1 Piyɛli 2:1 - Ala Ya Salatikan Kula Kitabu

¹ Wo lɔ saa, ài yi koyon suu bɛ dabila, ani janvandeya, ani filangafoya, ani keleya, ani tɔɔfɔlikolu bɛ.

1 Piyɛli 2:1 ပူးပေါင်းရင်းမြစ်များ

Matiyu 15:7

Àilu filangafolu, Nabi Ezayi na kelayakuma minu fɔla ka bɛn ài ma, tuɲa le. A do ka Ala kumakan sɛvɛ, ko:

Matiyu 23:28

Wo boloɲa kelen ma, ài kɛnin mɔɔlu ɲana iwo telenmandelu, k'a talan ài kɔnɔlɔ fanin filangafoya ni koyon na.

Matiyu 24:51

Wo do kɛtɔ a lɔtɛɛtɛɛla k'a kafon filangafolu kɔkan, a kasitɔ k'a ɲii sii i ɲɔɔ na dimin bolo je.»

Matiyu 7:5

Ile filangafo! Fɔ i yi jilifɛlɛn bɔ i jɛlɛkanu ɲa ma kunfɔlɔ le. Wo vɛ kɛla, i kɛtɔ yeni kɛla kobɛn ka jilimuu bɔ i badenma ɲa ma.

Malɛkɛ 12:15

Kɛɛ Isa tɛɛ ka aiya filangafoya lɔn. Wo lɔ, a vɛɛ: «Mindɛ lɔ ài yi ǹ lɔsumana? Ài yi na wɔligbana dɔ le, ǹ'a lasaa.»

Luka 11:44

Gbalo yi àilu Falisilu yɛ! Kamasɔlɔn ài kɛyine iwo kabulu tɔɔmasebali, mɔɔlu yi taamana min kɔkan, ai do m'a lɔn ko kabulu le.»

Luka 12:1

Wo waate lɔ, mɔɔ waa jilika k'ai ladɛn Isa laminin nɔ haan fɔɔ ai v'i lɔla i ɲɔɔ kɔkan. Isa do ka kuma a kɔbiladennu yɛ kunfɔlɔ le, a vɛɛ ai yɛ: «Ài y'ài jando ài jɛlɛ lɔ ka bɛn Falisilu ya bululafununsɛɛ ma, min yi filangafoya le.

Luka 6:42

Ni i tɛ jilifɛlɛn yena i jɛlɛkanu ɲa ma, i yi se a fɔla i badenma yɛ di: ‹I yi lɔ, ǹ'i jilimuu bɔ i ɲa ma›? Ile filangafo! Fɔ i yi jilifɛlɛn bɔ i jɛlɛkanu ɲa ma kunfɔlɔ le. Wo vɛ kɛla, i kɛtɔ yeni kɛla kobɛn ka jilimuu bɔ i badenma ɲa ma.»

Yohana 1:47

Isa ka Nataniyɛli natɔla ye a ma mingɛ, a ka kuma ka bɛn a ma, a vɛɛ: «Bani Isilanka gbugbu le min ne, min joso lɔgbɛnin.»

Lɔmukalu 1:29

Ai josokun lafanin tɛɛ telenbaliyako suu bɛ dɔ la, ani koyon, ani natabaya, ani juuya, ani keleya, ani mɔɔfaako, ani mɔɔwotɛfalanko, ani janvandeya, ani kɔnɔlɔgbeya. Tɔɔfɔlikɛba le ai le,

1 Kolɛntikalu 14:20

M̀ badenmalu, ài hangili kà kɛ iwo dennilu. Koyon ta fannɔ, ài yi kɛ iwo denɲanin, kɛɛ hangilimaya ta fannɔ, ài yi kɛ kɛmɔbalu le.

1 Kolɛntikalu 5:8

Wo le y'a ma, ài m'i selilon wo kɛ, kɛɛ mɔ kà a kɛ bululafununsɛɛ kɔlɔ le, min taanin kɛla kɔnɔlɔgbeya ni koyon ne. Mafɔ, a yi kɛ bulu fununbali le le, min taanin kɛla josolɔgbɛya ni tuɲandeya le.

2 Kolɛntikalu 12:20

M̀'ɛ siyan k'a fɔ ko ni ǹ ka taa ài fɛlɔ, ǹ kɛtɔ ài talanna boloɲa dɔ ma min tɛnala bɛnna m̀ ma. Ado àilu fana kɛtɔ ǹ yena boloɲa dɔ ma min tɛnala bɛnna ài ma. M̀'ɛ siyan k'a fɔ ko ǹ kɛtɔ sɔsɔyali talanna ài tɛma, ani keleya ni josobɔ ni jɛlɛlafisaya ni tɔɔtiɲali ni mafɔli ni fannɔbaya ani sɔɔnsɔɔn.

