1 Piyɛli 5:9 - Ala Ya Salatikan Kula Kitabu

⁹ Ài y'ài lɔ Soitana ɲa kili limaniya lɔ, kamasɔlɔn ài v'a lɔn ko ài badenma minu jɛzɛnnin dunuɲa fan bɛ lɔ, wolu yi tɔlɔya wo suu bɛ dɔ le masɔlɔnna fana.

1 Piyɛli 5:9 ပူးပေါင်းရင်းမြစ်များ

Luka 22:32

Kɛɛ m̀'ɛ Ala dali i yɛ, fɔsa iya limaniya kana koli. Ni ile do ka seikɔ m̀ ma, i i badenmalu sɛmɛdon.»

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Kɛkolu 14:22

Ai tɛɛ Isa kɔbiladennu sɛmɛdonna so wolu la, k'ai kawani ko ai y'ai lɔja ka to limaniya siya kɔkan kudein, ai vɛɛ: «Jani m'i don Ala ya masaya lɔ, fɔ m'i tɔlɔya siyama masɔlɔn bene.»

1 Kolɛntikalu 10:13

Lɔsumani suu suu ma ài lasɔlɔn ba bene, mafɔ min suu deinin adamadennu lasɔlɔnna. Ala do yi lanande le le. A tɛnala diɲala ài lɔ yi suma ka gban ài senko kan. Kɛɛ ni ài lɔ ka suma, Ala kɛtɔ ài bɔɲa jiyala ài la fɔsa ài yi se lɔsumani wo minala ài ma teme.

Ɛfɛsikalu 4:27

niwotɛ ài yi siya dile Soitana ma.

Ɛfɛsikalu 6:16

Waate bɛ, àiya limaniya yi kɛ iwo kɛlɛkɛgbɔn. Wo vɛ kɛla Soitana vɛ aa biɲɛ taalamaalu lafilila ài ma, ài yi sene ka wolu bɛ lasa.

Kɔlɔsikalu 2:5

Hali m̀ ma kɛ ài tɛma yi ne, ǹ hangili y'ài kɔ, ado ǹ sawayine kamasɔlɔn m̀'ɛ a ye ko ài bɛnyine a lɔ k'ài limaniyanin to Masa Tɔɔmasenin ma kosɛvɛ.

1 Tɛsalonikakalu 3:3

alako ài suu suu hangili kana ɲaami ka bɛn waate min jangatalu ma. Kamasɔlɔn àilu gbu k'a lɔn ne, wo la vɛ tɛɛ mɔ ma Ala bolo.

1 Timote 6:12

I i lɔja ka kɛlɛ ɲuma kɛ ka bɛn limaniya ma. I i bolo kɛ niimaya banbali la, Ala n'i kilila min kanma, i na seleya ɲuma dila waate min nɔ sele siyama ɲakɔlɔ.

2 Timote 3:12

Tuɲa le, a lɔɔ yi mɔɔ minu la ka taama Alaɲasiyanɲɛ boloma Masa Tɔɔmasenin Isa ya kafonɲɔɔya lɔ, wolu bɛ kɛtɔ jangata le masɔlɔnna.

2 Timote 4:7

M̀'ɛ kɛlɛ ɲuma kɛ. Ado ǹ tɛɛ bɔli min na, m̀'ɛ se a dan ma ka m̀ bolo kɛnin to limaniya la.

Hebululu 11:33

Aiya limaniya le na kɛla sabu le, ai ka see sɔlɔn jamanalu ma, ka kuntiiya kɛ telenmandeya boloma, ka fennu sɔlɔn minu lahedi tanin Ala bolo, ka jalalu da latuun,

Hebululu 12:8

Ni ài do ma makololi masɔlɔn iwo a dennu bɛ deinin a masɔlɔnna teme, wo vɛ kɛla, jɛlɛwolo tɛ ài le, mafɔ ɲɔmɔden.

Janguba 4:7

Wo lɔ saa, ài y'ài fanmajii Ala yɛ. Ài y'ài lɔ Soitana ɲa, a do yi bɔlile ài ma.

1 Piyɛli 1:6

Wo le àiya kɔnɔlɔdiya le, hali ni a kɛɲa gbɛlɛ tɛ je, fɔ ài josoma yi kasi waateni kɔlɔ ka bɛn lɔsumali suu bɛ dɔ ma.

1 Piyɛli 2:21

Ài kilinin wo le kanma, kamasɔlɔn Masa Tɔɔmasenin gbu le na tɔlɔya masɔlɔnna ka bɛn àiya ko ma, ka wo kɛ misali le ài yɛ, fɔsa àilu gbu yi taama a sennɔ lɔ.

1 Piyɛli 3:14

Kɛɛ hali ni ài ka tɔlɔya masɔlɔn ka bɛn telenmandeya ma, ài kɛtɔ duwawuden ne le wo lɔ. Ài kà siyan mɔɔlu ɲa, ài do hangili kà ɲaami.

1 Piyɛli 4:13

Mafɔ, ài y'ài kɔnɔlɔdiya, kamasɔlɔn ài vɛ ài ta sɔlɔn Masa Tɔɔmasenin ya tɔlɔya lɔ, fɔsa ài kɔnɔlɔ yi diya kɔtunun bɛlɛbɛlɛ kɛ aa magbiliyali la vɛ nkɛnɛmayala lon min na.

Ko Lankɛnɛmayanin 1:9

Ǹe ài badenma Yohana min y'ài lankan ne àiya jangatalu lɔ, ani àiya masaya, ani àiya sawali Masa Tɔɔmasenin ya kafonɲɔɔya lɔ, ǹ tɛɛ kaso la Patimɔsi kɔɔtɛmaduu lɔ ka bɛn Ala kumakan ne ma, ani Isa ya seleyakan.

Ko Lankɛnɛmayanin 6:11

Wo lɔ, pipɔ gbɛ ka di ai kelenkelenna bɛ ma, k'a fɔ ko ai y'ai nɔningɛ dɔni ne bene, haan fɔɔ ai bɔidenɲɔɔlu ni ai badenmalu kɔndɛ da yi fa, minu kɛtɔ faala mɔɔlu bolo iwo ailu.

Ko Lankɛnɛmayanin 7:14

Ǹ k'a javi, ǹ ko: «Ǹ fa, ile le ka wo lɔn.» A do vɛɛ ǹ yɛ wo lɔ: «Mɔɔ minu bɔnin jangata ba kɔlɔ, wolu le ne. Ai vɛ aiya pipɔlu ko k'ai gbɛ Saa Bolan jeli le.