1 Piyɛli 4:11 - Ala Ya Salatikan Kula Kitabu

¹¹ Mɔɔ min yi kawanili kɛla, fɔ wo tii y'a kɛ iwo a yi Ala gbu le kumakannu lasena. Mɔɔ min do yi madɛmɛli kɛla, fɔ wo tii y'a kɛ ka bɛn fanga ma min dinin a ma Ala bolo, fɔsa Ala yi magbiliyali sɔlɔn ko bɛ lɔ Masa Tɔɔmasenin Isa sabu la, magbiliyali ni seetiiya yi min ta le waate bɛ ani habadan. Amiina!

1 Piyɛli 4:11 ပူးပေါင်းရင်းမြစ်များ

Matiyu 6:13

I do kà diɲa mɔ ma yi nɛɛ ka bila koyon nɔ, kɛɛ mɔ matanga Soitana ma.›

Yohana 13:31

Judasi bɔ kɔ, Isa k'a fɔ ai yɛ, a vɛɛ: «Mɔɔnivin Tanin ya magbiliyali la vɛ nkɛnɛmaya butu, ado Ala fana vɛ aa magbiliyali lankɛnɛmaya ale le fɛ.

Kɛkolu 7:38

Ale le tɛɛ jama ba fɛ fuwa lɔ, ani mɛlɛka min tɛɛ kumala a fɛ Sinai tini kɔkan, ani a tɛɛ mɔ bemanu fɛ. A do ka niimaya kumalu sɔlɔn k'ai lase mɔ ma.

Lɔmukalu 11:36

Fen bɛ bɔnin ale le lɔ, ani fen bɛ yi je ale le yɛ, a do ta le fen bɛ le. Magbiliyali yi di a ma habadan. Amiina!

Lɔmukalu 12:3

Ka bɛn Ala ya nɛɛma ma min dinin m̀ ma, ǹ'a fɔla ài kelenkelenna bɛ yɛ, ǹ ko, ài k'ài jɛlɛ jate mɔɔ le ài tɛ min ne. Mafɔ, ài yi mili ài jɛlɛ ma hangilimaya boloma ka bɛn limaniya jate ma min dinin ài ma Ala bolo.

Lɔmukalu 16:27

Tanuli yi Ala yɛ, min kelenpesa yi hangilima le. Tanuli y'a yɛ Masa Tɔɔmasenin Isa sabu la habadan! Amiina.

Lɔmukalu 3:2

Tuɲa le, wo nafa walanin boloɲa bɛ le ma! A kunfɔlɔ le, Ala na aa samakan kalifala Jahudiyalu le la.

1 Kolɛntikalu 10:31

Wo le y'a ma, ài vɛ kɛla fen fen dɔnna, niwotɛ k'i min, ni ài do ka kɛ ko ko si kɛla, fɔ ài y'a bɛ kɛ Ala magbiliyako le lɔ.

1 Kolɛntikalu 12:4

Senko suu siyama yi dila mɔɔlu ma, kɛɛ wo bɛ yi bɔla Nii Sɛnɛyanin kelen ne lɔ.

1 Kolɛntikalu 3:10

Ka bɛn Ala ya nɛɛma ma min dinin m̀ ma, ǹ na bon jusiila iwo bonlɔba ɲuma. Ado mɔɔ gbɛlɛ le yi bonlɔ kɛla bonjusii wo kɔkan. Kɛɛ fɔ mɔɔ kelenkelenna bɛ y'a jando aa bonlɔɲa lɔ.

1 Kolɛntikalu 6:20

Ala vɛ ban ài kunmaka sala dila. Wo ma, ài yi Ala magbiliya ài falikolo le.

2 Kolɛntikalu 2:17

Mɔ do kɛnin tɛ iwo dɔ mɔɔ siyama minu yi Ala kumakan kɛla julayafen ne, mafɔ mɔɔ sɔvɛ le mɔ le, minu yi kumala Ala ɲakɔlɔ Masa Tɔɔmasenin ya see lɔ, iwo mɔɔ minu kelanin Ala bolo.

2 Kolɛntikalu 9:13

Àiya baale wo sabu la, mɔɔlu kɛtɔ magbiliyali dila Ala ma, ka bɛn àiya kannabato ma, min yi Masa Tɔɔmasenin ya Samakan Kein labɔla gbɛ la. Ai kɛtɔ magbiliyali dila kɔtunun ka bɛn àiya niilifen wolu ma, ai yi minu lɔtalala i ɲɔɔ wotɛ, ailu ni dɔlu bɛ.

Ɛfɛsikalu 1:19

Ala yi ài lalɔnni aa foniseleya makawanin na, a yi min labaalela ǹu limaniyamɔɔlu yɛ. Foniseleya min la yi baalela mɔ lɔ,

Ɛfɛsikalu 4:29

Ado ài kà diɲa kuma kɛwonnu yi bɔ ài da, mafɔ kuma minu yi se mɔɔlu lasawatila ani k'ai mako laɲia boloɲa dɔ ma, fɔsa ài lamɛnbalu yi nafa sɔlɔn.

Ɛfɛsikalu 5:20

Ài yi kɛ balika bɔla mɔ Fa Ala yɛ waate bɛ ni ko bɛ lɔ, mɔ Tii Masa Tɔɔmasenin Isa tɔɔ lɔ.

