1 Piyɛli 5:10 - Ala Ya Salatikan Kula Kitabu

¹⁰ Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

1 Piyɛli 5:10 ပူးပေါင်းရင်းမြစ်များ

Luka 22:32

Kɛɛ m̀'ɛ Ala dali i yɛ, fɔsa iya limaniya kana koli. Ni ile do ka seikɔ m̀ ma, i i badenmalu sɛmɛdon.»

Lɔmukalu 15:13

Ala min yi jeisii dila, wo y'ài josoladiya k'ài josolajii bɛlɛbɛlɛ kɛ àiya limaniya fɛ, fɔsa a dɔ yi to lala àiya jeisii kɔkan ka bɛn Nii Sɛnɛyanin ya seetiiya ma.

Lɔmukalu 15:5

Ala min yi sawali ni sɛmɛdon dila mɔ ma, wo y'ài bɛn a lɔ ka bɛn Masa Tɔɔmasenin Isa kokɛɲa ma,

Lɔmukalu 16:25

Tanuli yi Ala yɛ, a see yi min yɛ k'ài lasawati limaniya lɔ iwo ǹ na kawanili kɛla teme ǹa Samakan Kein nɔ ka bɛn Masa Tɔɔmasenin Isa ma. Ala ya gbonoko le wo le, a na min doonna waate timinninu kɔlɔ,

Lɔmukalu 9:11

Jani filaninnu tɛɛ sɔlɔn, k'a talan ai tɛɛ ma koɲuma kɛ ba bene, niwotɛ koyon, Ala ka kolu labaale fɔsa aa mɔɔtako jusiinin yi to aa kolatɛɛnin kɔkan. A do jusiinin tɛ mɔɔ kɛkolu kɔkan, mafɔ ale min yi mɔɔlu kilila.

Lɔmukalu 9:24

Hali ǹu minu kilinin Ala bolo, mɔ bɛ kilinin tɛ ka bɔ Jahudiyalu tɛma dein, mafɔ siboloma gbɛlɛ mɔɔlu fana.

1 Kolɛntikalu 1:10

M̀ badenmalu, ǹ'ài madiyala mɔ Tii Masa Tɔɔmasenin Isa tɔɔ lɔ, ǹ ko, ài yi bɛn a lɔ, fɔsa falanɲɔɔya kana don ài tɛma, mafɔ ài yi kɛ kelen ne ài miliya ni àiya kolatɛɛnin bɛ lɔ.

1 Kolɛntikalu 1:9

Ala yi lanande le le, ale min n'ài kilila k'ài ladon a Denkɛ ya kafonɲɔɔya lɔ, min taanin kɛla mɔ Tii Masa Tɔɔmasenin Isa le.

2 Kolɛntikalu 13:11

Mɔ badenmalu, a tonin min ma, wo le ne: Ài yi sawa, k'ài lɔja ka kɛ mɔɔ dafanin ne, k'i ɲɔɔ sɛmɛdon, k'ài bɛn a lɔ, ka josolajii ladon i ɲɔɔ wotɛ. Wo vɛ kɛla, Ala min yi kanundeya ni josolajii dila, wo kɛtɔ tola ài tɛma.

2 Kolɛntikalu 4:17

Ado m'i tɔlɔyani minu masɔlɔnna waateni kɔlɔ, wolu yi mɔ lɔbɛnna habadan magbiliyali le lɔ, min buɲanin ka timin tɔlɔya wolu la feu.

Filipikalu 4:13

Ǹ'i sene ko bɛ dɔ kɛla mɔ Tii sabu la min yi fanga dila m̀ ma.

Kɔlɔsikalu 2:7

k'ài lilen don k'ài bama aa ko lɔ, ani k'ài sawati limaniya lɔ iwo ài kalannin a la teme, ài vɛ balika bɔla Ala yɛ kudein.

1 Tɛsalonikakalu 2:12

Mɔ tɛɛ ài lalila, k'ài sɛmɛdon, ani k'a fɔ ài yɛ k'a magbeleya ko ài yi Ala buɲa ài taamaɲa lɔ, ale min y'ài kilila k'ài ladon aa masaya ni aa magbiliyali lɔ.

