1 Piyɛli 4:10 - Ala Ya Salatikan Kula Kitabu

¹⁰ Komi ài kelenkelenna bɛ vɛ sɔli min sɔlɔn Ala fɛ ka bɛn a jɛlɛkanu ya lɔtalali ma, wo lɔ, ài yi senko wolu labaale kobɛn ka dɔlu madɛmɛn.

1 Piyɛli 4:10 ပူးပေါင်းရင်းမြစ်များ

Matiyu 20:28

Wo boloɲa kelen ma, Mɔɔnivin Tanin gbu ma na fɔsa mɔɔlu yi kɛ aa bɔiden ne, mafɔ ale yi kɛ aiya bɔiden ne le, ani ka a nunakili di ka kɛ mɔɔ siyama kunmaka sala le.»

Matiyu 24:14

Samakan Kein min ka bɛn haijɛnɛ masaya ma, wo lasentɔ dunuɲa fan bɛ lɔ ka kɛ seleya le siboloma bɛ yɛ. Wo vɛ kɛla, dunuɲa laban yi sene vɛ.

Matiyu 24:21

Kamasɔlɔn wo waate tɔlɔya gbeleyatɔle bubale. Wo ɲɔɔzii ma kɛ ba bene ka ta dunuɲa dan waate ma haan fɔɔ ka na sii bi la, ado tɔlɔya wo ɲɔɔzii tɛnala kɛla butu tuun.

Matiyu 24:45

«Jene yi bɔiden sɔvɛ le ani hangilima, aa kuntii kɛtɔ min lasiila bɔiden tɔlu kunna, fɔsa a yi balo di ai ma a waate bɛlɛ lɔ?

Matiyu 25:17

Kɛmɛ fila (200) tii fana k'a kɛ boloɲa kelen wo le ma, ka kɛmɛ fila (200) gbɛlɛ sɔlɔn a tɔnɔ le.

Matiyu 25:44

Mɔɔ wolu fana kɛtɔ a fɔla ǹ yɛ, ai vɛɛ: ‹Mɔ Tii, mɔ n'i kɔɔntɔ yena lon mindɛ, niwotɛ i jilɔɔtɔ, niwotɛ i lonayatɔ, niwotɛ i falimakolon, niwotɛ i jangalotɔ, niwotɛ i kasodentɔ, k'a fɔ ko mɔ ma i madɛmɛn?›

Malɛkɛ 10:45

Hali Mɔɔnivin Tanin gbu ma na fɔsa mɔɔlu yi kɛ aa bɔiden ne, mafɔ ale yi kɛ aiya bɔiden ne le, ani ka a nunakili di ka kɛ mɔɔ siyama kunmaka sala le.»

Luka 12:42

Mɔ Kuntii k'a javi, a vɛɛ: «Jene yi bɔiden sɔvɛ le ani hangilima, aa kuntii kɛtɔ min lasiila bɔiden tɔlu kunna, fɔsa a yi balo di ai ma a waate bɛlɛ lɔ?

Luka 19:13

A do ka aa bɔiden mɔɔ tan kili ka wɔligbɛ gbana tan lɔtala ai wotɛ. A do vɛɛ ai yɛ: ‹Ài yi julaya kɛ a lɔ ka sii ǹ kɔsei la.›

Luka 8:3

Yohani, min tɛɛ Helodi ya bonkunnasiiba Kuza moso le, wo tɛɛ moso wolu tɛma, ani Susana, ani moso siyama gbɛlɛlu. Wolu tɛɛ Isa ni a kɔbiladennu madɛmɛnna ai bolofennu la.

Lɔmukalu 15:25

Tandainɔ koni, ǹ taatɔ Jelusalɛmu ka dɛmɛngali dɔ di je mumininnu ma.

