1 Piyɛli 2:5 - Ala Ya Salatikan Kula Kitabu

⁵ Àilu fana kɛyine iwo kawakulun niimalu, Ala yi minu siisiila i ɲɔɔ kɔkan k'a kɛ a ta bon ne, ani Nii Sɛnɛyanin makɛya. Ala ya bon wo kɔnɔ, ài kɛtɔ kɛla salakalaseba sɛnɛyanin ne le, fɔsa ài yi kɛ Ala ladiyanan salakalu lasena a ma ka bɔ ài josokun nɔ Masa Tɔɔmasenin Isa sabu la.

1 Piyɛli 2:5 ပူးပေါင်းရင်းမြစ်များ

Lɔmukalu 12:1

M̀ badenmalu, ǹ'ài madiyala ka bɛn Ala ya henandeya ba ma ài yɛ, ǹ ko, ài y'ài jɛlɛ di Ala ma iwo salaka ɲɛnɛma, Ala a bolo siila salaka sɛnɛyanin min suu kɔlɔ. Wo do yi batokɛɲa bɛlɛbɛlɛ le le, ài ka kan ka min kɛ.

Lɔmukalu 15:16

ka ǹ kɛ Masa Tɔɔmasenin Isa ya bɔiden ne siboloma gbɛlɛ mɔɔlu yɛ. Ǹ'i Ala ya salakalase baale le la aa Samakan Kein ya ko lɔ, fɔsa ǹ'i siboloma gbɛlɛ mɔɔlu lase a ma iwo a diyanan salaka, min la vɛ sɛnɛya Nii Sɛnɛyanin sabu la.

1 Kolɛntikalu 3:16

Ài m'a lɔn ba bene ko Ala ya lɔhɔlɔmabon ne ài le, ani Ala Nii Sɛnɛyanin makɛnin àilu le kɔnɔ?

1 Kolɛntikalu 3:9

Kamasɔlɔn baalekɛɲɔɔma le mɔ le Ala ya baale lɔ, àilu do yi Ala ya sɛnɛ le le, ani aa bon.

1 Kolɛntikalu 6:19

Ài m'a lɔn ko ài falikolo kɛnin Nii Sɛnɛyanin ya lɔhɔlɔmabon ne le? Nii Sɛnɛyanin min y'ài josokun nɔ, ài na wo sɔlɔnna Ala le fɛ. Ài do tɛ ài jɛlɛ ta le.

2 Kolɛntikalu 6:16

Bɛn suu mindɛ le yi Ala ya lɔhɔlɔmabonba ni joolu wotɛ? Kamasɔlɔn Ɲɛnɛmayatii Ala ya lɔhɔlɔmabon ne mɔ le, iwo Ala gbu n'a fɔla teme, a vɛɛ: «Ǹ kɛtɔ ǹ siila ai tɛma ka taama ai fɛ. Ǹ kɛtɔ kɛla ai Tii Ala le le, ai do kɛtɔ kɛla ǹa mɔɔlu le le.»

Galatiyakalu 6:10

Wo le y'a ma, ni koɲumakɛ see ka kɛ mɔ yɛ waate min nɔ, ài m'i koɲuma kɛ bɛ yɛ, mɔ badenma limaniyamɔɔlu bɛlɛbɛlɛ le.

Filipikalu 1:11

k'ài dafa telenmandeya tɔnɔ la min yi nala Masa Tɔɔmasenin Isa fɛ, fɔsa buɲali ni tanuli yi kɛ Ala yɛ.

Filipikalu 2:17

Ài limaniyanin teme Ala ma k'àiya ko bɛ di a ma, wo kɛyine iwo salaka min la yi sena Ala ma. Tumadɔ fɔ ǹe gbu jeli yi bɔn àiya salaka kɔkan, iwo fen min yi niila. Wo vɛ kɛla, ǹ kɔnɔ kɛtɔ diyala, ado ǹ'i sawale ài fɛ.

