1 Timote 1:10 - Ala Ya Salatikan Kula Kitabu

¹⁰ ani kanukɛbalu, ani kɛ́ minu yi lala i ɲɔɔ fɛ, ani jɔn felebalu, ani faɲafɔbalu, ani faɲafɔ selelu, ani ko minu bɛ yi nala sɔsɔyali le kalan bɛlɛ kanma.

1 Timote 1:10 ပူးပေါင်းရင်းမြစ်များ

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

Lɔmukalu 1:26

Wo le n'a kɛla, Ala k'ai bila ai jɛlɛ ma ko ai y'ai niikanukolu kɛ malobaliya boloma. Wo lɔ, aiya mosolu ma kafonɲɔɔya kɛ butu a kɛɲa ma, mafɔ ai ka kafonɲɔɔya kɛ i ɲɔɔ le fɛ.

1 Timote 4:6

Ni i ka ko minu lase mɔ badenmalu ma, i kɛtɔ kɛla Masa Tɔɔmasenin Isa ya bɔiden ɲuma le le, k'a jiya ko i balonin limaniya kuma ni kalan bɛlɛlu le la, i bilanin minu kɔ.

1 Timote 6:3

Ni mɔɔ mɔɔ ka na kalan gbɛlɛ le, min ni mɔ Tii Masa Tɔɔmasenin Isa ya kuma sɔvɛlu tɛ kelen ne, niwotɛ min bɛnnin tɛ Alaɲasiyanɲɛ ma,

2 Timote 1:13

Ǹa misali ta ka bila kuma sɔvɛlu kɔ, i na minu mɛnna ǹ da, ka kɛ taamana limaniya ni kanundeya boloma Masa Tɔɔmasenin Isa ya kafonɲɔɔya lɔ.

2 Timote 4:3

Kamasɔlɔn waate dɔ sentɔ, mɔɔlu tɛnala diɲala k'ai tolomalɔ kalan sɔvɛ ma. Kɛɛ ai kɛtɔ bilala ai jɛlɛkanu niikanukolu le kɔ, ka kalanmɔɔ siyama ɲinin ai jɛlɛ yɛ minu kɛtɔ ai tolo ladiyanankumalu fɔla ai yɛ.

Tite 1:13

Seleyakan wo yi tuɲa le le. Wo ma, i y'ai makuma bɛlɛbɛlɛ kɛ, fɔsa ai yi limaniya sɔvɛ sɔlɔn,

Tite 1:9

A a bolo kɛ lanaya kuma la kpekpe iwo a kalannin a la teme, fɔsa a yi se mɔɔlu sɛmɛdonna kalan bɛlɛ la teme, ani ka mɔɔlu jobaliya minu y'a sɔsɔla.

Hebululu 13:4

Fɔ bɛ yi fulu buɲa, ado fuluɲɔɔmalu ya lafen ma kà kɔsɔ, kamasɔlɔn Ala kɛtɔ jalon ni kanukɛbalu latɔnna.

Jude 1:7

Wo boloɲa kelen ma, Sɔdɔmukalu ni Gɔmɔlikalu ni ai laminin solu k'ai fɛ bila kanukɛko la, ani niikanukolu minu bɛnnin tɛ adamadenya ma. Wo le k'a kɛ, Ala k'ai latɔn habadan taa le k'ai kɛ misali le bɛ yɛ.

Ko Lankɛnɛmayanin 18:13

ani sinamɔn wɔmɔn sumadiyanin, ani latikɔlɔn, ani wusulan, ani kɔlɔmanjɛn sumadiyanin suu dɔlu, ani gbɛ, ani tulu, ani fainimuu, ani malo, ani nisi ni saalu, ani soo ni soowotololu, ani mɔɔnivin minu yi felela jɔnya boloma.

Ko Lankɛnɛmayanin 21:27

Kɛɛ fen kɔsɔnin foi tɛnala donna je, kumatɛ kolakɔsɔninkɛbalu ni faɲafɔbalu ma. Mɔɔ minu do tɔɔ sɛvɛnin Saa Bolan ya niimaya kitabu kɔnɔ, wolu le kɛtɔ donna je dein.

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»

Ko Lankɛnɛmayanin 22:15

Kɛɛ jɛlɛlakɔsɔmɔɔlu kɛtɔ tola so kɔma, wolu ni subalu ni kanukɛbalu, ani mɔɔfaabalu ni joosɔbalu, ani mɔɔ minu yi faɲafɔko ladiyaɲɛla ka to faɲa fɔla kudein.