1 Timote 1:11 - Ala Ya Salatikan Kula Kitabu

¹¹ Kalan min bɛnnin Samakan Kein ne ma, min yi Tanulitii Ala nɔɔlɔ jiyala, a na min kalifala ǹ na.

1 Timote 1:11 ပူးပေါင်းရင်းမြစ်များ

Luka 2:14

«Magbiliyali yi Ala yɛ sangbolo dingila kɔlɔtanin nɔ, ani josolajii yi kɛ duukolo kɔkan a diyananmɔɔlu yɛ.»

Lɔmukalu 2:16

Wo bɛ la kɛtɔ nkɛnɛmayala kititɛɛlon, Ala vɛ adamadennu kɔnɔlɔkolu kiti tɛɛla Masa Tɔɔmasenin Isa sabu la, iwo a fɔnin teme Samakan Kein nɔ, ǹ'i min lasena.

1 Kolɛntikalu 9:17

Ni ǹ tɛɛ baale min kɛ ka bɛn ǹ jɛlɛkanu sawo le ma, ǹ jii tɛɛ kɛle a tɔnɔ sɔlɔnko ma. Kɛɛ ni ǹ'a kɛla diyanigbeya bolo le ma, wo vɛ kɛla, a yi ǹ kundoni ne le min kalifanin ǹ na.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

Galatiyakalu 2:7

Kɛɛ ailu gbu k'a ɲaye ko Ala le na baale kalifala ǹ na ko ǹ'i Samakan Kein lase siboloma gbɛlɛ mɔɔlu ma, iwo a na baale kalifala Piyɛli la teme ko k'a lase Jahudiyalu ma.

Ɛfɛsikalu 1:12

fɔsa ǹu minu na Masa Tɔɔmasenin kɛla mɔ jeisii le kunfɔlɔ le, m'i Ala tanu aa magbiliyali lɔ.

Ɛfɛsikalu 1:6

A na wo kɛla fɔsa m'i Ala tanu ka bɛn aa nɛɛma makawanin ma, a na mɔ sɔla min sɔ a diyanan Denkɛ sabu la.

Ɛfɛsikalu 2:7

A vɛ ɲumaya min jiya mɔ la Masa Tɔɔmasenin Isa fɛ, fɔsa waate natɔlu lɔ mɔɔlu y'a lɔn ko aa nɛɛma buɲayine bubale.

Ɛfɛsikalu 3:10

fɔsa tandainɔ yi ne limaniyajama sabu la, sangbololɔ kuntiilu ni fangatii yenbalilu la yi lɔnni Ala ya hangilimaya suu bɛ la.

Kɔlɔsikalu 1:25

Limaniyajama ya bɔiden ne ǹ ne, kamasɔlɔn Ala vɛ baale min kalifa ǹ na àiya ko lɔ, ko ǹ'i Ala kumakan dafanin lase ài ma.

1 Tɛsalonikakalu 2:4

Mafɔ, m'i kuma le la iwo Ala a fɛ m'a kɛ teme, kamasɔlɔn ale le diɲanin mɔ yɛ ka Samakan Kein kalifa mɔ la. Wo le y'a ma, mɔ tɛ mɔ lɔjala ka maa ko diya adamadennu yɛ, mafɔ Ala min yi mɔ josokun lakɔlɔsila.

1 Timote 2:7

Wo le n'a kɛla, Ala na m̀ bilala aa keladenya la ka ǹ kɛ kawanilikɛba le, ko ǹ'i siboloma gbɛlɛ mɔɔlu kalan ka bɛn limaniya ni tuɲandeya ma. Ǹ'i tuɲa le fɔla, ǹ tɛ faɲa fɔla.

1 Timote 6:15

Ala bolo aa waate latɛɛnin nɔ, Ala min yi Seetii le, ani Tanulitii, ani masalu ya Masa, ani tiilu ta Tii.

1 Timote 6:20

Ile Timote, ko minu kalifanin i la, i yi wolu ladalo kobɛn. I i jɛlɛ matanga kuma fuunnu ma minu ni Ala ya siya bɛnnin tɛ i ɲɔɔ ma, ani sɔsɔyali kolon, mɔɔ dɔlu y'a fɔla min ma filibandeya boloma ko lɔnni.

2 Timote 1:11

Ala na ǹ lɔla ka ǹ kɛ Samakan Kein min kawanilikɛba le le, ani keladen, ani kalanmɔɔ.

2 Timote 1:14

Kalan ɲuma minu kalifanin i la, i yi wolu lakana Nii Sɛnɛyanin sabu la, min sawatinin mɔ josokun nɔ.

2 Timote 2:2

I na kuma minu mɛnna ǹ da sele siyama ɲakɔlɔ, i yi wolu kalifa mɔɔ sɔvɛlu la, minu yi se ka dɔlu fana kalan.

Tite 1:3

Kɛɛ tandainɔ, Ala ya waate latɛɛnin nɔ, a v'a kumakan lankɛnɛmaya ǹa kawanili fɛ, min kalifanin ǹ na ka bɛn mɔ Lakisiba Ala ya jamali ma.