1 Piyɛli 2:12 - Ala Ya Salatikan Kula Kitabu

¹² Ài taamaɲa yi keinya Alalɔnbalilu tɛma, fɔsa hali ni ai k'ài mafin, ko koyonkɛba le ài le, ai y'ài kɛko ɲumalu ye ka magbiliyali di Ala ma a nalon.

1 Piyɛli 2:12 ပူးပေါင်းရင်းမြစ်များ

Matiyu 10:25

Ni kalannaden ka se aa kalanmɔɔ lɔ, wo vɛ je bɔ. Ni do jɔn ka se aa jɔnfa lɔ, wo vɛ je bɔ. Ni ai k'a fɔ lutii kɛmɔba ma ko Biyɛzɛbɔ, a lagbɛyine feu ko ai kɛtɔ wo tii ya bonnamɔɔlu mafinna ka timin wo la!

Matiyu 5:11

«Duwawuden ne ài le ni mɔɔlu k'ài jɛvɛ, k'ài jangata, ka tɔɔla ài la, ani ka kuma yon suu bɛ fɔ ài ma ǹa ko lɔ.

Matiyu 5:16

Àiya kɛnɛya yi bɔ ten mɔɔlu ɲakɔlɔ, fɔsa ai y'ài kɛko keinnu ye k'ài Fa magbiliya min yi haijɛnɛ.»

Matiyu 9:8

Jama ka wo ye mingɛ, ai ka siyan. Ai do ka Ala tanu, kamasɔlɔn ale le na seetiiya min suu dila adamadennu ma.

Luka 1:68

«Tanuli yi mɔ Tii yɛ, Bani Isilankalu Tii Ala, kamasɔlɔn a nanin aa mɔɔlu madɛmɛnko lɔ k'ai kunmaka.

Luka 19:44

Ai kɛtɔ ile ni iya mɔɔlu halakila, hali iya kawakulun fila gbu tɛnala tola i ɲɔɔ kɔkan, kamasɔlɔn Ala nanin bɔla i ma waate min nɔ, i ma wo lon jate ko le!»

Luka 6:22

«Duwawuden ne ài le, ni mɔɔlu k'ài lagbeyaɲɛ, k'i ban ài lɔ, k'ài nɛnin, ani k'ài tɔɔyon fɔ ka bɛn Mɔɔnivin Tanin ya ko ma.

Yohana 13:31

Judasi bɔ kɔ, Isa k'a fɔ ai yɛ, a vɛɛ: «Mɔɔnivin Tanin ya magbiliyali la vɛ nkɛnɛmaya butu, ado Ala fana vɛ aa magbiliyali lankɛnɛmaya ale le fɛ.

Kɛkolu 15:14

Simɔn Piyɛli n'a ɲafɔla mɔ yɛ, Ala na a hangili bilala teme siboloma gbɛlɛ mɔɔlu lɔ kunfɔlɔ le, k'ai dɔlu kɛ a ta le.

Kɛkolu 24:13

Mɔɔ minu yi ǹ jalakila ko minu la yi ne, ai tɛ se a jiyala ko wolu yi tuɲa le le.

Kɛkolu 25:7

Pɔli nanin, Jahudiya minu tɛɛ vɛ bɔ Jelusalɛmu, wolu k'i lɔ a laminin nɔ k'a jalaki damina koyon ba siyama la, k'a talan ai ma se tuɲa jiyala ka bɛn wo suu suu ma.

Kɛkolu 28:22

Kɛɛ m'a fɛ k'ile gbu lamɛn k'i miliya lɔn, kamasɔlɔn mɔ k'a lɔn i yi diina kula siya min kɔkan, mɔɔlu yi wo tɔɔ yon ne fɔla fan bɛ lɔ.»

Lɔmukalu 12:17

Ni mɔɔ ka koyon kɛ ài la, ài kà wo julu sala koyon ne. Mafɔ, ài y'ài lɔja ka kolu kɛ minu ɲumayanin bɛ ɲakɔlɔ.

Lɔmukalu 13:13

Ài m'i taama mɔɔsɔvɛya boloma iwo m'i taamana teme tele gba la. Ài m'i mɔ jɛlɛ matanga dannatimin tolonnu ma, ani gbɛtɔya, ani kanukɛko, ani malobaliya, ani sɔsɔyalilu, ani keleya.

Lɔmukalu 14:18

Mɔɔ min yi baalela Masa Tɔɔmasenin yɛ boloɲa min ma, wo tii ya ko diyayine Ala yɛ. A do yi tanuli sɔlɔnne mɔɔlu bolo.

Lɔmukalu 15:9

A na wo kɛla kɔtunun fɔsa siboloma gbɛlɛ mɔɔlu yi Ala tanu ka bɛn aa henandeya ma, iwo a sɛvɛnin kitabu kɔnɔ teme, ko: «Wo le n'a kɛla, ǹ kɛtɔ i tanula siboloma gbɛlɛ mɔɔlu tɛma, ani ka baiti la i tɔɔ buɲako lɔ.»

1 Kolɛntikalu 14:25

A do kɔnɔlɔkolu kɛtɔ bɔla gbɛ la. Wo lɔ, a kɛtɔ a mabilinna duu ma ka Ala bato, a vɛɛ: «Tuɲa le, Ala y'ài tɛma!»

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

2 Kolɛntikalu 13:7

Wo bɛ n'a kɛ, m'i Ala dalila fɔsa ài kana koyon suu suu kɛ. A tɛ k'a fɔ ko m'a fɛ le k'a jiya ko lɔsumani diyayine mɔ la, mafɔ m'a fɛ le ài yi kokein kɛ, hali ni a kɛnin ka kɛ iwo mɔ vɛ koli.

