1 Piyɛli 5:3 - Ala Ya Salatikan Kula Kitabu

³ Ài k'ài fanga la mɔɔlu kɔkan minu kalifanin ài la, mafɔ ài yi kɛ misali ɲuma le saa kulu yɛ.

1 Piyɛli 5:3 ပူးပေါင်းရင်းမြစ်များ

Yohana 13:15

M̀'ɛ wo misali di ài ma fɔsa ài y'a kɛ iwo ǹ n'a kɛla teme.

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

1 Kolɛntikalu 11:11

Wo bɛ n'a kɛ, mɔ Tii ya kafonɲɔɔya lɔ, moso tɛ se kɛla ni kɛ́ tɛ, kɛ́ fana tɛ se kɛla ni moso tɛ.

1 Kolɛntikalu 3:5

Apolosi yi jene le? Pɔli yi jene le? Bɔiden ne mɔ le, minu kɛnin sabu le ài limaniyanin. Mɔ Tii na ke minu dila ǹu mɔɔ fila ma, m'i wo le la yi ne.

1 Kolɛntikalu 3:9

Kamasɔlɔn baalekɛɲɔɔma le mɔ le Ala ya baale lɔ, àilu do yi Ala ya sɛnɛ le le, ani aa bon.

2 Kolɛntikalu 1:24

A tɛ k'a fɔ ko mɔ vɛ mɔ jɛlɛ kɛ àiya kuntii le limaniyakolu lɔ, mafɔ baalekɛɲɔɔma le mɔ le ài lasawako lɔ, kamasɔlɔn mɔ k'a lɔn ne ko ài lɔgbeleyayine limaniya lɔ feu.

2 Kolɛntikalu 4:5

Mɔ tɛ kawanili kɛla ka bɛn mɔ jɛlɛ ma, mafɔ Masa Tɔɔmasenin Isa ya Tiiya. Ado mɔ vɛ mɔ jɛlɛ kɛ àiya jɔn ne ka bɛn Isa ya ko ma.

Filipikalu 3:17

M̀ badenmalu, ài yi kɛ ài sumala m̀ ma, ka mɔɔ wolu lakɔlɔsi minu yi taamana ka bɛn maa misali ma.

Filipikalu 4:9

Ài na minu kalanna ǹ fɛ, ani ài na minu sɔlɔnna ǹ fɛ, ani ài na ǹ yena minu kɛla, ài y'ài lɔja ka wolu bɛ kɛ. Ado Ala min yi josolajii dila, wo kɛtɔ tola ài fɛ.

1 Tɛsalonikakalu 1:7

Wo boloɲa ma, ài vɛ kɛ misali le limaniyamɔɔlu bɛ yɛ, minu siinin Masaduwani ni Akayi koovi lɔ.

2 Tɛsalonikakalu 3:9

A tɛ k'a fɔ jo tɛ mɔ bolo k'a kɛ ten, kɛɛ mɔ tɛɛ a fɛ ka kɛ misali le le fɔsa ài y'ài suma mɔ ma.

1 Timote 4:12

I kà diɲa mɔɔ mɔɔ yi jɔ i ma ka bɛn iya fɔningeya ma, mafɔ i yi kɛ misali le limaniyamɔɔlu yɛ i kumaɲa lɔ, ani i kokɛɲa, ani iya kanundeya, ani iya limaniya, ani iya sɛnɛya.

Tite 2:7

Ile gbu yi ko bɛ kɛ kobɛn k'i jɛlɛ kɛ misali le mɔɔlu yɛ koɲuma kɛko bɛ lɔ. I do vɛ kɛla mɔɔlu kalanna, i y'a kɛ mɔɔsɔvɛya ni josolɔgbɛya boloma,

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.