1 Piyɛli 3:4 - Ala Ya Salatikan Kula Kitabu

⁴ mafɔ àiya keinya yi kɛ ài josokun ne lɔ, ka bɛn ài dajoo sɔniyanin ni ài mafaɲa ma. Keinya wo suu tɛ tununna, a do kulugbeleyayine Ala ɲakɔlɔ.

1 Piyɛli 3:4 ပူးပေါင်းရင်းမြစ်များ

Matiyu 11:29

Ài yi diɲa ǹa kuntiiya ma iwo nisi yi diɲala sɛnɛkɛdawa ma teme, ani ka lɔnni sɔlɔn ǹ fɛ. M̀ mafanin, ǹa ko gbeleyanin tɛ. Ài vɛ nala ǹ ma, ài kɛtɔ nɔningɛ sɔlɔnna.

Matiyu 21:5

«A fɔ Ziyɔn sodennu yɛ, ko: ‹Ài y'a ye, àiya masakɛ yi nala ài ma. A do siinin sofalinimoso kɔkan fanmajii boloma, sofalini bolan, sofalinimoso den koni.› »

Matiyu 23:26

Ile Falisi ɲagbɛ! I yi jiyafɛ ni tasa kɔnɔlɔla le sɛnɛya kunfɔlɔ le, wo vɛ kɛla, a kɔkala fana yi sɛnɛyale.

Matiyu 5:5

Duwawuden ne mɔɔ mafaninnu le, kamasɔlɔn duukolo kɛtɔ ai ta le le.

Luka 11:40

Àilu hangilindannu! Min na a kɔkala ladanna, wo kelen ne ma a kɔnɔla fana ladan?

Luka 16:15

Wo kɛ, Isa vɛɛ ai yɛ: «Àilu y'ài jɛlɛ kɛla telenmande le mɔɔlu ɲakɔlɔ, kɛɛ Ala do k'ài miliya lɔn. Kamasɔlɔn fen minu kulugbeleyanin adamadennu ɲakɔlɔ, wolu yi fen kɔsɔnin ne le Ala ɲakɔlɔ.»

Lɔmukalu 1:23

Ai k'i ban habadan Ala magbiliyala, ka fen kaijakaijalu sawula bato, iwo mɔɔnivin satalu, ani kɔnɔlu, ani kolofennu, ani fɔnfɔnnifennu.

Lɔmukalu 2:29

Kɛɛ mɔɔ kɔnɔlɔko le y'a kɛla Jahudiya le, ado kɛnɛkɛko bɛlɛbɛlɛ yi kɛla mɔɔ josokun ne lɔ Nii Sɛnɛyanin sabu la, seliya sɛvɛko tɛ. Mɔɔ suu wo tɛ matɔɔli sɔlɔnna adamadennu bolo, mafɔ Ala.

Lɔmukalu 6:6

Mɔ do k'a lɔn ko mɔ dajoo kɔlɔ gbaanyine kɔlɔman ma Isa fɛ, fɔsa julumbu min tɛɛ mɔ dajoo kɔlɔ lɔ, wo fanga yi ban ani mɔ kana to julumbu ya jɔnya lɔ butu.

Lɔmukalu 7:22

Kamasɔlɔn Ala ya seliya diyanin ǹ yɛ ǹ josokun nɔ.

2 Kolɛntikalu 10:1

Ǹe Pɔli y'ài madiyala ka bɛn Masa Tɔɔmasenin ya sɔniyali ma, ani aa ɲumaya, hali ài dɔlu ka kɛ a fɔla ko ǹ'i mɔɔ fanmajiinin ne le m̀'ɛ kɛla ài tɛma, ani ko ǹ kɛnin mɔɔ faiyanin ne le ni ǹ tɛ ài tɛma.

2 Kolɛntikalu 4:16

Wo le y'a ma, mɔ jei tɛɛnin tɛ. Hali ni mɔ falikolo fanga ma ka kɛ jiila, mɔ nii yi kɛla a kula le tele o tele.

Galatiyakalu 5:23

sɔniyali, ani jɛlɛlɔmina. Seliya pa tɛ je ko suu wolu kanma.

Ɛfɛsikalu 4:2

Ko bɛ lɔ, ài y'ài fanmajii, k'ài sɔniya, ani k'ài sawali. Àiya kolu yi kun i ɲɔɔ nɔ kanundeya boloma.

Kɔlɔsikalu 3:12

Komi Ala n'ài tala k'ài kɛ a diyananmɔɔ sɛnɛyaninnu le, wo lɔ, ài yi dajoo kula ta ka kɛ maɲumande le, ani mɔɔ ɲuma, ani mɔɔ fanmajiinin, ani mɔɔ mafanin, ani mɔɔ sawalinin.

Kɔlɔsikalu 3:3

kamasɔlɔn ài vɛ sa, ado àiya niimaya ladalonin Masa Tɔɔmasenin ne fɛ Ala ya foniseleya lɔ.

1 Tɛsalonikakalu 4:11

Ài y'ài lɔja k'àiya dunuɲalɔtɛɛ kɛ josolajii boloma, ka gbala ài jɛlɛkanu kunkolu le, ani k'ài bolo bila baale nafata dɔ lɔ, iwo mɔ n'ài jamalila teme.

2 Tɛsalonikakalu 3:12

Mɔɔ suu wolu koni, m'ai jamalila k'a magbeleya mɔ Tii Masa Tɔɔmasenin Isa tɔɔ lɔ, ko ai lɔja ka baale kɛ josolajii boloma k'ai balo ɲinin ai jɛlɛ yɛ.

1 Timote 2:2

Ài m'i Ala dali masakɛlu ni jamana ɲamɔɔlu bɛ yɛ, fɔsa m'i maa dunuɲalɔtɛɛ kɛ josolajii ni hɛlɛ lɔ, Alaɲasiyanɲɛ ni mɔɔsɔvɛya lɔ.

2 Timote 2:25

a v'a kɛlɛkɛɲɔɔlu bilala siya ɲuma kɔkan sɔniyali boloma. Tumadɔ Ala kɛtɔ ai madɛmɛnna fɔsa ai y'ai jɛlɛ lasei a ma, ka tuɲa lɔn.

Tite 3:2

Ai do kà koyon fɔ mɔɔ suu suu ma, mafɔ ai yi kɛ mɔɔ josolajiininnu le, ani mɔɔ sɔniyaninnu, ka duuma fan ta bɛ yɛ.

Janguba 1:21

Wo le y'a ma, ài yi kokɔsɔnin ni dannatimin yon bɛ dabila, k'ài bolo sii Ala kumakan kɔlɔ fanmajii boloma, a na min donna ài josokun nɔ, min yi se k'ài nunakili lakisi.

1 Piyɛli 1:23

Kamasɔlɔn ài ma sɔlɔn kula kɛ sɛnɛfensi tiɲata sabu la, mafɔ sɛnɛfensi tiɲabali, min kɛnin Ala kumakan ɲɛnɛma le, min yi je kudein.

1 Piyɛli 3:15

Kɛɛ fɔ ài yi Masa Tɔɔmasenin buɲa ài josokun nɔ iwo ài Tii, k'ài lɔbɛnnin to waate bɛ ài kumanɔbɔko lɔ, ni mɔɔ mɔɔ si k'ài maɲininga ài jeisii ma min y'ài josokun nɔ.