1 Piyɛli 5:5 - Ala Ya Salatikan Kula Kitabu

⁵ Wo boloɲa kelen ma, àilu fɔningelu y'ài fanmajii kɛmɔbalu yɛ. Ài bɛ i ɲɔɔ madɛmɛn fanmajii boloma, kamasɔlɔn a sɛvɛnin kitabu kɔnɔ, ko: «Ala yi mɔɔ fannɔbalu le kɛlɛla, kɛɛ a yi nɛɛma le dila mɔɔ fanmajiininnu ma.»

1 Piyɛli 5:5 ပူးပေါင်းရင်းမြစ်များ

Luka 22:26

Kɛɛ a do man kan ka kɛ ten ài tɛma. Mɔɔ min yi ɲamɔɔ le ài tɛma, wo tii y'a jɛlɛ kɛ iwo denni. Mɔɔ min do yi kuntiiya la, wo tii yi kɛ iwo bɔiden.

Lɔmukalu 12:10

Ài i ɲɔɔ kanu badenmaya boloma, k'i ɲɔɔ buɲa ka timin ài jɛlɛ la.

Lɔmukalu 13:14

Ài yi mɔ Tii Masa Tɔɔmasenin Isa dajoo ta ài jɛlɛ yɛ. Ài do k'ài sɔnja ài falikolo le butu ka bɛn a niikanukolu ma.

Ɛfɛsikalu 5:21

Ài fanmajii i ɲɔɔ yɛ Masa Tɔɔmasenin ɲasiyanɲɛ boloma.

Filipikalu 2:3

Ài kà ko ko si kɛ jɛlɛlafisaya boloma niwotɛ fannɔbaya, mafɔ ài y'ài fanmajii ka dɔlu ta iwo ai fisayanin vɛ ài le.

Kɔlɔsikalu 3:12

Komi Ala n'ài tala k'ài kɛ a diyananmɔɔ sɛnɛyaninnu le, wo lɔ, ài yi dajoo kula ta ka kɛ maɲumande le, ani mɔɔ ɲuma, ani mɔɔ fanmajiinin, ani mɔɔ mafanin, ani mɔɔ sawalinin.

1 Timote 5:1

I kà kɛmɔba makuma, mafɔ i y'a lali iwo i fa. I yi wo suu kɛ kavelennu la iwo i dɔɔkɛlu,

Hebululu 13:17

Ài y'ài ɲamɔɔlu kumakan labato k'ài fanmajii ai yɛ, kamasɔlɔn ai y'ai jandola ài nunakili lɔ, ai do kɛtɔ wo le dandɛɛli kɛla Ala yɛ. Wo le y'a ma, ài yi diɲa ɲamɔɔlu yi baale min kɛ sawa boloma. Ni ai do niila ka fin wo lɔ, wo tɛnala ài wunafala.

Janguba 4:6

Wo bɛ n'a kɛ, Ala yi nɛɛma min dila mɔ ma, wo buɲayine. Wo le y'a ma, a sɛvɛnin kitabu kɔnɔ, ko: «Ala yi mɔɔ fannɔbalu le kɛlɛla, kɛɛ a aa nɛɛma dila mɔɔ fanmajiininnu le ma.»

1 Piyɛli 3:8

Ka ǹa kuma laban: Ài yi kɛ miliya kelen nɔ, ài yi kɛ i ɲɔɔ fɛ ko bɛ lɔ, ài ɲɔɔ kanu iwo badenmalu, ài ɲɔɔ maɲumaye, ani ài y'ài fanmajii i ɲɔɔ yɛ.

1 Piyɛli 4:1

Komi Masa Tɔɔmasenin na tɔlɔyala a falikolo lɔ, wo lɔ, àilu fana y'ài jɛlɛ bama miliya kelen wo le, kamasɔlɔn mɔɔ min vɛ tɔlɔyala a falikolo lɔ, wo tii v'i nɔningɛ julumbu tako ma.

1 Piyɛli 4:5

Kɛɛ ai kɛtɔ dandɛɛli kɛla wo yɛ min lɔbɛnnin niimalu ni fulenilu bɛ ya kititɛɛko lɔ.