1 Piyɛli 3:20 - Ala Ya Salatikan Kula Kitabu

²⁰ ka bɛn aiya kolobaliya ma kɔlɔkɔlɔ le Sedina Nuho ya waate lɔ, Ala tɛɛ makɔnɔlila sawali boloma waate min nɔ jani kulunba la tɛɛ dan. Kulunba wo kɔnɔ, mɔɔ dana le ka kisi ka bɔ ji wo ma, minu tɛɛ mɔɔ sein ne.

1 Piyɛli 3:20 ပူးပေါင်းရင်းမြစ်များ

Matiyu 7:14

Kɛɛ siya min yi taala niimaya banbali ma, wo donda dɔɔyayine, a do taama gbeleyanin. Mɔɔ dana le a yena dein.»

Luka 12:32

Isa vɛɛ a kɔbiladennu yɛ: «Ǹa saa kulu dana, ài kà siyan, kamasɔlɔn a diyanin ài Fa Ala yɛ ka masaya di ài ma.

Kɛkolu 2:41

Mɔɔ minu k'ai bolo sii a kumakan kɔlɔ, ai ka wolu mako ji kɔlɔ. Ado mɔɔ waa sawa (3 000) jate ka kafon limaniyamɔɔlu kɔkan wo lon.

Lɔmukalu 9:22

Wo boloɲa kelen ma, a lɔɔ tɛɛ Ala la ka aa mɔnɛya jiya, ani ka aa seetiiya lankɛnɛmaya. Kɛɛ a mɔnɛnin mɔɔ minu kanma, minu lɔbɛnnin tɛɛ halakiko lɔ, a na wolu ya ko minala a ma sawali boloma.

Ɛfɛsikalu 5:26

fɔsa a aa limaniyajama bila a ta fan a jɛlɛ yɛ, a ban kɔ wo lasɛnɛyala ji le ka bɛn a kumakan ma.

Hebululu 11:7

Sedina Nuho ya limaniya le na kɛla sabu le, a la ka sovi mingɛ ka bɛn ko natɔlu ma minu tɛɛ ma ye ba, a ka kulunba ladan Alaɲasiyanɲɛ boloma aa bonnamɔɔlu lakisiko lɔ. Aa limaniya ka kɛ dunuɲa jobaliya sabu le, a do ka telenmandeya wo sɔlɔn min yi nala limaniya fɛ.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

1 Piyɛli 1:9

kamasɔlɔn ài àiya limaniya kɔjavi sɔlɔnna, min kɛnin ài nii lakisiko le.

1 Piyɛli 2:25

Kamasɔlɔn ài kɛyine tɛɛ iwo saa tununninu, kɛɛ ài la vɛ seikɔ yi ne saakunnasiiba ma, min y'ài nunakili kunmafɛlɛnba le.

1 Piyɛli 3:19

Wo boloɲa ma, a ka taa fulenilu niilu kawani, minu tɛɛ kaso la

1 Piyɛli 4:19

Wo le y'a ma, mɔɔ minu yi tɔlɔya masɔlɔnna ka bɛn Ala sawonanko ma, wolu y'ai nii kalifa Dannimasa lanande la ka to koɲuma kɛla.

2 Piyɛli 2:5

A do ma kolatɔn lagban dunuɲa kɔlɔkɔlɔ kunna, mafɔ a ka ji ba lana Alaɲasiyanɲɛbalilu bɛ kɔkan. Kɛɛ a ka Sedina Nuho le lakisi, min tɛɛ kawanilikɛba le ka bɛn telenmandeya siya ma, ani aa mɔɔ wolowulan.

2 Piyɛli 3:15

Ài yi mɔ Tii ya sawali jate àiya kisiko le, iwo mɔ diyanan badenma Pɔli n'a sɛvɛla ài ma teme ka bɛn hangilimaya ma min dinin a ma.