1 Piyɛli 4:7 - Ala Ya Salatikan Kula Kitabu

⁷ Dunuɲa laban waate ma vɛ sulunya. Wo le y'a ma, ài y'ài hangili sii k'ài kɛ jɛlɛlɔminamɔɔ le, fɔsa ài yi se Ala dalila a ɲa bɛlɛbɛlɛ ma.

1 Piyɛli 4:7 ပူးပေါင်းရင်းမြစ်များ

Matiyu 24:42

Wo le y'a kɛla, fɔ ài yi to ài ɲana, kamasɔlɔn ài Tii natɔ lon min na, ài m'a lɔn.

Matiyu 25:13

Isa ka ban sana lala k'a fɔ ai yɛ, a vɛɛ: «Ài yi to ài ɲana, kamasɔlɔn ài Tii natɔ lon min na, ani waate min nɔ, ài ma wo lɔn.

Luka 21:34

«Ài y'ài jando ài jɛlɛ lɔ fɔsa ài joso lɔ kana gbalin noomaya le, ani gbɛtɔya, ani dunuɲalɔtɛɛkolu hamin. Niwotɛ, wo lon kɛtɔ balala ài lɔ,

Luka 21:36

Wo lɔ saa, ài yi to ài ɲana ka to Ala dalila waate bɛ, fɔsa ài yi fanga sɔlɔn ko natɔ wolu ma, ani ài yi se ài lɔla Mɔɔnivin Tanin ɲakɔlɔ teme.»

Luka 22:46

A do vɛɛ ai yɛ: «Mindɛ lɔ ài yi sunɔɔ lɔ? Ài wuli, ài yi Ala dali fɔsa ài ma kana nɛɛ k'ài bila koyon nɔ.»

Lɔmukalu 12:12

Ài yi sawa ka bɛn ài jeisii ma, ka tɔlɔyalu mina ài ma sawali boloma, ka kɛ Ala dalila kudein.

1 Kolɛntikalu 15:24

Wo vɛ kɛla, dunuɲa laban kɛtɔ sena, Masa Tɔɔmasenin vɛ kuntii yenbalilu bɛ halakila, ani fangatiilu, ani seetiilu, ka ban ka masaya lase Fa Ala ma.

1 Kolɛntikalu 7:29

M̀ badenmalu, ǹ kan yi min ma, wo le ne: Dunuɲa laban ma vɛ sulunya. Wo lɔ, ka ta bi ma, kɛ́ mosotiilu yi kɛ iwo moso tɛ ai bolo.

Ɛfɛsikalu 6:18

Ài yi Ala dali waate bɛ iwo Nii Sɛnɛyanin y'ài lɔla a la teme ka madiyalikan ni dailikan suu bɛ lase a ma. Wo ma, ài y'ài lɔgbeleya k'ài to ài ɲana ka kɛ Ala dalila mumininnu bɛ yɛ.

Filipikalu 4:5

Mɔɔ bɛ y'a lɔn ko ài sɔniyayine, kamasɔlɔn mɔ Tii nalon ma vɛ sulunya.

Kɔlɔsikalu 4:2

Ài y'ài lɔgbeleya Aladaliko ma kudein, ka to ài ɲana, ka kɛ balika bɔla Ala yɛ.

2 Timote 4:5

Kɛɛ ile koni, i yi kɛ mɔɔ sɔvɛ le kudein, ka tɔlɔya mina i ma, ka kɛ Samakan Kein lasenba le, ani k'i senko bɛ kɛ Ala ya baale lɔ.

Tite 2:12

Nɛɛma wo yi mɔ kalanna le ko, m'i Alabuɲabaliya to je, k'i ban dunuɲa niikanukolu lɔ, fɔsa m'i taama jɛlɛlɔmina ni telenmandeya ani Alaɲasiyanɲɛ boloma dunuɲalɔtɛɛ min nɔ,

Hebululu 10:25

Mɔ k'i nɔningɛ maa ladɛnko ma, iwo dɔlu deinin a kɛla teme, mafɔ k'i ɲɔɔ sɛmɛdon, k'a dɔ la wo kɔkan iwo ài yi mɔ Tii nalon masulunyatɔla yena teme.

Hebululu 9:26

Ni wo tɛ kɛ, a tɛɛ tɔlɔya masɔlɔnne siɲa siyama le ka ta dunuɲa dan waate ma. Kɛɛ dunuɲa laban waate min nɔ yi ne, a vɛ na siɲa kelen ne le ka ban, fɔsa a yi julumbu ban ka bɛn salaka ma, a na a jɛlɛ bɔla min ne.

1 Piyɛli 1:13

Wo ma yi ne, ài y'ài hangili sii k'ài kɛ jɛlɛlɔminamɔɔlu le. Ài y'ài jei sii nɛɛma wo la kosɛvɛ, min ditɔ ài ma Masa Tɔɔmasenin Isa la vɛ nkɛnɛmayala waate min nɔ.

1 Piyɛli 3:7

Àilu kɛ́lu fana y'ài mosolu lɔmina koɲaye boloma, k'ài hangili to aiya fangandanya lɔ. Wo lɔ, ài y'ai buɲa, kamasɔlɔn Ala yi niimaya min dila aa nɛɛma lɔ, ài bɛ le kɛtɔ wo sɔlɔnna i ɲɔɔ fɛ. Ài yi wo kɛ, fɔsa ko ko si kana àiya Aladalilu lakoli.

1 Piyɛli 5:8

Ài yi to ài ɲana k'ài hangili sii. Ài juu Soitana kɛyine iwo jala min yi wolondola, a v'a mataamataamana ka mɔɔ ɲinin a dɔnko lɔ.

Ko Lankɛnɛmayanin 16:15

Mɔ Tii vɛɛ: «Ài y'a ye, ǹ kɛtɔ nala ka bala mɔɔlu lɔ iwo son. Ni mɔɔ min ka to a ɲana, k'a bolo kɛ aa faanilu la, fɔsa a kana taama a falimakolon ne maloya boloma, wo tii yi duwawuden ne le.»