1 Piyɛli 5:1 - Ala Ya Salatikan Kula Kitabu

¹ Ǹ'i min ne fɔla ɲamɔɔlu yɛ k'a magbeleya minu y'ài tɛma, ǹe min yi ɲamɔɔ dɔ le iwo àilu, ani Masa Tɔɔmasenin ya tɔlɔyalu sele min fɛ kɛtɔ kɛla magbiliyali la min lankɛnɛmayatɔ,

1 Piyɛli 5:1 ပူးပေါင်းရင်းမြစ်များ

Luka 24:48

Àilu gbu le ko minu masele le.

Kɛkolu 1:22

ka damina a mako waate ma Yaya bolo, haan fɔɔ a kɔlɔ ka ta mɔ tɛma lon min na. Wo tii yi kɛ sele dɔ le mɔ fɛ ka bɛn mɔ Tii Isa lawuliko ma ka bɔ saya lɔ.»

Kɛkolu 1:8

Kɛɛ Nii Sɛnɛyanin vɛ jiila ài kɔkan, ài kɛtɔ fanga sɔlɔnna. Ài do kɛtɔ ǹ selelu le Jelusalɛmu ani Jude ni Samaliya koovilu lɔ, haan fɔɔ dunuɲa dan na.»

Kɛkolu 11:30

Ai do ka wo kɛ, ka madɛmɛlifen wo don Baanabasi ni Sawuli bolo, ko ai yi taa a le limaniyajama ɲamɔɔlu fɛ.

Kɛkolu 14:23

Pɔli ni Baanabasi ka ɲamɔɔlu lasii limaniyajama kelenkelenna bɛ kunna. Ai ka sun don ka Ala dali wolu yɛ, k'ai kalifa mɔ Tii la, ai tɛɛ vɛ limaniya min ma.

Kɛkolu 15:4

Ai ka se mingɛ Jelusalɛmu, limaniyajama ni keladennu ni ɲamɔɔlu k'ai bolo sii ai kɔlɔ. Pɔli nu do ka dandɛɛli kɛ ai yɛ ka bɛn ko bɛ ma, Ala na minu kɛla ai fɛ.

Kɛkolu 15:6

Wo fɔ, keladennu ni ɲamɔɔlu k'i kun bilin i ɲɔɔ ma k'i ɲa kaa ko wo lɔ kosɛvɛ.

Kɛkolu 2:32

«Ala na Isa wo le lawulila ka bɔ saya lɔ. Ǹu gbu yi min sele le.

Kɛkolu 20:17

Wo kɔ, Pɔli ka to Milɛtusi so kɔnɔ ka samakan lataa limaniyajama ɲamɔɔlu ma Ɛfɛsi ko ai yi na a fɛlɔ.

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Kɛkolu 21:18

Wo kɛnɛbɔlon, ǹu ni Pɔli ka taa bɔ Janguba ma, ado ɲamɔɔlu bɛ ladɛnnin tɛɛ je.

Kɛkolu 3:15

Min yi niimayadiba le, ài na wo le faala, kɛɛ Ala n'a lawulila ka bɔ saya lɔ. Mɔ do vɛ kɛ wo sele le.

2 Kolɛntikalu 5:1

Mɔ falikolo min yi mɔ kan dunuɲa, wo kɛyine iwo faani tooda. Mɔ k'a lɔn ne ko ni wo ka tiɲa lon min na, habadan bon yi mɔ bolo haijɛnɛ, mɔɔ bolo ma min lɔ, mafɔ Ala gbugbu.

2 Kolɛntikalu 5:8

Tuɲa le, lanaya yi mɔ josokun nɔ. A do tɛɛ diyale mɔ yɛ ka bɔ falikolo min nɔ ka taa to mɔ Tii fɛlɔ.

Filipikalu 1:19

kamasɔlɔn ǹ k'a lɔn ne ko ka bɛn àiya Aladalilu ma, ani madɛmɛli min kɛtɔ nala Masa Tɔɔmasenin Isa Nii Sɛnɛyanin fɛ, ko wolu laban ne kɛtɔ kɛla ǹa kisiko sabu le.

1 Timote 5:1

I kà kɛmɔba makuma, mafɔ i y'a lali iwo i fa. I yi wo suu kɛ kavelennu la iwo i dɔɔkɛlu,

1 Timote 5:19

Ni mɔɔ dɔ ka limaniyajama ɲamɔɔ dɔ jalaki ko dɔ la, i k'i tolomalɔ wo la ni mɔɔ fila niwotɛ mɔɔ sawa ma kɛ wo sele le.