2 Kolɛntikalu 8:21

Kamasɔlɔn m'a fɛ le mɔ taamaɲa yi bɛn mɔ Tii ɲakɔlɔ, ani mɔɔlu.

Ɛfɛsikalu 2:3

Tuɲa le, mɔ bɛ tɛɛ taamana siya kelen wo le kɔkan kɔlɔman ne, mɔ vɛ kolu kɛla ka bɛn mɔ falikolo niikanukolu ma. Ko min lɔɔ tɛɛ vɛ kɛla mɔ falikolo ni mɔ miliya la, mɔ tɛɛ wo le kɛla. Ka bɛn mɔ dajoo minu ma, mɔ tɛɛ vɛ don Ala ya mɔnɛya kɔlɔ, iwo adamaden tɔlu.

Ɛfɛsikalu 4:22

ko ài y'ài dajoo kɔlɔ dabila, ài tɛɛ min ya siya lataamana kɔlɔkɔlɔ le, min lɔ yi tiɲala ka bɛn a mɔɔmanɛɛ nata yonnu ma.

Filipikalu 1:27

Kɛɛ fɔ ài taamaɲa yi bɛn Masa Tɔɔmasenin ya Samakan Kein ma. Wo vɛ kɛla, ǹ ka na ài fɛlɔ o, m̀ ma na ài fɛlɔ o, ǹ kɛtɔ a mɛnna ko ài lɔnin kili miliya kelen nɔ, ka sɛɛ kɛ i ɲɔɔ fɛ ka bɛn Samakan Kein ma limaniya lɔ.

Filipikalu 4:8

Ka ǹa kuma laban m̀ badenmalu, ǹ'a fɛ ài yi kɛ ài milila ko minu ma, wolu le ne: ko minu yi tuɲa le, magbiliyalikolu, kotelenninu, kosɛnɛyaninnu, kokeinnu, kobɛnninu, ani ko minu ni matɔɔli kaannin.

1 Tɛsalonikakalu 4:12

Wo vɛ kɛla, ài taamaɲa yi bɛnne limaniyabalilu ɲakɔlɔ, ài do tɛnala ài bolomalala mɔɔ mɔɔ si ma.

1 Timote 2:2

Ài m'i Ala dali masakɛlu ni jamana ɲamɔɔlu bɛ yɛ, fɔsa m'i maa dunuɲalɔtɛɛ kɛ josolajii ni hɛlɛ lɔ, Alaɲasiyanɲɛ ni mɔɔsɔvɛya lɔ.

1 Timote 4:12

I kà diɲa mɔɔ mɔɔ yi jɔ i ma ka bɛn iya fɔningeya ma, mafɔ i yi kɛ misali le limaniyamɔɔlu yɛ i kumaɲa lɔ, ani i kokɛɲa, ani iya kanundeya, ani iya limaniya, ani iya sɛnɛya.

1 Timote 5:10

A mangutu yi lɔn aa koɲumakɛko lɔ, ko a na a dennu lasonna kobɛn, ka lonalu lɔmina kobɛn, ka mumininnu madɛmɛn fanmajii boloma, ka mɔɔ tɔlɔyaninnu makolu laɲia, ani k'a jɛlɛ di koɲuma suu bɛ dɔ kɛko lɔ.

Hebululu 13:18

Ài yi to Ala dalila mɔ yɛ. Mɔ lanin a la k'a fɔ mɔ josolɔgbɛyine, kamasɔlɔn a lɔɔ yi mɔ la mɔ taamaɲa yi bɛn ko bɛ lɔ.

Hebululu 13:5

Ài yi wɔliko nata bɔ àiya dunuɲalɔtɛɛ lɔ, ài sɔlɔnfennu y'ài ɲɛnɛ, kamasɔlɔn Ala n'a fɔla, a vɛɛ: «Ǹ tɛnala i bilala, kumatɛ ka m̀ ban i lɔ.»

Janguba 3:13

Jene yi lɔnnila ni hangilima le ài tɛma? Fɔ wo tii y'a jiya a taamaɲa ɲuma fɛ ko a a kɛkolu kɛla fanmajii le lɔ hangilimaya boloma.

1 Piyɛli 2:15

Kamasɔlɔn Ala a fɛ ài kɛko ɲumalu yi kɛ sabu le ka mɔɔ kolonnu ya kuma fuunnu lɔsa.

1 Piyɛli 3:16

Kɛɛ ài y'ai javi buɲali ni sɔniyali boloma, k'ài joso sɛnɛyanin to, fɔsa mɔɔ minu y'ài mafinna ka bɛn ài taamaɲa ɲuma ma Masa Tɔɔmasenin ya kafonɲɔɔya lɔ, wolu yi maloya.

1 Piyɛli 4:11

Mɔɔ min yi kawanili kɛla, fɔ wo tii y'a kɛ iwo a yi Ala gbu le kumakannu lasena. Mɔɔ min do yi madɛmɛli kɛla, fɔ wo tii y'a kɛ ka bɛn fanga ma min dinin a ma Ala bolo, fɔsa Ala yi magbiliyali sɔlɔn ko bɛ lɔ Masa Tɔɔmasenin Isa sabu la, magbiliyali ni seetiiya yi min ta le waate bɛ ani habadan. Amiina!

2 Piyɛli 3:11

Komi fen wolu bɛ kɛtɔ halakila ten ne, ài ka kan ka kɛ mɔɔ suu mindɛ le wo lɔ? Fɔ ài yi kɛ taamana sɛnɛyali ni Alaɲasiyanɲɛ bolo le ma,