1 Piyɛli 2:24 - Ala Ya Salatikan Kula Kitabu

²⁴ Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.

1 Piyɛli 2:24 ပူးပေါင်းရင်းမြစ်များ

Matiyu 27:26

Wo kɛ, a ka Balabasi bila, ka sɔdasilu lɔ Isa gbasila gbusan na, ka ban ko ai yi taa a le a gbaanya lɔ.

Matiyu 5:20

Ǹ'i tuɲa fɔ ài yɛ, ni ài m'ài telen ka timin seliya kalanmɔɔlu ni Falisilu la, ài tɛnala donna haijɛnɛ masaya lɔ feu.

Matiyu 8:17

A ka kɛ ten fɔsa kuma min fɔnin Nabi Ezayi bolo, wo ma yi fa teme, ko: «A ka maa tɔlɔyalu ta k'ai kɛ a kundoni ne, ka maa jangalolu doni la a jɛlɛkanu kun.»

Malɛkɛ 15:15

Komi Pilati tɛɛ a fɛ ka jama ladiyananko le kɛ, wo le k'a kɛ, a ka Balabasi bila, ka sɔdasilu lɔ Isa gbasila gbusan na, ka ban ko ai yi taa a le a gbaanya lɔ kɔlɔman ma.

Luka 4:18

«Mɔ Tii Nii Sɛnɛyanin yi ǹ kɔkan, kamasɔlɔn a na ǹ tala Samakan Kein lasenko lɔ fandannilu ma. A do na ǹ kelayala ko ǹ'a fɔ kasodennu yɛ ko ai la vɛ bila, k'a fɔ ɲagbɛlu yɛ ko ai ɲa la vɛ ka, k'a fɔ mɔɔ tɔlɔninnu yɛ ko ai la vɛ fɛlɛ ka bɔ ai tɔlɔyabalu bolo,

Yohana 1:29

Wo kɛnɛbɔlon, Yaya ka Isa natɔla ye a ma k'a fɔ, a vɛɛ: «Ài ɲa kaa! Ala ya Saa Bolan ne ve le, min yi julumbu bɔla dunuɲamɔɔlu ma.

Yohana 19:1

Wo kɛ, Pilati ka sɔdasilu lɔ Isa gbasila gbusan ne.

Kɛkolu 10:35

Siboloma bɛ lɔ, ni mɔɔ minu ka siyan Ala ɲa ka kotelenninu kɛ, a a bolo siila wolu bɛ le kɔlɔ.

Kɛkolu 10:39

Isa ka ko minu kɛ Jelusalɛmu so kɔnɔ ani Jahudiyalu ya jamana lɔ, ǹu le kɛnin wo bɛ sele le. Ai k'a gbaan kɔlɔman ma k'a faa,

Kɛkolu 13:29

Ai ka ban ko bɛ mafala mingɛ minu sɛvɛnin ka bɛn a ma, ai k'a lajii ka a bɔ kɔlɔman ma, k'a fuleni la kabulu kɔnɔ.

Kɛkolu 5:30

Mɔ bemanu Tii Ala na Isa lawulila ka bɔ saya lɔ, ài na min gbaanna kɔlɔman ma k'a faa.

Lɔmukalu 6:11

Wo boloɲa kelen ma, àilu gbu y'ài jɛlɛ jate iwo mɔɔ saninnu minu vɛ bɔ julumbu fanga kɔlɔ, ani mɔɔ minu yi niimaya kɛla Ala yɛ Masa Tɔɔmasenin Isa ya kafonɲɔɔya lɔ.

Lɔmukalu 6:13

Ài k'ài falikolo fan suu suu di julumbu ma k'a kɛ telenbaliyakokɛfen ne. Mafɔ, ài y'ài jɛlɛ di Ala ma iwo mɔɔ minu wulinin ka bɔ saya lɔ, k'ài falikolo fan bɛ don Ala bolo k'ai kɛ kolatelenninkɛfen ne.

Lɔmukalu 6:16

Ài m'a lɔn ni ài k'ài jɛlɛ di mɔɔ min ma iwo jɔn k'a kumakan labato, wo vɛ kɛla, ài vɛ kɛ wo tii ma ya jɔn ne? Ni ài vɛ kɛla jɔnya lɔ julumbu bolo, wo laban yi saya le le. Ni ài do vɛ kɛla jɔnya lɔ Ala bolo k'a kumakan labato, wo laban yi telenmandeya le le.

Lɔmukalu 6:2

Ɛnɛn dɛ! Julumbu ta fanfɛla lɔ, mɔ vɛ sa ka bɔ wo kɔlɔ. Wo lɔ saa, m'i se ka maa dunuɲalɔtɛɛ kɛ julumbutɔya lɔ di?

Lɔmukalu 6:22

Kɛɛ komi ài la vɛ fɛlɛ ka bɔ julumbu lɔ k'ài kɛ Ala ya jɔn ne butu, ài yi nafa min sɔlɔnna, wo le sɛnɛyali le min laban yi niimaya banbali le.

Lɔmukalu 6:7

Kamasɔlɔn mɔɔ min sanin, wo tii ma la vɛ fɛlɛ ka bɔ julumbu fanga kɔlɔ.