2 Timote 4:8

Wo ma yi ne, telenmandeya jala ladalonin ǹ yɛ, min ditɔ m̀ ma lɔbalon mɔ Tii bolo, min kɛnin kititɛɛba telennin ne. Wo do tɛnala dila ǹe kelen ma, mafɔ mɔɔ minu bɛ jei siinin a nalon na kanundeya boloma.

Tite 1:5

Ǹ na i tola Kɛlɛti kɔɔtɛmaduu lɔ fɔsa i yi ko tɔlu ɲabɔ, ani i yi ɲamɔɔlu lasii limaniyajamalu kunna so kelenkelenna bɛ la, iwo ǹ n'i lɔla a la teme.

Filemɔn 1:9

kɛɛ a diyayine ǹ yɛ ǹ'i madiya kanundeya boloma, ǹe Pɔli min yi kɛmɔba le ani kasoden butu ka bɛn Masa Tɔɔmasenin Isa ya ko ma.

Hebululu 12:1

Komi mɔ lamininnin sele jama ba suu min ne, wo le y'a ma, ài m'i ko bɛ to je min yi mɔ lasumayala ani julumbu minu ta diyanin mɔ bolo, fɔsa m'i se bɔli manɔla min latɛɛnin mɔ ma,

1 Piyɛli 1:12

A do la ka nkɛnɛmaya ai yɛ k'a fɔ ko ai tɛɛ tɛ kelaya kɛla ai jɛlɛ yɛ, mafɔ àilu. Wo lɔ saa, kelalu tɛɛ kumala ka bɛn ko minu ma, àilu gbu vɛ wo ɲɔɔzii le mɛn yi ne Samakan Kein lasenbalu da, minu tɛɛ kawanili kɛla ài yɛ Nii Sɛnɛyanin sabu la, min lajiinin ka bɔ haijɛnɛ. A lɔɔ yi mɛlɛkalu gbu la ka ko wolu ɲaye.

1 Piyɛli 1:7

Ko wolu le yi kɛla sabu le k'a jiya ko limaniya bɛlɛbɛlɛ le y'ài bolo, min kulugbeleyanin sanu le, sanu min yi fen tiɲata le, ani min lɔ yi sumala taa bolo. Wo do nafa kɛtɔ kɛla matɔɔli ni magbiliyali ni buɲali le le ài yɛ Masa Tɔɔmasenin Isa lankɛnɛmaya lon.

1 Piyɛli 4:13

Mafɔ, ài y'ài kɔnɔlɔdiya, kamasɔlɔn ài vɛ ài ta sɔlɔn Masa Tɔɔmasenin ya tɔlɔya lɔ, fɔsa ài kɔnɔlɔ yi diya kɔtunun bɛlɛbɛlɛ kɛ aa magbiliyali la vɛ nkɛnɛmayala lon min na.

1 Piyɛli 5:4

Wo vɛ kɛla, saakunnasii kuntiiba la vɛ nkɛnɛmayala lon min na, ài kɛtɔ masayafula nɔɔlɔnin sɔlɔnna min dalaya tɛnala banna tuun.

1 Yohana 3:2

Ǹ diyananmɔɔlu, Ala den ne mɔ le tandainɔ! Kɛɛ mɔ kɛtɔ teme, wo la ma nkɛnɛmaya ba bene. Ǹu koni k'a lɔn ne ni Masa Tɔɔmasenin la ka nkɛnɛmaya waate min nɔ, mɔ kɛtɔle iwo ale, kamasɔlɔn mɔ kɛtɔ a yena iwo a gbu yi teme.

2 Yohana 1:1

Ǹe min limaniyajama ɲamɔɔ le, ǹ'i lɛtɛlɛ min lataala m̀ badenmamoso ma, Ala na min tala ka kɛ a ta le, ani a dennu, ǹ'i minu kanula bɛlɛbɛlɛ kɛ. Ǹe kelen do ma ai kanu, mafɔ mɔɔ minu bɛ ka tuɲa lɔn fana,

3 Yohana 1:1

Ǹe min yi limaniyajama ɲamɔɔ le, ǹ'i lɛtɛlɛ min lataala ǹ diyananmɔɔ Gayusi le ma, ǹ'i min kanula bɛlɛbɛlɛ kɛ.

Ko Lankɛnɛmayanin 1:9

Ǹe ài badenma Yohana min y'ài lankan ne àiya jangatalu lɔ, ani àiya masaya, ani àiya sawali Masa Tɔɔmasenin ya kafonɲɔɔya lɔ, ǹ tɛɛ kaso la Patimɔsi kɔɔtɛmaduu lɔ ka bɛn Ala kumakan ne ma, ani Isa ya seleyakan.