1 Piyɛli 5:8 - Ala Ya Salatikan Kula Kitabu

⁸ Ài yi to ài ɲana k'ài hangili sii. Ài juu Soitana kɛyine iwo jala min yi wolondola, a v'a mataamataamana ka mɔɔ ɲinin a dɔnko lɔ.

1 Piyɛli 5:8 ပူးပေါင်းရင်းမြစ်များ

Matiyu 13:39

Juu min na bin yon kolo falinna sɛnɛ lɔ, wo le Soitana le. Malo kali waate, wo yi dunuɲa laban ne le. Malo kaliba wolu yi mɛlɛkalu le le.

Matiyu 24:42

Wo le y'a kɛla, fɔ ài yi to ài ɲana, kamasɔlɔn ài Tii natɔ lon min na, ài m'a lɔn.

Matiyu 25:41

«Wo kɔ, a kɛtɔ a fɔla a bolonunmalɔ talu yɛ, a vɛɛ: ‹Àilu daantɔlu, ài yi bɔ ǹ ɲakɔlɔ ka taa taa banbali lɔ, min lɔbɛnnin Soitana ni aa mɛlɛkalu yɛ.

Matiyu 4:1

Wo kɔ, Nii Sɛnɛyanin ka bila Isa ɲa ka taa a le fuwa lɔ, fɔsa Soitana y'a lɔsuma.

Matiyu 4:11

Wo kɛnin, Soitana ka bɔ a kɔ ka taa. Mɛlɛkalu do ka na ka Isa madɛmɛn.

Malɛkɛ 4:15

Malo minu na benna siya dala, wolu le mɔɔlu le minu yi Ala kumakan mɛnna, ado Soitana yi nala telemanin ka kuma wo bɔ ai josokun nɔ.

Luka 21:34

«Ài y'ài jando ài jɛlɛ lɔ fɔsa ài joso lɔ kana gbalin noomaya le, ani gbɛtɔya, ani dunuɲalɔtɛɛkolu hamin. Niwotɛ, wo lon kɛtɔ balala ài lɔ,

Luka 21:36

Wo lɔ saa, ài yi to ài ɲana ka to Ala dalila waate bɛ, fɔsa ài yi fanga sɔlɔn ko natɔ wolu ma, ani ài yi se ài lɔla Mɔɔnivin Tanin ɲakɔlɔ teme.»

Luka 22:31

Wo kɔ, Isa vɛɛ: «Simɔn, Simɔn, i tolomalɔ. Soitana vɛ see madali ài lɔsumanko lɔ, iwo malo ni a fofo wotɛ yi bɔla teme.

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

2 Kolɛntikalu 2:11

fɔsa Soitana kana a hangili labaale mɔ ma, kamasɔlɔn mɔ tɛ divi lɔ ka bɛn aa kojatesiininnu ma.

Ɛfɛsikalu 4:27

niwotɛ ài yi siya dile Soitana ma.

Ɛfɛsikalu 6:11

Ài y'ài masili Ala ya kɛlɛkɛfennu bɛ le, fɔsa ài yi se ài lɔla Soitana ya ko lɔbɛnninu ɲa teme.

1 Timote 2:15

Wo bɛ n'a kɛ, moso kɛtɔ kisila ka bɛn densɔlɔnko le ma, ni a ka to taamana limaniya, ni kanundeya, ni sɛnɛyali, ani jɛlɛlɔmina boloma.

1 Timote 2:9

Wo boloɲa kelen ma, mosolu y'ai masili boloɲa bɛlɛ ma, jɛlɛlɔmina ni buɲali boloma. Ai do kà ai jɛlɛ lakeinya kundan daagbɛlɛn ne, k'ai masili sanu ni lulu ni faani daagbɛlɛnnu le,

1 Timote 3:11

Wo boloɲa kelen ma, ai mosolu yi kɛ mɔɔ sɔvɛlu le. Ai kà kɛ tɔɔtiɲabalu le, mafɔ jɛlɛlɔminamɔɔlu minu yi lanande le ko bɛ lɔ.

1 Timote 3:2

Wo ma, fɔ limaniyajama kunmafɛlɛnba yi kɛ mɔɔ jalakibali le le, ani moso kelen tii, ani jɛlɛlɔminamɔɔ min k'a dan lɔn kolu lɔ, ani mɔɔ sɔvɛ, ani jetii ɲuma, a do yi se mɔɔlu kalanna.