Lɔmukalu 7:6

Kɛɛ tandainɔ, mɔ la vɛ fɛlɛ ka bɔ seliya fanga kɔlɔ, kamasɔlɔn ko min na mɔ kɛla jɔn ne, mɔ vɛ sa ka bɔ wo ya jɔnya kɔlɔ. Wo le y'a kɛ, m'i se ka baale kɛ Ala yɛ Nii Sɛnɛyanin ya siya kula kɔkan, siya kɔlɔ mangan tɛ min sɛvɛnin.

1 Kolɛntikalu 15:3

Ǹ na kalan kulugbɛlɛn min sɔlɔnna, ǹ na wo le lasena ài ma kunfɔlɔ le: Masa Tɔɔmasenin sanin maa julumbulu ya ko le lɔ iwo a sɛvɛnin kitabu kɔnɔ teme.

2 Kolɛntikalu 6:17

Wo le y'a ma, mɔ Tii k'a fɔ kɔtunun, a vɛɛ: «Ài yi bɔ ai tɛma ka falan ai la. Ài do k'ài bolo tuu fen kɔsɔnin foi la, wo vɛ kɛla, ǹ kɛtɔ m̀ bolo siila ài kɔlɔ.

Galatiyakalu 3:13

Masa Tɔɔmasenin ka mɔ kunmaka ka mɔ bɔ seliya ya daan kɔlɔ, kamasɔlɔn a k'a jɛlɛ bila daan kɔlɔ maa ko le lɔ, iwo a sɛvɛnin teme kitabu kɔnɔ, ko: «Mɔɔ mɔɔ si su dɛnnin kɔlɔman na, wo tii daanyine.»

Ɛfɛsikalu 5:9

Kamasɔlɔn ɲumaya ni telenmandeya ni tuɲandeya suu bɛ yi nala kɛnɛya le fɛ.

Filipikalu 1:11

k'ài dafa telenmandeya tɔnɔ la min yi nala Masa Tɔɔmasenin Isa fɛ, fɔsa buɲali ni tanuli yi kɛ Ala yɛ.

Kɔlɔsikalu 2:14

Kamasɔlɔn jalaki sɛvɛ min ladannin tɛɛ mɔ kanma ka bɛn maa seliya tiɲako ma, Ala ka wo bɛ laben k'a bɔ je, ka sɛvɛ wo gbaan Masa Tɔɔmasenin gbaankɔlɔman ma.

Kɔlɔsikalu 2:20

Ni àilu ni Masa Tɔɔmasenin vɛ sa kelen ne, ani ài la vɛ fɛlɛ ka bɔ dunuɲa fangatii yenbalilu ya seetiiya kɔlɔ, wo lɔ, mindɛ lɔ ài y'a kɛla iwo dunuɲa ta le ài le, k'ài fanmajii tɔn minu yɛ hali bi, ko:

Kɔlɔsikalu 3:3

kamasɔlɔn ài vɛ sa, ado àiya niimaya ladalonin Masa Tɔɔmasenin ne fɛ Ala ya foniseleya lɔ.

Hebululu 10:10

Mɔ la vɛ sɛnɛya ka bɛn Ala sawonanko wo ma, kamasɔlɔn Masa Tɔɔmasenin Isa k'a falikolo bɔ salaka le siɲa kelen ne le ka ban.

Hebululu 10:5

Wo le y'a ma, Masa Tɔɔmasenin tɛɛ na boloma dunuɲa mingɛ, a k'a fɔ Ala yɛ, a vɛɛ: «I tɛ salaka ni niilifennu kɔ, mafɔ i na falikolo min lɔbɛnna ǹ yɛ.

Hebululu 12:13

ka siya telenninu ladan ài sennu yɛ, fɔsa minu yi jiila ai tɔɔ ma, wolu sen kana mua, mafɔ ka basi.

Hebululu 7:26

Salakalase kuntiiba min ne bɛnnin mɔ ma feu! A sɛnɛyayine, fɛɛ suu suu tɛ a la, kumatɛ kɔsɔ ma. A majaanyine julumbutɔlu la, k'a kɔlɔta haan fɔɔ ka timin sangbolo dan bɛ la poon.

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

Janguba 5:16

Wo lɔ saa, ài y'ài dalabɔ àiya julumbulu la i ɲɔɔ ɲakɔlɔ, ani ka Ala dali i ɲɔɔ yɛ, fɔsa ài yi kɛnɛya sɔlɔn. Fanga ba le yi telenmande ya Aladali la, a do yi ko ɲiala kosɛvɛ.

1 Yohana 2:29

Ni ài k'a lɔn ko telenmande le a le, wo lɔ, ài yi la a la ko mɔɔ min yi taamana telenmandeya lɔ, wo tii vɛ sɔlɔn kula kɛ a bolo.

1 Yohana 3:7

Ǹ dennu, ài kà diɲa mɔɔ mɔɔ y'ài lafili. Mɔɔ min yi taamana telenmandeya lɔ, wo tii telenyine iwo Isa gbu telennin teme.

Ko Lankɛnɛmayanin 22:2

ka woyo so siyaba tɛma. Niimaya kɔlɔman yi je kɔɔ fan fila bɛ lɔ. Wo do y'a den kɛla siɲa tan ni fila (12) le le san kɔlɔ, a a den suu gbɛlɛ le kɛla kalo o kalo. A do filabululu yi je dunuɲa siboloma bɛ basiko le lɔ.