1 Piyɛli 3:21 - Ala Ya Salatikan Kula Kitabu

²¹ Ji wo kɛnin makoli misali le le, min àilu fana lakisila yi ne. Wo tɛ nɔɔ bɔla mɔ falikolo ma, kɛɛ a yi jososɛnɛyanin daliko le le Ala la ka bɛn Masa Tɔɔmasenin Isa lawuliko ma ka bɔ saya lɔ,

1 Piyɛli 3:21 ပူးပေါင်းရင်းမြစ်များ

Matiyu 28:19

Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ,

Malɛkɛ 16:16

Ni mɔɔ min ka limaniya k'a mako ji kɔlɔ, wo tii yi kisile. Kɛɛ do, ni mɔɔ min ma limaniya, wo tii jobaliyatɔle feu.

Yohana 13:9

Wo fɔ a bolo, Simɔn Piyɛli vɛɛ a yɛ: «Ǹ Kuntii, ni wo le, i kà dan ǹ sen ma dein. I yi m̀ bolo ni ǹ kun fana mako.»

Kɛkolu 16:33

Wo waate kelen su lɔ, kasobon lakanaliba ka Pɔli ni Silasi ta k'aiya daalu lako. Wo kɛ, ai ka ale ni aa bonnamɔɔlu bɛ mako ji kɔlɔ telemanin.

Kɛkolu 2:38

Piyɛli do vɛɛ ai yɛ: «Ài y'ài dajoo mafalin, ado ài kelenkelenna bɛ yi makoli sɔlɔn Masa Tɔɔmasenin Isa tɔɔ lɔ, fɔsa àiya julumbulu lɔ yi koto. Wo vɛ kɛla, ài kɛtɔ Ala ya sɔli sɔlɔnna, min kɛnin Nii Sɛnɛyanin ne.

Kɛkolu 22:16

I yi mindɛ makɔnɔna butu? I wuli, i yi madaili kɛ mɔ Tii Isa tɔɔ lɔ, ka ban ka makoli sɔlɔn, fɔsa iya julumbulu yi bɔ i ma.›

Kɛkolu 8:36

Ai ka to taala ka se kɔɔ dɔ ma mingɛ, kɛ́ do vɛɛ Filipe yɛ: «A ye, kɔɔ le ne! Mindɛ le yi ǹ dansiila m̀ makoko la?»

Kɛkolu 8:37

[Filipe k'a javi, a vɛɛ: «Ni i ka limaniya i josokun bɛ la, wo yi sene kɛla.» Kɛ́ do vɛɛ: «M̀'ɛ limaniya k'a fɔ ko Masa Tɔɔmasenin Isa yi Ala Denkɛ le le.»]

Lɔmukalu 5:14

Kɛɛ wo bɛ n'a kɛ, ka ta mɔ bema Adama ya waate ma ka na sii Nabi Musa ya waate la, saya fanga le tɛɛ adamaden bɛ kunna, hali minu tɛɛ ma julumbu ta iwo Adama n'a kɛla teme ka Ala ya seliya tiɲa. Mɔɔ min tɛɛ ka kan ka na, mɔ bema Adama kɛnin wo misali le le.

1 Kolɛntikalu 12:13

Kamasɔlɔn mɔ bɛ makonin Nii Sɛnɛyanin kelen ne bolo ka mɔ kɛ falikolo kelen ne. Wo le y'a ma, i ka kɛ Jahudiya le o, i ka kɛ siboloma gbɛlɛ le o, i ka kɛ jɔn ne o, i ka kɛ mɔɔ lafɛlɛnin ne o, mɔ bɛ laminnin Nii Sɛnɛyanin kelen ne le.

1 Kolɛntikalu 4:6

M̀ badenmalu, m̀'ɛ ko minu la ǹe ni Apolosi ma ka kɛ misali le ài madɛmɛnko lɔ, fɔsa ko min sɛvɛnin kitabu kɔnɔ, ài kana timin wo la, ani ài kana ài diyanan ta mɔ lɔ fannɔbuɲa boloma.