Lɔmukalu 15:27

Wo do kɛko ka diya ai yɛ. Tuɲa le, ai tɛɛ ka kan ka wo kɛ, kamasɔlɔn Ala ya nɛɛma min kɛnin Jahudiya limaniyamɔɔlu yɛ, siboloma gbɛlɛ limaniyamɔɔlu v'a dɔ sɔlɔn wo lɔ. Wo ma, a bɛnyine ai yi Jahudiyalu makolu laɲia ai jɛlɛkanu fennu le.

1 Kolɛntikalu 15:10

Kɛɛ ǹ'i min ne bi, ǹ kɛnin wo le ka bɛn Ala ya nɛɛma le ma. Ado aa nɛɛma min dinin m̀ ma, wo ma kɛ kofuun ne. Tuɲa le, ǹ na baale kɛla ka timin keladen tɔ bɛ la. Wo do tɛ ǹe gbu senko le, mafɔ Ala ya nɛɛma min kɛnin ǹ yɛ.

1 Kolɛntikalu 3:10

Ka bɛn Ala ya nɛɛma ma min dinin m̀ ma, ǹ na bon jusiila iwo bonlɔba ɲuma. Ado mɔɔ gbɛlɛ le yi bonlɔ kɛla bonjusii wo kɔkan. Kɛɛ fɔ mɔɔ kelenkelenna bɛ y'a jando aa bonlɔɲa lɔ.

1 Kolɛntikalu 4:7

Kamasɔlɔn jene n'ài lafisala dɔlu le? Fen mindɛ le ài bolo, ni a dinin tɛ ài ma? Ni a diyine ài ma, mindɛ lɔ ài y'ài wasola k'a kɛ iwo a dinin tɛ ài ma?

2 Kolɛntikalu 6:1

Komi Ala baalekɛɲɔɔ le mɔ le, wo lɔ, m'a fɔla ài yɛ k'a magbeleya ko ài na nɛɛma min sɔlɔnna Ala bolo, ài kà diɲa wo yi kɛ kofuun ne.

2 Kolɛntikalu 9:1

Ka bɛn mumininnu madɛmɛnko ma, kun t'a la k'a fɔ ko ǹ'i wo ko sɛvɛ ài ma.

Ɛfɛsikalu 3:8

Hali ǹ ka kɛ muminin bɛ lɔ dɔɔmandani le, Ala na baale min kalifala ǹ na aa nɛɛma lɔ, fɔsa ǹ'i siboloma gbɛlɛ mɔɔlu kawani ka bɛn Masa Tɔɔmasenin ya nafolo banbalilu ma.

Ɛfɛsikalu 4:11

Ale le na dɔlu kɛla keladen ne, k'a dɔlu kɛ kela le, k'a dɔlu kɛ Samakan Kein lasenba le, ani k'a dɔlu kɛ limaniyajama kunmafɛlɛnba ni kalanmɔɔlu le.

2 Timote 1:18

Mɔ Tii yi hena a la kiyamalon. Ile gbu k'a lɔn ne feu a na ko minu bɛ kɛla ǹ yɛ Ɛfɛsi so kɔnɔ.

Tite 1:7

Komi Ala ya baale kalifanin a la, wo lɔ, fɔ limaniyajama kunmafɛlɛnba yi kɛ jalakibali le. A kà kɛ mɔɔ kafanin ne, niwotɛ josobatii, niwotɛ gbɛtɔ, niwotɛ mɔɔ faiyanin, niwotɛ nataba.

Hebululu 6:10

Ala tɛ telenbali le k'a fɔ ko a yi jɔ àiya baale ni àiya kanundeya ma, ài na min jiyala ka bɛn a tɔɔ ma ka mumininnu makolu laɲia, iwo ài deinin a kɛla teme hali bi.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

1 Piyɛli 5:12

Silasi, ǹ'i min jatela m̀ badenma lanande le, wo vɛ m̀ madɛmɛn lɛtɛlɛ kulunni min sɛvɛko lɔ, fɔsa ǹ'a magbeleya ài yɛ ani ka ǹa seleya di ko Ala ya nɛɛma bɛlɛbɛlɛ le min ne, ài bolo kɛnin min na kpekpe.