1 Piyɛli 2:4 - Ala Ya Salatikan Kula Kitabu

⁴ Ài y'ài madon mɔ Tii la, min kɛnin kawakulun niima le, adamadennu k'i ban min nɔ, kɛɛ Ala n'a tala k'a kulugbeleya a ɲakɔlɔ.

1 Piyɛli 2:4 ပူးပေါင်းရင်းမြစ်များ

Matiyu 11:28

«Àilu minu sɛyɛnin àiya doni gbililu kɔlɔ, ài yi na ǹ ma, ǹ'i nɔningɛ di ài ma.

Matiyu 12:18

«Ǹa bɔiden ne ne, ǹ na min tala mɔɔlu tɛma. A do yi ǹ diyananmɔɔ le, min yi ǹ kɔnɔlɔdiyala bubale. Ǹ kɛtɔ ǹ Nii Sɛnɛyanin lajiila a kɔkan, a do kɛtɔ Ala ya telenmandeyako lasena siboloma gbɛlɛlu ma.

Matiyu 21:42

Isa vɛɛ ai yɛ: «Jalasa ài ma kitabu dingila min kalan ba? Ko: ‹Bonlɔbalu n'ai banna kawakulun min nɔ, wo le kɛnin bon tongun kawakulun ne. Mɔ Tii le na wo kɛla, wo kɛnin mɔ ɲana kawananko le le.›

Yohana 14:19

A lɔ tɛnala mɛnna, dunuɲa tɛnala ǹ yena butu. Kɛɛ àilu kɛtɔ ǹ yena kɔtunun. Komi ǹ'i ǹ nii la, wo lɔ, àilu fana kɛtɔ niimaya kɛla.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 5:26

Kamasɔlɔn Fa yi niimayatii le teme, a v'a Denkɛ kɛ niimayatii le wo boloɲa kelen ne ma.

Yohana 5:40

Ài do tɛ diɲala ka na m̀ ma fɔsa ài yi niimaya sɔlɔn.

Yohana 6:37

Ǹ Fa vɛ mɔɔ minu dila m̀ ma, wolu bɛ natɔle m̀ ma. Ni mɔɔ mɔɔ do ka na m̀ ma, ǹ tɛnala wo tii gbɛnna feu.

Yohana 6:57

Ǹ kelayanin Ɲɛnɛmayatii Fa bolo ka niimaya sɔlɔn teme a sabu la, ni mɔɔ mɔɔ si ka balo ǹ falikolo la, wo tii kɛtɔ niimaya sɔlɔnna ten ne ǹ sabu la.

Lɔmukalu 5:10

Ala juu le tɛɛ mɔ le, kɛɛ a na ale ni ǹu wotɛbɛnna a Denkɛ ya saya le fɛ. Komi mɔ wotɛ vɛ bɛn butu, a lagbɛyine feu ko mɔ kɛtɔ kisila a Denkɛ ya niimaya le fɛ.

1 Kolɛntikalu 3:11

Kamasɔlɔn mɔɔ mɔɔ tɛ se ka bonjusii gbɛlɛ kɛ, ni a tɛ wo le min jusiinin kɔlɔkɔlɔ le, min taanin kɛla Masa Tɔɔmasenin Isa le.

Kɔlɔsikalu 3:4

Masa Tɔɔmasenin min kɛnin àiya niimaya le, wo la vɛ nkɛnɛmayala lon min na, àilu fana nɔɔlɔnin lankɛnɛmayatɔ a fɛ.

1 Piyɛli 1:19

mafɔ Masa Tɔɔmasenin jeli kulugbɛlɛn min kɛnin iwo saa bolan salaka, fɛɛ tɛ min na, kumatɛ kɔsɔ ma.

1 Piyɛli 1:7

Ko wolu le yi kɛla sabu le k'a jiya ko limaniya bɛlɛbɛlɛ le y'ài bolo, min kulugbeleyanin sanu le, sanu min yi fen tiɲata le, ani min lɔ yi sumala taa bolo. Wo do nafa kɛtɔ kɛla matɔɔli ni magbiliyali ni buɲali le le ài yɛ Masa Tɔɔmasenin Isa lankɛnɛmaya lon.

1 Piyɛli 2:7

Kawakulun min kulugbeleyayine àilu limaniyamɔɔlu bolo, kɛɛ limaniyabalilu koni, a sɛvɛyine ài ma, ko: «Bonlɔbalu n'ài banna kawakulun min nɔ, wo le kɛnin bon tongun kawakulun ne.»

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

2 Piyɛli 1:4

Ka bɛn ko wolu ma, a na lahedi kulugbɛlɛn babalu tala mɔ yɛ, fɔsa lahedi wolu fɛ, ài yi kisi ka bɔ dunuɲa kolɔtiɲalu lɔ minu yi nala niikanuko yonnu fɛ, ani ài y'ài ta sɔlɔn Ala ya foniseleya lɔ.