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

2 Kolɛntikalu 7:1

Ǹ diyananmɔɔlu, komi lahedi minu tanin mɔ yɛ, wo lɔ, ài m'i mɔ jɛlɛ lasɛnɛya ka bɔ ko bɛ ma minu yi mɔ falikolo ni mɔ josokun lakɔsɔla. Ài m'i lɔja ka maa sɛnɛya dafa Alaɲasiyanɲɛ boloma.

Galatiyakalu 3:27

Àilu minu vɛ makoli sɔlɔn ka don Masa Tɔɔmasenin ya kafonɲɔɔya lɔ, ài vɛ ài masili Masa Tɔɔmasenin kɛɲa la iwo faani.

Ɛfɛsikalu 5:26

fɔsa a aa limaniyajama bila a ta fan a jɛlɛ yɛ, a ban kɔ wo lasɛnɛyala ji le ka bɛn a kumakan ma.

Kɔlɔsikalu 2:12

Àilu ni Masa Tɔɔmasenin le sudoonnin kelen ne ka bɛn àiya makoli ma, ado àilu ni ale la ka wuli kelen ne fana ka bɛn àiya limaniya ma Ala ya foniseleya ma, min n'a lawulila ka bɔ saya lɔ.

1 Timote 1:5

Maa jamali kun ne kanundeya le min yi bɔla josolɔgbɛnin nɔ, ani jososɛnɛyanin, ani limaniya bɛlɛbɛlɛ.

1 Timote 6:12

I i lɔja ka kɛlɛ ɲuma kɛ ka bɛn limaniya ma. I i bolo kɛ niimaya banbali la, Ala n'i kilila min kanma, i na seleya ɲuma dila waate min nɔ sele siyama ɲakɔlɔ.

Hebululu 10:22

wo le y'a ma, ài m'i mɔ masulunya Ala la josolɔgbɛya boloma, ani limaniya dafanin nɔ, mɔ josokun lasɛnɛyanin ne ka bɔ miliya yonnu ma, ani mɔ falikolo makonin ne ji sɛnɛyanin le.

Hebululu 11:19

Ibulahima tɛɛ kɔndɛ le bɔla ko a see yi Ala yɛ ka fulenilu lawuli ka bɔ saya lɔ. A do kɛyine iwo a na a den sɔlɔn ne la kɔtunun ka bɔ saya lɔ.

Hebululu 13:18

Ài yi to Ala dalila mɔ yɛ. Mɔ lanin a la k'a fɔ mɔ josolɔgbɛyine, kamasɔlɔn a lɔɔ yi mɔ la mɔ taamaɲa yi bɛn ko bɛ lɔ.

Hebululu 9:14

Kɛɛ Masa Tɔɔmasenin min k'a jɛlɛ bɔ Ala yɛ salaka bɛlɛbɛlɛ le habadan Nii Sɛnɛyanin sabu la, a jeli fanga wo le yi mɔ josokun lasɛnɛyala feu, ka mɔ bɔ mɔ kɛkolu ma minu yi saya lasena mɔ ma, fɔsa m'i Ɲɛnɛmayatii Ala bato.

Hebululu 9:24

Kamasɔlɔn Masa Tɔɔmasenin ma don lɔhɔlɔma dingila kɔnɔ min lɔnin adamadennu bolo, min yi fen bɛlɛbɛlɛ sawula le dein. Kɛɛ a jɛlɛnin haijɛnɛ gbugbu le kɔnɔ, fɔsa a yi lɔ Ala ɲakɔlɔ mɔ yɛ.

1 Piyɛli 1:3

Tanuli yi Ala yɛ, min yi mɔ Tii Masa Tɔɔmasenin Isa Fa le! Ka bɛn aa henandeya ba ma, mɔ vɛ sɔlɔn kula kɛ ka jeisii ɲɛnɛma sɔlɔn Masa Tɔɔmasenin Isa lawuliko sabu la ka bɔ saya lɔ.

1 Piyɛli 3:16

Kɛɛ ài y'ai javi buɲali ni sɔniyali boloma, k'ài joso sɛnɛyanin to, fɔsa mɔɔ minu y'ài mafinna ka bɛn ài taamaɲa ɲuma ma Masa Tɔɔmasenin ya kafonɲɔɔya lɔ, wolu yi maloya.