1 Piyɛli 4:3 - Ala Ya Salatikan Kula Kitabu

³ Tuɲa le, ài na waate min kɛla Alalɔnbalilu ladiyanankolu la kɔlɔman ne, wo vɛ je bɔ, iwo ài tɛɛ malobaliyakolu kɛla teme, ani niikanuko yonnu, ani gbɛtɔya, ani dannatimin tolonnu, ani joo kɔsɔninnu sɔko.

1 Piyɛli 4:3 ပူးပေါင်းရင်းမြစ်များ

Malɛkɛ 7:22

natabaya, yonya, janvandeya, malobaliya, keleya, jɛvɛli, fannɔbaya, ani hangilindanya.

Kɛkolu 17:30

Waate lɔ, Ala ma aiya kolɔnbaliya jate ko le, kɛɛ tandainɔ, a yi mɔɔ bɛ jamalila fan bɛ lɔ ko ai yi tube.

Lɔmukalu 13:13

Ài m'i taama mɔɔsɔvɛya boloma iwo m'i taamana teme tele gba la. Ài m'i mɔ jɛlɛ matanga dannatimin tolonnu ma, ani gbɛtɔya, ani kanukɛko, ani malobaliya, ani sɔsɔyalilu, ani keleya.

1 Kolɛntikalu 12:2

Ài k'a lɔn ne ko ài tɛɛ Alalɔnbali le waate min nɔ, ài la ka fili boloɲa suu bɛ dɔ ma k'ài bila joo dandannu kɔ.

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

2 Kolɛntikalu 12:21

M̀'ɛ siyan fana k'a fɔ ko m̀'ɛ nala ài fɛlɔ kɔtunun, ǹ Tii Ala kana ǹ lafeya ài ɲakɔlɔ, ani ǹ kana josomakasi masɔlɔn ka bɛn mɔɔ siyama ya ko ma, minu tɛɛ julumbu tala kɔlɔman ne, kɛɛ ai ma ai dajoo mafalin ka bɔ aiya kokɔsɔninnu ma, ani kanukɛkolu, ani malobaliyakolu.

Galatiyakalu 5:19

Adamaden falikolo ladiyanankolu lankɛnɛmayanin gbesekele: kanukɛko, kokɔsɔnin, malobaliya,

Galatiyakalu 5:21

natabaya, gbɛtɔya, dannatimin tolonnu, ani wolu ɲɔɔzii gbɛlɛlu. Ǹ'ài lalila yi ne iwo ǹ n'a kɛla teme sɔ, mɔɔ minu deinin ko suu wolu kɛla, wolu tɛnala donna Ala ya masaya lɔ.

Ɛfɛsikalu 5:18

Ài k'i fa gbɛ la, kamasɔlɔn wo yi mɔɔ bilala koɲaamininnu le lɔ, kɛɛ ài josola yi fa Nii Sɛnɛyanin la.

1 Tɛsalonikakalu 4:5

Ài do kà bila ài falikolo niikanukolu kɔ, iwo Alalɔnbalilu y'a kɛla teme.

Tite 3:3

Kamasɔlɔn waate lɔ, ǹu gbu tɛɛ hangilindan ne le, ani kolobali, ani mɔɔ filinin, ado mɔ tɛɛ jɔnya le lɔ niikanuko kaijakaijalu bolo ani jɛlɛdiyabɔ. Mɔ do tɛɛ maa dunuɲalɔtɛɛ kɛla kɔnɔlɔgbeya ni ɲangbeya le lɔ. Mɔ gbeyayine tɛɛ dɔlu yɛ, ailu fana gbeyayine tɛɛ mɔ yɛ.

1 Piyɛli 1:14

Àilu den koloninnu, ài kà taama ka bɛn ài niikanuko yonnu ma ài tɛɛ minu lɔ àiya kolɔnbaliya waate lɔ,

Jude 1:4

Kamasɔlɔn mɔɔ dɔlu vɛ don ài tɛma doon nɔ, minu ya kolatɔn sɛvɛnin ka ta waate jaan ma. Samakan bɛlɛbɛlɛ ka bɛn mɔ Tii Ala ya nɛɛma ma, Alaɲasiyanɲɛbali wolu yi wo kɔlɔ le majɛlɛmana k'a kɛ malobaliyako dailu le, ani k'ai ban Masa Tɔɔmasenin Isa lɔ, min kelenpesa yi mɔ Kuntii le, ani mɔ Tii.