Ɛfɛsikalu 6:10

Ka ǹa kuma laban, ǹ'a fɔla ài yɛ, ài y'ài sɛmɛdon mɔ Tii ya kafonɲɔɔya lɔ ka bɛn aa seetiiya makawanin ma.

Filipikalu 1:11

k'ài dafa telenmandeya tɔnɔ la min yi nala Masa Tɔɔmasenin Isa fɛ, fɔsa buɲali ni tanuli yi kɛ Ala yɛ.

Filipikalu 2:11

Ado ai bɛ kɛtɔ ai lɔla a la k'a fɔ ko Masa Tɔɔmasenin Isa le yi Tii le, fɔsa magbiliyali yi kɛ mɔ Fa Ala yɛ.

Kɔlɔsikalu 4:6

Àiya kumafɔɲa yi bɛn ka diya mɔɔlu yɛ waate bɛ, fɔsa ài y'a lɔn ài ka kan ka mɔɔ kelenkelenna bɛ javi teme.

1 Tɛsalonikakalu 2:4

Mafɔ, m'i kuma le la iwo Ala a fɛ m'a kɛ teme, kamasɔlɔn ale le diɲanin mɔ yɛ ka Samakan Kein kalifa mɔ la. Wo le y'a ma, mɔ tɛ mɔ lɔjala ka maa ko diya adamadennu yɛ, mafɔ Ala min yi mɔ josokun lakɔlɔsila.

1 Timote 1:17

Mɔ Tii, Masa sabali, Masa yenbali, ale min yi Ala kelenpesa le, buɲali ni magbiliyali y'a yɛ waate bɛ ani habadan. Amiina.

1 Timote 6:16

Ale kelenpesa le Masa sabali le, min makɛya nɔɔlɔ walanin haan fɔɔ mɔɔ tɛ se i madonna a la. Mɔɔ mɔɔ ɲa ma la ba a kan bene, ado mɔɔ tɛ se a yena. Buɲali ni seetiiya y'a yɛ habadan. Amiina.

Tite 2:1

Ile koni, i yi mɔɔlu kalan ka bɛn kalan sɔvɛ ma.

Tite 2:15

I ka kan k'ai kalan ko minu le la, k'ai sɛmɛdon, ani k'ai makuma iya kuntiiya see bɛ le. I do kà diɲa mɔɔ suu suu yi jɔ i ma.

Hebululu 13:7

Ài y'ài hangili to àiya ɲamɔɔ kɔlɔlu lɔ, minu na Ala kumakan lasena ài ma. Ài y'ài mili aiya dunuɲalɔtɛɛ labanɲa ma, ka bila ai kɔsiya kan limaniya lɔ.

Hebululu 5:12

Ài tɛɛ ka kan ka kɛ kalanmɔɔlu le butu waate min nɔ, kɛɛ hali bi ài mako yi kalanmɔɔ la, min y'ài kalan Ala ya kojiyanin kunfɔlɔlu la kɔtunun. Ài mako yi sinji le la, dɔnnifen lɔjanin tɛ!

Janguba 1:19

Ǹ diyanan badenmalu, ài y'a lɔn ko ài kelenkelenna bɛ y'a lateleja a tolomalɔla, k'a kunsuma kuma fɔko lɔ, ani k'a kunsuma mɔnɛla.

Janguba 1:26

Ni mɔɔ dɔ k'a jɛlɛ jate diinamɔɔ le, k'a talan a tɛ a nɛɛ kunmafɛlɛnna, wo tii y'a jɛlɛ le manɛɛla, ado aa diinako yi kofuun ne le.

1 Piyɛli 2:12

Ài taamaɲa yi keinya Alalɔnbalilu tɛma, fɔsa hali ni ai k'ài mafin, ko koyonkɛba le ài le, ai y'ài kɛko ɲumalu ye ka magbiliyali di Ala ma a nalon.

1 Piyɛli 2:5

Àilu fana kɛyine iwo kawakulun niimalu, Ala yi minu siisiila i ɲɔɔ kɔkan k'a kɛ a ta bon ne, ani Nii Sɛnɛyanin makɛya. Ala ya bon wo kɔnɔ, ài kɛtɔ kɛla salakalaseba sɛnɛyanin ne le, fɔsa ài yi kɛ Ala ladiyanan salakalu lasena a ma ka bɔ ài josokun nɔ Masa Tɔɔmasenin Isa sabu la.

1 Piyɛli 4:10

Komi ài kelenkelenna bɛ vɛ sɔli min sɔlɔn Ala fɛ ka bɛn a jɛlɛkanu ya lɔtalali ma, wo lɔ, ài yi senko wolu labaale kobɛn ka dɔlu madɛmɛn.

1 Piyɛli 4:16

Kɛɛ ni ài dɔ ka tɔlɔya masɔlɔn kamasɔlɔn Masa Tɔɔmasenin kɔbiladen ne a le, wo tii kà maloya wo lɔ, mafɔ ka Ala tanu ka bɛn tɔɔ wo ma.

1 Piyɛli 5:11

Seetiiya yi ale le yɛ waate bɛ ani habadan! Amiina.

Jude 1:25

Tanuli yi Ala kelenpesa le yɛ, min na mɔ lakisila mɔ Tii Masa Tɔɔmasenin Isa sabu la. Magbiliyali ni kamalangeya ni seetiiya ni kuntiiya y'a yɛ jani dunuɲa tɛɛ dan, tandainɔ, ani habadan! Amiina!