1 Piyɛli 4:8 - Ala Ya Salatikan Kula Kitabu

⁸ Min buɲanin ko bɛ le, wo le min ne: Ài ɲɔɔ kanu kosɛvɛ, kamasɔlɔn hakɛ siyama lɔ yi kotola kanundeya le sabu la.

1 Piyɛli 4:8 ပူးပေါင်းရင်းမြစ်များ

1 Kolɛntikalu 13:1

Hali ǹ senin ka kɛ adamadennu ya kan suu bɛ dɔ fɔla, ani mɛlɛkalu ya kan, ni kanundeya ma kɛ ǹ josokun nɔ, wo vɛ kɛla, ǹ kɛyine iwo nɛɛ gbasikan min mangan yi bɔla.

1 Kolɛntikalu 13:4

Kanundeya yi mɔɔ min josokun nɔ, wo tii le mɔɔ sawalinin ne, ani mɔɔ ɲuma. Keleya tɛ a josokun nɔ, niwotɛ waso. A tɛ mɔɔ kafanin ne.

Kɔlɔsikalu 3:14

Kɛɛ min timinnin wo bɛ la, wo le kanundeya le, min kɛtɔ àiya ko bɛ silila i ɲɔɔ ma ka dafa.

1 Tɛsalonikakalu 3:12

Mɔ Tii y'a dɔ la àiya kanundeya kɔkan, k'àiya kanundeya wala i ɲɔɔ yɛ ani mɔɔ bɛ yɛ, iwo ǹu gbu y'ài kanula teme.

2 Tɛsalonikakalu 1:3

Mɔ badenmalu, a bɛnyine m'i kɛ Ala balika bɔla waate bɛ àiya ko lɔ, kamasɔlɔn àiya limaniya yi wala kan bɛlɛbɛlɛ kɛ, a dɔ le yi lala àiya ɲɔɔkanu kɔkan kudein.

1 Timote 1:5

Maa jamali kun ne kanundeya le min yi bɔla josolɔgbɛnin nɔ, ani jososɛnɛyanin, ani limaniya bɛlɛbɛlɛ.

Hebululu 13:1

Ài yi to i ɲɔɔ kanula badenmaya boloma.

Janguba 5:12

M̀ badenmalu, ǹ'i min magbeleyala ài yɛ, wo le min ne: Ài k'ài kalin. Ài k'ài kalin haijɛnɛ la, niwotɛ dunuɲa la, niwotɛ boloɲa suu suu ma. Àiya kolamina yi kɛ kolamina le, ani àiya ban yi kɛ ban ne, fɔsa ài kana kiti bila ài jɛlɛ la.

Janguba 5:20

wo vɛ kɛla, ài y'a lɔn ko mɔɔ min n'a labɔla aa lafilili siya kɔkan, wo tii vɛ julumbutɔ wo nii lakisi ka bɔ saya ma. A do vɛ kɛ sabu le, julumbu siyama lɔ vɛ koto.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

3 Yohana 1:2

Ǹ diyananmɔɔ, ǹ'i Ala dalila fɔsa iya ko bɛ la yi sawati, ani i kɛnɛyanin yi to, iwo i josokun kɛnɛyanin teme.