2 Tɛsalonikakalu 2:14

Ala n'ài kilila wo le lɔ maa Samakan Kein ya kawanili sabu la, fɔsa àilu fana y'ài ta sɔlɔn mɔ Tii Masa Tɔɔmasenin Isa ya magbiliyali lɔ.

2 Tɛsalonikakalu 2:17

wolu y'ài josolajii, ka see di ài ma koɲuma suu bɛ dɔ kɛko lɔ, ài kɛkolu ni ài kumakannu lɔ.

2 Tɛsalonikakalu 3:3

Kɛɛ mɔ Tii yi lanande le le, a do kɛtɔ ài lasawatila k'ài matanga Soitana ma.

1 Timote 6:12

I i lɔja ka kɛlɛ ɲuma kɛ ka bɛn limaniya ma. I i bolo kɛ niimaya banbali la, Ala n'i kilila min kanma, i na seleya ɲuma dila waate min nɔ sele siyama ɲakɔlɔ.

2 Timote 1:9

min na mɔ lakisila, ka mɔ kili ka mɔ kɛ aa mɔɔ sɛnɛyaninnu le. Wo do ma kɛ ka bɛn mɔ kɛkolu ma, mafɔ a jɛlɛkanu ya kolatɛɛnin ma, ani aa nɛɛma min dinin mɔ ma Masa Tɔɔmasenin Isa ya kafonɲɔɔya lɔ, jani dunuɲa tɛɛ dan.

2 Timote 2:10

Wo lɔ, ǹ'i ko bɛ le minala m̀ ma ka bɛn Ala ya mɔɔ taninnu ya ko ma, fɔsa ailu fana yi kisi Masa Tɔɔmasenin Isa sabu la ka habadan magbiliyali sɔlɔn.

Hebululu 9:15

Wo le y'a ma, Isa le mɔɔwotɛlɔbɛnba le salatikan kula lɔ, fɔsa mɔɔ minu kilinin Ala bolo, wolu yi habadan balayi sɔlɔn min lahedi tanin. Kamasɔlɔn saya le kɛnin mɔɔlu kunmakako lɔ k'ai bɔ aiya hakɛlu lɔ, ai na minu tala salatikan kunfɔlɔ waate lɔ.

1 Piyɛli 1:15

mafɔ ài yi sɛnɛya ài kɛkolu bɛ lɔ iwo Ala sɛnɛyanin teme min n'ài kilila.

1 Piyɛli 4:10

Komi ài kelenkelenna bɛ vɛ sɔli min sɔlɔn Ala fɛ ka bɛn a jɛlɛkanu ya lɔtalali ma, wo lɔ, ài yi senko wolu labaale kobɛn ka dɔlu madɛmɛn.

1 Piyɛli 4:11

Mɔɔ min yi kawanili kɛla, fɔ wo tii y'a kɛ iwo a yi Ala gbu le kumakannu lasena. Mɔɔ min do yi madɛmɛli kɛla, fɔ wo tii y'a kɛ ka bɛn fanga ma min dinin a ma Ala bolo, fɔsa Ala yi magbiliyali sɔlɔn ko bɛ lɔ Masa Tɔɔmasenin Isa sabu la, magbiliyali ni seetiiya yi min ta le waate bɛ ani habadan. Amiina!

2 Piyɛli 1:3

Aa foniseleya vɛ wo bɛ di mɔ ma, mɔ mako yi minu la niimayakɛko ni Ala ya siya lataamanko lɔ, ka bɛn a lɔnko ma mɔ bolo, ale min na mɔ kilila a jɛlɛkanu ya magbiliyali ni aa ɲumaya fɛ.

1 Yohana 2:25

Masa Tɔɔmasenin na lahedi min tala mɔ yɛ, wo le min ne: niimaya banbali.

Jude 1:24

Tanuli ale le yɛ min yi se k'ài matanga fɔsa ài sen kana tuu, ani min yi se ài lalɔla a ɲakɔlɔ jalakibaliya ni sawa ba boloma a nɔɔlɔ lɔ.