

Matiyu 6:13

I do kà diɲa mɔ ma yi nɛɛ ka bila koyon nɔ, kɛɛ mɔ matanga Soitana ma.›

Yohana 1:18

Mɔɔ suu suu ma Ala ye ba a ɲa la bene. Kɛɛ ale kelenpesa min ni Ala yi kelen ne, min siinin mɔ Fa Ala tɔɔfɛ, wo vɛ mɔ lalɔnni Ala ya ko la.

Yohana 5:44

Ài yi se limaniyala di, k'a talan ài yi magbiliyali ɲininna i ɲɔɔ fɛ, kɛɛ ài do tɛ magbiliyali wo ɲininna min yi bɔla Ala kelenpesa fɛ?

Lɔmukalu 1:20

Kamasɔlɔn ka ta dunuɲa dan waate ma, Ala kɛɲa minu tɛ se yena ɲa la: aa foniseleya banbali ni aa Alaya koni, wolu yi yena gbesekele ni mɔ k'i mili aa dannifennu ma. Wo le n'a kɛla, adamadennu tɛ se ai kumanɔbɔla.

Lɔmukalu 1:23

Ai k'i ban habadan Ala magbiliyala, ka fen kaijakaijalu sawula bato, iwo mɔɔnivin satalu, ani kɔnɔlu, ani kolofennu, ani fɔnfɔnnifennu.

Lɔmukalu 11:36

Fen bɛ bɔnin ale le lɔ, ani fen bɛ yi je ale le yɛ, a do ta le fen bɛ le. Magbiliyali yi di a ma habadan. Amiina!

Lɔmukalu 16:27

Tanuli yi Ala yɛ, min kelenpesa yi hangilima le. Tanuli y'a yɛ Masa Tɔɔmasenin Isa sabu la habadan! Amiina.

Lɔmukalu 2:10

Kɛɛ do, mɔɔ suu suu yi koɲuma kɛla, magbiliyali ni buɲali ni josolajii le kɛtɔ kɛla wo tii ta le, ka damina Jahudiyalu ma ka taa sii siboloma gbɛlɛ mɔɔlu la.

Lɔmukalu 2:7

Wo ma, mɔɔ minu sawalinin aiya koɲumakɛko ma fɔsa ai yi magbiliyali ni buɲali ni habadan niimaya ɲinin ai jɛlɛ yɛ, Ala kɛtɔ niimaya banbali dila wolu le ma.

Kɔlɔsikalu 1:15

Ale le Ala yenbali sawula le, ani Denkɛ kunfɔlɔ dannifen bɛ kunna.

Hebululu 11:27

Nabi Musa ya limaniya le na kɛla sabu le, a ka bɔ Misilan, a do ma siyan masakɛ ya mɔnɛ ɲa. A k'i lɔja sawali boloma iwo a ɲa lɔnin vɛ Ala lɔ, mɔɔ tɛ se min yena.

Hebululu 2:7

I n'a lɔya dɔɔyala ka timin mɛlɛkalu ta la waateni kɔlɔ, wo kɔ, ka magbiliyali ni buɲali di a ma iwo masayafula,

1 Piyɛli 5:11

Seetiiya yi ale le yɛ waate bɛ ani habadan! Amiina.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.

1 Yohana 4:12

Mɔɔ foi ma Ala ye ba, kɛɛ ni mɔ k'i ɲɔɔ kanu, Ala totɔ maa kafonɲɔɔya lɔ, ani aa kanundeya dafatɔ mɔ josokun nɔ.

Jude 1:25

Tanuli yi Ala kelenpesa le yɛ, min na mɔ lakisila mɔ Tii Masa Tɔɔmasenin Isa sabu la. Magbiliyali ni kamalangeya ni seetiiya ni kuntiiya y'a yɛ jani dunuɲa tɛɛ dan, tandainɔ, ani habadan! Amiina!

Ko Lankɛnɛmayanin 15:3

Ai tɛɛ Ala ya bɔiden Musa ya baiti lala, ani Saa Bolan ya baiti, ai vɛɛ: «Ala Seebɛtii, i kɛko bɛ makawayine ka buɲa. I kokɛɲalu telenyine, a bɛ yi tuɲa le le, ile, siboloma bɛ ya Masa.

Ko Lankɛnɛmayanin 17:14

Ai kɛtɔ kɛlɛ bilala Saa Bolan na, kɛɛ Saa Bolan kɛtɔ see sɔlɔnna ai ma, kamasɔlɔn ale le tiilu ta Tii le, ani masalu ya Masa. A kɔbiladen minu kɛtɔ see sɔlɔnna a fɛ, wolu le aa mɔɔ kilininnu le, ani aa mɔɔ taninnu, ani lanandelu.»

Ko Lankɛnɛmayanin 19:1

Wo timinnin kɔ, ǹ ka kumakan dɔ mɛn iwo jama ba mangan ka bɔ haijɛnɛ, min tɛɛ a fɔla, a vɛɛ: «Tanuli yi Ala yɛ! Kisili ni magbiliyali ni seetiiya yi mɔ Tii Ala ta le le.

Ko Lankɛnɛmayanin 19:16

Tɔɔ dɔ sɛvɛnin aa pipɔ ma ani a wolo ma, ko: «Masalu ya Masa ani tiilu ta Tii.»

Ko Lankɛnɛmayanin 19:6

Wo kɔ, ǹ ka mangan dɔ mɛn min kɛnin tɛɛ iwo jama ba kumakan, ani kɔɔ ba woyokan, ani sankulukan ba, min tɛɛ a fɔla, a vɛɛ: «Tanuli yi Ala yɛ! Kamasɔlɔn mɔ Tii Ala Seebɛtii vɛ aa masaya lasii!

Ko Lankɛnɛmayanin 7:12

Ai v'a fɔla, ai vɛɛ: «Amiina! Tanuli ni magbiliyali ni hangilimaya ni balikabɔ ni buɲali ni seetiiya ani fangamaya, wo bɛ yi mɔ Tii Ala ta le le waate bɛ ani habadan. Amiina!»