1 Piyɛli 4:14 - Ala Ya Salatikan Kula Kitabu

¹⁴ Ni ài ka jɛvɛli masɔlɔn ka bɛn Masa Tɔɔmasenin tɔɔ ma, wo vɛ kɛla, duwawuden ne ài le, kamasɔlɔn Nii nɔɔlɔnin, min kɛnin Ala Nii le, wo vɛ la ài kɔkan.

1 Piyɛli 4:14 ပူးပေါင်းရင်းမြစ်များ

Matiyu 5:11

«Duwawuden ne ài le ni mɔɔlu k'ài jɛvɛ, k'ài jangata, ka tɔɔla ài la, ani ka kuma yon suu bɛ fɔ ài ma ǹa ko lɔ.

Matiyu 5:16

Àiya kɛnɛya yi bɔ ten mɔɔlu ɲakɔlɔ, fɔsa ai y'ài kɛko keinnu ye k'ài Fa magbiliya min yi haijɛnɛ.»

Luka 6:22

«Duwawuden ne ài le, ni mɔɔlu k'ài lagbeyaɲɛ, k'i ban ài lɔ, k'ài nɛnin, ani k'ài tɔɔyon fɔ ka bɛn Mɔɔnivin Tanin ya ko ma.

Yohana 15:21

Kɛɛ ai kɛtɔ ko wolu bɛ kɛla ài la ka bɛn ǹa ko le ma, kamasɔlɔn ai ma ǹ kelaba lɔn.

Yohana 8:48

Jahudiya kuntiilu k'a fɔ Isa yɛ, ai vɛɛ: «Mɔ jo y'a lɔ k'a fɔ ko Samaliyaka le i le, ani jinatɔ, kɛlɛ?»

Yohana 9:28

Wo fɔ a bolo, ai v'a jɛvɛla, ai vɛɛ: «Ile le kɛ́ wo kɔbiladen ne, kɛɛ ǹu do yi Nabi Musa kɔbiladen ne le.

Yohana 9:34

Falisilu vɛɛ a yɛ: «Ile min yi julumbutɔ ba le ka damina i sɔlɔn waate ma, ile le y'a fɛ ka mɔ kalan yi ne?» Ai do ka a gbɛn Aladalibon na.

Kɛkolu 13:45

Jahudiyalu ka jama wo ye mingɛ, wo ɲangbeya k'ai mina. Ai do ka Pɔli kumakan sɔsɔ damina k'a jɛvɛ.

Kɛkolu 18:6

Kɛɛ komi ai tɛɛ a sɔsɔla ani k'a jɛvɛ, wo lɔ, Pɔli ka aa faaniba lɔgbasi ka wo kɛ ai ban tɔɔmase le. A vɛɛ: «Ài halakiko yi kɛ ài kunko le. Ǹ sen t'a lɔ. Ka damina bi ma, ǹ kɛtɔ Samakan Kein lasena siboloma gbɛlɛ mɔɔlu le ma.»

Kɛkolu 28:22

Kɛɛ m'a fɛ k'ile gbu lamɛn k'i miliya lɔn, kamasɔlɔn mɔ k'a lɔn i yi diina kula siya min kɔkan, mɔɔlu yi wo tɔɔ yon ne fɔla fan bɛ lɔ.»

Kɛkolu 5:41

Wo kɛ, keladennu ka bɔ kititɛɛjama ɲakɔlɔ sawa le, kamasɔlɔn ai lafeyako ka bɛn Isa tɔɔ ma, ailu ni wo le kaannin.

2 Kolɛntikalu 12:10

Wo le y'a ma, ni ǹ ka kɛ fangandan ne, ni mɔɔlu ka ǹ jɛvɛ ka ǹ jangata, ni gbɛlɛgbɛlɛ ni tɔlɔya ka m̀ masɔlɔn, wo bɛ yi ǹ ɲɛnɛle ka bɛn Masa Tɔɔmasenin ya ko ma. Kamasɔlɔn ni ǹ ka kɛ fangandan ne waate min nɔ, ǹ kɛtɔ fangama le le waate wo lɔ.

2 Kolɛntikalu 4:10

Isa ya saya tɔlɔya ɲɔɔzii le yi lala mɔ falikolo kan waate bɛ, fɔsa aa niimaya fana la yi nkɛnɛmaya mɔ falikolo fɛ.

2 Kolɛntikalu 4:16

Wo le y'a ma, mɔ jei tɛɛnin tɛ. Hali ni mɔ falikolo fanga ma ka kɛ jiila, mɔ nii yi kɛla a kula le tele o tele.

Galatiyakalu 1:24

Ai do ka Ala tanu ka bɛn ǹa ko ma.

Hebululu 11:26

A k'a ye ko ka Masa Tɔɔmasenin ya lafeyali suu masɔlɔn, wo nafa buɲayine ka timin Misilan nafolo bɛ la, kamasɔlɔn a ɲa tɛɛ balayi natɔ le la.

Janguba 1:12

Mɔɔ min y'a sawalila lɔsumani lɔ, wo tii yi duwawuden ne le, kamasɔlɔn a vɛ lɔsumani manɔla, a kɛtɔ niimaya fula sɔlɔnna, min lahedi tanin Ala bolo a kanundelu yɛ.

Janguba 5:11

Ài y'a ye, mɔɔ minu n'ai sawalila, m'i wolu jatela duwawudennu le teme. Ài na Sedina Ayuba ya sawali mangutu mɛnna, ani ài k'a lɔn mɔ Tii ka labanko ɲuma min di a ma. Kamasɔlɔn mɔ Tii ya henandeya ni aa maɲumandeya walayine bubale.

1 Piyɛli 2:12

Ài taamaɲa yi keinya Alalɔnbalilu tɛma, fɔsa hali ni ai k'ài mafin, ko koyonkɛba le ài le, ai y'ài kɛko ɲumalu ye ka magbiliyali di Ala ma a nalon.

1 Piyɛli 3:14

Kɛɛ hali ni ài ka tɔlɔya masɔlɔn ka bɛn telenmandeya ma, ài kɛtɔ duwawuden ne le wo lɔ. Ài kà siyan mɔɔlu ɲa, ài do hangili kà ɲaami.

1 Piyɛli 3:16

Kɛɛ ài y'ai javi buɲali ni sɔniyali boloma, k'ài joso sɛnɛyanin to, fɔsa mɔɔ minu y'ài mafinna ka bɛn ài taamaɲa ɲuma ma Masa Tɔɔmasenin ya kafonɲɔɔya lɔ, wolu yi maloya.

1 Piyɛli 4:16

Kɛɛ ni ài dɔ ka tɔlɔya masɔlɔn kamasɔlɔn Masa Tɔɔmasenin kɔbiladen ne a le, wo tii kà maloya wo lɔ, mafɔ ka Ala tanu ka bɛn tɔɔ wo ma.

2 Piyɛli 2:2

Mɔɔ siyama kɛtɔ bilala wolu fɛ aiya malobaliyakolu lɔ, ado ka bɛn wolu ma, tuɲandeya siya ma yi finne.