2 Timote 4:17

Kɛɛ mɔ Tii gbu le n'i lɔla ǹ fɛ ka ǹ sɛmɛdon, fɔsa ǹ tɛɛ se ka aa samakan dafanin lase siboloma gbɛlɛ mɔɔ wolu bɛ ma, ai tɛɛ a mɛn. Wo ma, ǹ ka kisi ka bɔ jala da.

Tite 1:8

Kɛɛ fɔ a yi kɛ jetii ɲuma le le, ani koɲuma ladiyaɲɛba, ani hangilima, ani telenmande, ani mɔɔ sɛnɛyanin, ani jɛlɛlɔminamɔɔ.

Tite 2:12

Nɛɛma wo yi mɔ kalanna le ko, m'i Alabuɲabaliya to je, k'i ban dunuɲa niikanukolu lɔ, fɔsa m'i taama jɛlɛlɔmina ni telenmandeya ani Alaɲasiyanɲɛ boloma dunuɲalɔtɛɛ min nɔ,

Tite 2:2

A fɔ kɛmɔbalu yɛ ko ai yi kɛ mɔɔ sɔvɛ le, k'ai jɛlɛ buɲa, ani k'ai jɛlɛ lɔmina, ani ka sawati limaniya ni kanundeya ni sawali lɔ.

Tite 2:4

fɔsa ai yi singbililu makalan ai kɛ́nu ni ai dennu kanuɲa la,

Tite 2:6

Wo boloɲa kelen ma, i yi kavelennu lali ko ai yi kɛ jɛlɛlɔminamɔɔlu le.

Janguba 4:7

Wo lɔ saa, ài y'ài fanmajii Ala yɛ. Ài y'ài lɔ Soitana ɲa, a do yi bɔlile ài ma.

1 Piyɛli 1:13

Wo ma yi ne, ài y'ài hangili sii k'ài kɛ jɛlɛlɔminamɔɔlu le. Ài y'ài jei sii nɛɛma wo la kosɛvɛ, min ditɔ ài ma Masa Tɔɔmasenin Isa la vɛ nkɛnɛmayala waate min nɔ.

1 Piyɛli 4:7

Dunuɲa laban waate ma vɛ sulunya. Wo le y'a ma, ài y'ài hangili sii k'ài kɛ jɛlɛlɔminamɔɔ le, fɔsa ài yi se Ala dalila a ɲa bɛlɛbɛlɛ ma.

Ko Lankɛnɛmayanin 12:10

Wo kɔ, ǹ ka kumakan ba dɔ mɛn haijɛnɛ, a vɛɛ: «Tandainɔ yi ne, mɔ Tii Ala ya kisiko waate vɛ se, ani aa seetiiya ni aa masaya waate, ani aa Masa Tɔɔmasenin ya faamaya waate. Kamasɔlɔn ale min tɛɛ lɔnin Ala ɲakɔlɔ mɔ badenmalu jalakiko lɔ su ni tele, a la vɛ ben ka bɔ haijɛnɛ.

Ko Lankɛnɛmayanin 12:12

Wo lɔ, haijɛnɛ ni a kɔnɔlɔmɔɔlu, ài yi sawa! Kɛɛ duukolo ni kɔɔji, gbalo y'ài yɛ! Kamasɔlɔn Soitana vɛ jii ai ma mɔnɛ ba boloma, a do k'a lɔn ko a halaki waate ma vɛ sulunya.»

Ko Lankɛnɛmayanin 12:9

Wo boloɲa ma, ai ka jijala ni aa mɛlɛkalu gbɛn k'ai laben duukolo kɔkan. Ale le taanin kɛla sa kɔlɔkɔlɔ ba le, ai y'a fɔla min ma ko Jebulusa niwotɛ Soitana, dunuɲa muumɛ lafiliba koni.

Ko Lankɛnɛmayanin 20:10

Soitana min n'ai lafilila, wo la ka fili taa diɲa ba lɔ, timiliki kawa yi ɲɛninna tɛɛminja, ani soofali ni aa faɲafɔ kela yi tɛɛminja. Ai kɛtɔ tɔlɔyala je su ni tele waate bɛ ani habadan.

Ko Lankɛnɛmayanin 20:2

A do ka jijala mina, min taanin kɛla sa kɔlɔkɔlɔ ba le, ai y'a fɔla min ma ko Jebulusa, niwotɛ Soitana. Mɛlɛka do ka a sili sanji waa kelen kɔlɔ.