1 Piyɛli 5:4 - Ala Ya Salatikan Kula Kitabu

⁴ Wo vɛ kɛla, saakunnasii kuntiiba la vɛ nkɛnɛmayala lon min na, ài kɛtɔ masayafula nɔɔlɔnin sɔlɔnna min dalaya tɛnala banna tuun.

1 Piyɛli 5:4 ပူးပေါင်းရင်းမြစ်များ

Yohana 10:11

«Ǹe le saakunnasiiba ɲuma le. Saakunnasiiba ɲuma le y'a nii dila saalu ya ko lɔ.

1 Kolɛntikalu 9:25

Mɔɔ minu yi bɔli suu wo kɛla, wolu bɛ le y'ai jɛlɛ lɔminala k'ai bolo bɔ ko bɛ lɔ, fɔsa ai yi jala sɔlɔn min yi tiɲata le. Kɛɛ ǹu do yi mɔ ta kɛla jala tiɲabali sɔlɔnko le lɔ.

2 Timote 4:8

Wo ma yi ne, telenmandeya jala ladalonin ǹ yɛ, min ditɔ m̀ ma lɔbalon mɔ Tii bolo, min kɛnin kititɛɛba telennin ne. Wo do tɛnala dila ǹe kelen ma, mafɔ mɔɔ minu bɛ jei siinin a nalon na kanundeya boloma.

Hebululu 13:20

Ala min yi josolajii dila, min na mɔ Tii Isa lawulila ka bɔ saya lɔ, wo min yi Saakunnasiiba Makawanin ne min na salatikan banbali lasilila a jeli bɔnko sabu la,

Janguba 1:12

Mɔɔ min y'a sawalila lɔsumani lɔ, wo tii yi duwawuden ne le, kamasɔlɔn a vɛ lɔsumani manɔla, a kɛtɔ niimaya fula sɔlɔnna, min lahedi tanin Ala bolo a kanundelu yɛ.

1 Piyɛli 1:4

Wo ma, Ala yi balayi minu ladalola haijɛnɛ, minu tɛ se tiɲala, niwotɛ ka kɔsɔ, niwotɛ k'a dɔ bɔ ai dalaya la, wolu ladalonin àilu le yɛ,

1 Piyɛli 2:25

Kamasɔlɔn ài kɛyine tɛɛ iwo saa tununninu, kɛɛ ài la vɛ seikɔ yi ne saakunnasiiba ma, min y'ài nunakili kunmafɛlɛnba le.

1 Piyɛli 5:2

ǹ ko, ài y'ài jando Ala ya saa kulu lɔ min kalifanin ài la. Ài y'ai kunmafɛlɛn lɔfɔlin boloma, diyanigbeyako tɛ, iwo Ala a fɛ ài y'a kɛ teme. Ài do kà a kɛ tɔnɔ sɔlɔnko le min mamaloyanin, mafɔ ài y'a kɛ miliya ɲuma kan.

1 Yohana 3:2

Ǹ diyananmɔɔlu, Ala den ne mɔ le tandainɔ! Kɛɛ mɔ kɛtɔ teme, wo la ma nkɛnɛmaya ba bene. Ǹu koni k'a lɔn ne ni Masa Tɔɔmasenin la ka nkɛnɛmaya waate min nɔ, mɔ kɛtɔle iwo ale, kamasɔlɔn mɔ kɛtɔ a yena iwo a gbu yi teme.

Ko Lankɛnɛmayanin 1:7

Ài y'a ye, a kɛtɔ nala sanbiliyalu tɛma, ani bɛ ɲa kɛtɔ a yena, hali mɔɔ minu na a sɔɔla tama le. Ado dunuɲa siboloma bɛ kasikan kɛtɔ bɔla ka bɛn a ma. A kɛtɔ ten ne jɔ! Amiina!

Ko Lankɛnɛmayanin 2:10

I kà siyan tɔlɔya ɲa min kɛtɔ i masɔlɔnna. A ye, Soitana y'ài dɔlu ladon bolo le ma kaso la, fɔsa ài lɔ yi suma, ani ài yi jangata masɔlɔn tele tan kɔlɔ. I yi to kankelentiiya lɔ hali ni a ka taa sii saya la. Wo vɛ kɛla, ǹ kɛtɔ niimaya jala dila i ma.

Ko Lankɛnɛmayanin 3:11

Ǹ natɔ jona. Wo ma, min y'i bolo, i i bolo to wo la fɔsa mɔɔ suu suu kana iya jala mina i la.