1 Timote 1:16 - Ala Ya Salatikan Kula Kitabu

¹⁶ Kɛɛ Ala na henala ǹ na dailu min ne la, fɔsa Masa Tɔɔmasenin Isa tɛɛ aa sawali dafanin jiya julumbutɔlu bɛ lɔ mɔɔ kɛwon na. A do na ǹ kɛla misali le mɔɔlu yɛ, minu kɛtɔ limaniyala a ma ka niimaya banbali sɔlɔn.

1 Timote 1:16 ပူးပေါင်းရင်းမြစ်များ

Luka 15:10

Wo boloɲa kelen ma, ǹ'a fɔ ài yɛ, ni julumbutɔ kelen k'a dajoo mafalin, Ala ya mɛlɛkalu yi sawale wo lɔ.»

Luka 23:43

Isa k'a fɔ a yɛ, a vɛɛ: «Ǹ'i tuɲa fɔ i yɛ, bi i kɛtɔ ǹ fɛ Ala ya kunnadiyaso la.»

Luka 7:47

Wo lɔ saa, ǹ'a fɔ i yɛ, moso min ya julumbu siyama bɛ lɔ vɛ koto ka bɛn aa kanundeya wala jate ma. Kɛɛ do, ni a dɔni lɔ ka koto mɔɔ min yɛ, wo tii ya kanundeya dɔɔyatɔle fana.»

Yohana 20:31

Kɛɛ ko minu sɛvɛnin fɔsa ài yi limaniya k'a fɔ ko Isa le Masa Tɔɔmasenin ne ani Ala Denkɛ. Ài do vɛ limaniyala a ma, ài kɛtɔ niimaya sɔlɔnna a tɔɔ fɛ.

Yohana 3:36

Mɔɔ min vɛ limaniyala a Denkɛ ma, niimaya banbali yi wo tii le yɛ. Kɛɛ ni mɔɔ min k'i ban a Denkɛ lɔ, wo tii tɛnala niimaya sɔlɔnna, mafɔ a yi tole Ala ya mɔnɛya kɔlɔ kudein.

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Yohana 6:37

Ǹ Fa vɛ mɔɔ minu dila m̀ ma, wolu bɛ natɔle m̀ ma. Ni mɔɔ mɔɔ do ka na m̀ ma, ǹ tɛnala wo tii gbɛnna feu.

Yohana 6:40

Kamasɔlɔn ǹ Fa sawo le min ne, ko mɔɔ minu bɛ ɲa lɔnin a Denkɛ lɔ ka limaniya a ma, wolu bɛ yi niimaya banbali sɔlɔn, ǹe do kɛtɔ ai lawulila ka bɔ saya lɔ dunuɲa laban lon.»

Yohana 6:54

Ni mɔɔ min do ka ǹ falikolo dɔn ani ka ǹ jeli min, niimaya banbali yi wo tii le yɛ, ani ǹ kɛtɔ a lawulila ka bɔ saya lɔ dunuɲa laban lon.

Kɛkolu 13:39

Ado ni mɔɔ minu ka limaniya a ma, wolu bɛ la yi fɛlɛle k'ai bɔ aiya julumbu bɛ ma, k'a talan Nabi Musa ya seliya ma se ài lafɛlɛla.

Lɔmukalu 15:4

Ko minu bɛ sɛvɛnin kɔlɔkɔlɔ le, wolu sɛvɛnin mɔ kalanko le lɔ, fɔsa m'i jeisii sɔlɔn ka bɛn sawali ni sɛmɛdonko ma, lɔhɔlɔma kitabulu yi minu dila mɔ ma.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

1 Kolɛntikalu 7:25

Ǹe do ma jamali sɔlɔn mɔ Tii la ka bɛn singbili ni kavelennu ma minu ma fulu kɛ ba bene. Kɛɛ do, ǹ'i m̀ miliya le jiyala ài la, iwo mɔɔ min kɛnin lanande le ka bɛn mɔ Tii ya henandeya ma.

2 Kolɛntikalu 4:1

Komi baale min kalifanin mɔ la ka bɛn Ala ya henandeya le ma, wo le y'a ma, mɔ falilɔ tɛ teeyala.

Ɛfɛsikalu 1:12

fɔsa ǹu minu na Masa Tɔɔmasenin kɛla mɔ jeisii le kunfɔlɔ le, m'i Ala tanu aa magbiliyali lɔ.

Ɛfɛsikalu 1:6

A na wo kɛla fɔsa m'i Ala tanu ka bɛn aa nɛɛma makawanin ma, a na mɔ sɔla min sɔ a diyanan Denkɛ sabu la.

Ɛfɛsikalu 2:7

A vɛ ɲumaya min jiya mɔ la Masa Tɔɔmasenin Isa fɛ, fɔsa waate natɔlu lɔ mɔɔlu y'a lɔn ko aa nɛɛma buɲayine bubale.

2 Tɛsalonikakalu 1:10

Wo bɛ kɛtɔ mɔ Tii nalon ne, a vɛ nala fɔsa mumininnu y'a magbiliya ani limaniyamɔɔlu y'a buɲa kawakoya boloma. Àilu fana fɛ kɛtɔ wo la, kamasɔlɔn ài vɛ la maa seleyakan na.

1 Timote 1:13

Waate lɔ, ǹ tɛɛ a jɛvɛla ka aa mɔɔlu jangata kafaya boloma. Kɛɛ wo bɛ n'a kɛ, a na henandeya jiyala ǹ na, kamasɔlɔn ǹ tɛɛ ko suu wolu kɛla kolɔnbaliya ni limaniyabaliya le lɔ.

Hebululu 7:25

Wo le y'a ma, a yi sene mɔɔlu lakisila feu, minu yi timinna ale fɛ k'i madon Ala la, kamasɔlɔn a a nii la kudein k'ai masolonali mina Ala ma.

1 Piyɛli 3:20

ka bɛn aiya kolobaliya ma kɔlɔkɔlɔ le Sedina Nuho ya waate lɔ, Ala tɛɛ makɔnɔlila sawali boloma waate min nɔ jani kulunba la tɛɛ dan. Kulunba wo kɔnɔ, mɔɔ dana le ka kisi ka bɔ ji wo ma, minu tɛɛ mɔɔ sein ne.

2 Piyɛli 3:15

Ài yi mɔ Tii ya sawali jate àiya kisiko le, iwo mɔ diyanan badenma Pɔli n'a sɛvɛla ài ma teme ka bɛn hangilimaya ma min dinin a ma.

2 Piyɛli 3:9

Mɔ Tii kunsumanin tɛ aa lahedi mafako lɔ iwo a dɔlu y'ai milila teme. A do y'ài minala sawali bolo le ma, kamasɔlɔn a t'a fɛ mɔɔ foi yi halaki, mafɔ bɛ y'ai jɛlɛ lasei a ma.