1 Piyɛli 3:7 - Ala Ya Salatikan Kula Kitabu

⁷ Àilu kɛ́lu fana y'ài mosolu lɔmina koɲaye boloma, k'ài hangili to aiya fangandanya lɔ. Wo lɔ, ài y'ai buɲa, kamasɔlɔn Ala yi niimaya min dila aa nɛɛma lɔ, ài bɛ le kɛtɔ wo sɔlɔnna i ɲɔɔ fɛ. Ài yi wo kɛ, fɔsa ko ko si kana àiya Aladalilu lakoli.

1 Piyɛli 3:7 ပူးပေါင်းရင်းမြစ်များ

Matiyu 18:19

«Ǹ'a fɔ ài yɛ fana, ni ài lɔ mɔɔ fila ka bɛn ko ko si ma ka Ala dali a la duukolo kɔkan, wo yi kɛle ài yɛ ǹ Fa Ala bolo min yi haijɛnɛ.

1 Kolɛntikalu 7:3

Kɛ́ ka kan k'a moso hakɛ di a ma, moso fana ka kan k'a kɛ́ hakɛ di a ma.

Ɛfɛsikalu 3:6

Wo gbonoko le min ne: Ka bɛn Samakan Kein ma, Ala yi balayi minu ladalola aa mɔɔlu yɛ, Jahudiyalu ni siboloma gbɛlɛ mɔɔlu kɛtɔ wolu sɔlɔnna kelen ne, k'ai kɛ falikolo kelen ɲɔɔma le, ani k'ai dɛn lahedi la Masa Tɔɔmasenin Isa ya kafonɲɔɔya lɔ.

Ɛfɛsikalu 4:30

Ài kà Ala Nii Sɛnɛyanin josomakasi, ale min yi tɔɔmase le ài ma ka bɛn ài kunmaka lon ma.

Ɛfɛsikalu 5:33

Wo le y'a ma, àilu kɛ́ kelenkelenna bɛ y'a moso kanu iwo ale gbu, ado moso fana y'a kɛ́ buɲa.

Ɛfɛsikalu 6:18

Ài yi Ala dali waate bɛ iwo Nii Sɛnɛyanin y'ài lɔla a la teme ka madiyalikan ni dailikan suu bɛ lase a ma. Wo ma, ài y'ài lɔgbeleya k'ài to ài ɲana ka kɛ Ala dalila mumininnu bɛ yɛ.

Kɔlɔsikalu 3:19

Kɛ́lu, ài y'ài mosolu kanu. Ài do kà ko gbɛlɛn sii ài la.

1 Tɛsalonikakalu 4:4

Ài kelenkelenna bɛ y'ài falikolo minaɲa lɔn sɛnɛyali ni buɲali boloma.

Tite 3:7

fɔsa m'i kɛ telenmande le Ala ɲakɔlɔ ka bɛn aa nɛɛma ma, ka mɔ fɛ bila niimaya banbali sɔlɔnko la, m'i mɔ jeisii le.

Hebululu 1:14

Wo lɔ saa, mɛlɛkalu bɛ tɛ fɔɲɛ le le ani Ala ya bɔidennu, minu kelayanin mɔɔ lakisininnu madɛmɛnko lɔ?

1 Piyɛli 3:1

Wo boloɲa kelen ma, àilu mosolu y'ài fanmajii ài kɛ́nu yɛ, fɔsa ni a dɔlu kolonin ma kɛ Ala kumakan yɛ, hali ni kuma ma fɔ ài bolo, ài taamaɲa yi kɛ sabu le k'ài kɛ́nu latube,