1 Piyɛli 4:6 - Ala Ya Salatikan Kula Kitabu

⁶ Wo le n'a kɛla, Samakan Kein la ka se mɔɔ saninnu ma fana, fɔsa hali ni ai la tɛɛ vɛ tɔn ai falikolo lɔ iwo adamaden bɛ, ai yi niimaya kɛ ka bɛn Ala sawo ma ai nii ta fannɔ.

1 Piyɛli 4:6 ပူးပေါင်းရင်းမြစ်များ

Matiyu 24:9

«Wo timinnin kɔ, mɔɔlu kɛtɔ ài donna mɔɔlu bolo, fɔsa ai y'ài jangata k'ài faa. Ài gbeyatɔ dunuɲa siboloma bɛ yɛ ka bɛn ǹa ko ma.

Lɔmukalu 8:2

Kamasɔlɔn Nii Sɛnɛyanin ya seliya min yi niimaya dila Masa Tɔɔmasenin Isa ya kafonɲɔɔya lɔ, wo vɛ ǹ lafɛlɛ ka m̀ bɔ julumbu ni saya ya seliya kɔlɔ.

Galatiyakalu 2:19

Ǹe koni, seliya ta fannɔ, ǹ sayine seliya gbu sabu la, fɔsa ǹ'i niimaya kɛ Ala yɛ.

Galatiyakalu 5:25

Ni m'i maa dunuɲalɔtɛɛ kɛla Nii Sɛnɛyanin ne fɛ, fɔ m'i taama ka bɛn a sawo ma.

1 Piyɛli 1:12

A do la ka nkɛnɛmaya ai yɛ k'a fɔ ko ai tɛɛ tɛ kelaya kɛla ai jɛlɛ yɛ, mafɔ àilu. Wo lɔ saa, kelalu tɛɛ kumala ka bɛn ko minu ma, àilu gbu vɛ wo ɲɔɔzii le mɛn yi ne Samakan Kein lasenbalu da, minu tɛɛ kawanili kɛla ài yɛ Nii Sɛnɛyanin sabu la, min lajiinin ka bɔ haijɛnɛ. A lɔɔ yi mɛlɛkalu gbu la ka ko wolu ɲaye.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

1 Piyɛli 3:19

Wo boloɲa ma, a ka taa fulenilu niilu kawani, minu tɛɛ kaso la

Ko Lankɛnɛmayanin 14:18

Ado mɛlɛka dɔgbɛlɛ ka bɔ salakagbalan dafɛ, seetiiya tɛɛ min bolo taa kunna. Wo k'a kan labɔ bakɛ wɔlɔtɔ damaanin tii ma, a vɛɛ: «I iya wɔlɔtɔ ta ka duukolo lɛzɛn tizannu kali, kamasɔlɔn ai vɛ mɔn.»