Filipikalu 4:18

Ài na fen fen si lanala m̀ ma, ǹ na wo bɛ le yena. Ài na samalifen min donna Ɛpafolodite bolo, wo le na ǹ ɲɛnɛla ka m̀ mako laɲia bubale. Wo kɛyine iwo salaka min suma diyanin, Ala a bolo siila a ladiyanan salaka suu min kɔlɔ.

Kɔlɔsikalu 3:17

Ài vɛ ko ko si kɛla, ani ài vɛ kuma suu suu fɔla, ài yi wo bɛ kɛ mɔ Tii Isa tɔɔ lɔ ka balika bɔ mɔ Fa Ala yɛ ale Isa fɛ.

1 Timote 3:15

ni ko ka m̀ matamala, i y'a lɔn Ala ya bon dongolu ka kan ka taama teme, minu kɛnin Ɲɛnɛmayatii Ala ya limaniyajama le, tuɲa jusiinin min kɔkan k'a bama.

Hebululu 3:6

Kɛɛ Masa Tɔɔmasenin ka kɛ lanande le iwo denkɛ min siinin Ala ya bon kunna. Mɔ do kɛnin aa bon ne le, ni mɔ bolo ka to maa lanaya la kpekpe, ani maa ɲalɔkɛnɛya jeisii la.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

1 Piyɛli 4:11

Mɔɔ min yi kawanili kɛla, fɔ wo tii y'a kɛ iwo a yi Ala gbu le kumakannu lasena. Mɔɔ min do yi madɛmɛli kɛla, fɔ wo tii y'a kɛ ka bɛn fanga ma min dinin a ma Ala bolo, fɔsa Ala yi magbiliyali sɔlɔn ko bɛ lɔ Masa Tɔɔmasenin Isa sabu la, magbiliyali ni seetiiya yi min ta le waate bɛ ani habadan. Amiina!

1 Piyɛli 4:17

Kiti waate vɛ se, a do daminatɔ Ala ya bonnamɔɔlu le ma. Ni a daminatɔ ǹu gbu le ma, wo vɛ kɛla, mɔɔ wolu ya ko labantɔ di minu yi kolobaliya kɛla Ala ya Samakan Kein na?

Ko Lankɛnɛmayanin 1:6

A do vɛ mɔ kɛ aa masaya dongolu le, ani salakalaseba minu yi baalela a Fa Ala yɛ. Magbiliyali ni seetiiya y'a ta le le waate bɛ ani habadan! Amiina!

Ko Lankɛnɛmayanin 20:6

Duwawuden ni mɔɔ sɛnɛyanin ne wolu le minu fɛ yi fulenilu lawuliko kunfɔlɔ la. Saya filana tɛnala see sɔlɔnna ai ma butu, ai do kɛtɔ kɛla Ala ni Masa Tɔɔmasenin ya salakalasebalu le le, ka masaya kɛ a fɛ sanji waa kelen kɔlɔ.

Ko Lankɛnɛmayanin 3:12

Ni mɔɔ min ka see sɔlɔn, ǹ kɛtɔ wo tii kɛla baima le le ǹ Tii Ala ya lɔhɔlɔmabonba kɔnɔ. A do tɛnala bɔla je tuun. Ǹ kɛtɔ ǹ Tii Ala tɔɔ sɛvɛla wo tii ma, ani ǹ Tii Ala ya so tɔɔ, min kɛnin Jelusalɛmu kula le, min jiitɔ ka bɔ ǹ Tii Ala fɛlɔ haijɛnɛ. Ado ǹ kɛtɔ ǹe gbu tɔɔ kula sɛvɛla a ma fana.

Ko Lankɛnɛmayanin 5:10

I vɛ ai kɛ iya masaya dongolu le, ani salakalaseba minu yi baalela mɔ Tii Ala yɛ. Ai do kɛtɔ masaya kɛla duukolo kɔkan.»