Ɛfɛsikalu 4:31

Wo lɔ, ài yi josolakuna dabila, ani josobɔ, ani mɔnɛ, ani wɔyɔ, ani tɔɔtiɲali, ani kɔnɔlɔgbeya suu bɛ.

1 Tɛsalonikakalu 2:3

Mɔ do tɛ maa kawanili kɛla ka bɛn mɔɔlafiliko ma, niwotɛ miliya yon ma, niwotɛ mɔɔmajuwayako ma.

1 Timote 3:11

Wo boloɲa kelen ma, ai mosolu yi kɛ mɔɔ sɔvɛlu le. Ai kà kɛ tɔɔtiɲabalu le, mafɔ jɛlɛlɔminamɔɔlu minu yi lanande le ko bɛ lɔ.

Tite 2:3

Wo boloɲa kelen ma, i y'a fɔ mosokɔlɔbalu yɛ ko ai yi Ala buɲa ai kokɛɲalu lɔ. Ai kà kɛ tɔɔtiɲalikɛba le. Ai do kà gbɛ buba min ka kɛ gbɛ ya jɔn ne. Mafɔ, ai yi mɔɔlu kalan koɲuma la,

Hebululu 12:1

Komi mɔ lamininnin sele jama ba suu min ne, wo le y'a ma, ài m'i ko bɛ to je min yi mɔ lasumayala ani julumbu minu ta diyanin mɔ bolo, fɔsa m'i se bɔli manɔla min latɛɛnin mɔ ma,

Janguba 1:21

Wo le y'a ma, ài yi kokɔsɔnin ni dannatimin yon bɛ dabila, k'ài bolo sii Ala kumakan kɔlɔ fanmajii boloma, a na min donna ài josokun nɔ, min yi se k'ài nunakili lakisi.

Janguba 3:14

Kɛɛ ni keleya yon ni jɛlɛlafisaya ka kɛ ài josokun nɔ, wo vɛ kɛla, ài kà ài waso k'ài ban tuɲa lɔ.

Janguba 4:11

M̀ badenmalu, ài kà kuma yon fɔ i ɲɔɔ ma. Mɔɔ min vɛ kuma yon fɔla a badenma ma niwotɛ ka a kiti, wo tii yi kuma yon fɔla Ala ya seliya le ma ka a kiti. Ni mɔɔ min vɛ seliya kitila, wo tii t'a latelenna, mafɔ k'a jɛlɛ kɛ kititɛɛba le a kunna.

Janguba 4:5

Jalasa a ài kɔnɔ ko kuma min kun t'a la min sɛvɛnin kitabu kɔnɔ, ko: «Ala na nii min bilala mɔ lɔ, a yi wo makeleyala bubale»?

Janguba 5:9

M̀ badenmalu, ài k'ài makasi i ɲɔɔ kan, fɔsa kiti kana bila ài la. Ài y'a ye, Kititɛɛba lɔnin donda la!

1 Piyɛli 2:16

Ài yi taama iwo mɔɔ lafɛlɛnilu, kɛɛ àiya lafɛlɛ wo kà kɛ àiya koyonnu doonko le. Ài do yi taama iwo Ala ya jɔnnu.

1 Piyɛli 2:22

A ma julumbu foi ta, ado janvakan foi ma bɔ a da.

1 Piyɛli 3:10

A sɛvɛnin tan ne kitabu kɔnɔ, ko: «Ni mɔɔ min y'a fɛ ka niimaya diyabɔ, ani ka hɛlɛlonnu ye, fɔ wo tii y'a nɛɛ matanga kuma yon fɔko ma, ani k'a da matanga janvandeyako ma.

1 Piyɛli 4:2

Wo le y'a ma, a sɔnjanin tɛ adamaden niikanukolu le butu aa dunuɲalɔtɛɛ tɔ bɛ lɔ, mafɔ Ala sawonankolu.

1 Piyɛli 4:4

Àiya ko vɛ Alalɔnbalilu kawakoya, kamasɔlɔn ài tɛ lala ai kɔkan butu aiya manamanakolu lɔ, wo le n'a kɛla, ai y'ài tɔɔ yon fɔla yi ne.

Ko Lankɛnɛmayanin 14:5

Faɲafɔ kuma ma sɔlɔn ai da feu, kamasɔlɔn jalakibali le ai le.