1 Piyɛli 1:8 - Ala Ya Salatikan Kula Kitabu

⁸ Ài ma Isa ye ba bene, kɛɛ ài y'a kanula. Ài do ɲa t'a la yi ne, kɛɛ ài limaniyanin a ma. Wo ma, àiya kɔnɔlɔdiya magbiliyaɲa jate ɲa tɛ se fɔla,

1 Piyɛli 1:8 ပူးပေါင်းရင်းမြစ်များ

Matiyu 10:37

«Ni mɔɔ min ka a fa niwotɛ a ba kanu ka timin ǹ na, wo tii ni ǹa kɔbiladenya kaannin tɛ. Ni mɔɔ min ka a denkɛ niwotɛ a denmoso kanu ka timin ǹ na, wo tii ni ǹa kɔbiladenya kaannin tɛ.

Yohana 14:15

Isa vɛɛ kɔtunun: «Ni ài yi ǹ kanula, ài kɛtɔ ǹa jamalilu labatola.

Yohana 14:21

Ǹa jamalilu vɛ kɛla mɔɔ min bolo, a do y'ai labatola, wo tii le yi ǹ kanula. Mɔɔ min do vɛ ǹ kanula, ǹ Fa kɛtɔ wo tii le kanula. Ǹe fana kɛtɔ wo tii kanula ka ǹ jɛlɛ jiya a la.»

Yohana 14:24

Ni mɔɔ min do ma ǹ kanu, wo tii tɛnala ǹ kumakan labatola. Ài yi kuma min mɛnna yi ne, wo ma bɔ ǹe gbu lɔ, mafɔ ǹ Fa min na ǹ kelayala.

Yohana 16:22

Àilu fana yi ten ne: Ài niila vɛ fin butu, kɛɛ ǹ kɛtɔ ài yena kɔtunun. Wo vɛ kɛla, ài kɔnɔlɔ yi diyale, ado mɔɔ foi tɛnala sena kɔnɔlɔdiya wo bɔla ài bolo.

Yohana 20:29

Isa do vɛɛ a yɛ: «Jalasa i vɛ limaniya ka bɛn ǹ yenko ma? Duwawuden ne mɔɔ wolu le, minu vɛ limaniya k'a talan ai ma ǹ ye.»

Yohana 8:42

Isa vɛɛ ai yɛ: «Ni Ala tɛɛ vɛ kɛla ài fa bɛlɛbɛlɛ le, ǹa ko tɛɛ diyale ài yɛ, kamasɔlɔn m̀ bɔnin Ala le fɛlɔ ka na. M̀ ma na ǹe gbu ya seetiiya lɔ, mafɔ ale le na ǹ kelayala.

Kɛkolu 16:34

A do ka taa Pɔli ni Silasi le aa bon na, k'ai faana. Sawa ba le tɛɛ ale ni aa bonnamɔɔlu bɛ la, kamasɔlɔn ai tɛɛ vɛ limaniya Ala ma.

Lɔmukalu 14:17

Kamasɔlɔn Ala ya masaya tɛ dɔnni ni minni ko le, mafɔ telenmandeya ani josolajii ani josoladiya, Nii Sɛnɛyanin yi minu dila.

Lɔmukalu 15:13

Ala min yi jeisii dila, wo y'ài josoladiya k'ài josolajii bɛlɛbɛlɛ kɛ àiya limaniya fɛ, fɔsa a dɔ yi to lala àiya jeisii kɔkan ka bɛn Nii Sɛnɛyanin ya seetiiya ma.

1 Kolɛntikalu 16:22

Ni mɔɔ min tɛ mɔ Tii kanula, wo tii daanyine. Malanata (Na vɛ, mɔ Tii)!

2 Kolɛntikalu 1:22

ka tɔɔmase bila mɔ ma, ani ka Nii Sɛnɛyanin don mɔ josokun nɔ iwo tɔima ka bɛn koɲuma natɔlu ma.

2 Kolɛntikalu 12:4

A ka to kunnadiyaso la, a ka ko dɔlu mɛn, mɔɔ tɛ se minu ɲafɔla, ani minu fɔko ladaannin tɛ adamadennu yɛ.

2 Kolɛntikalu 4:18

Wo le y'a ma, mɔ ɲa lɔnin tɛ fen yentalu lɔ, mafɔ fen yenbalilu. Kamasɔlɔn fen yentalu bantɔle, kɛɛ fen yenbalilu tɛnala banna habadan.

2 Kolɛntikalu 5:7

M'i taamana limaniya le boloma, ɲala yeni tɛ.

2 Kolɛntikalu 9:15

Tanuli yi Ala yɛ aa niilifen ya ko lɔ, min ɲɔɔzii tɛ.

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

Ɛfɛsikalu 3:19

ani ka aa kanundeya wo lɔn, min timinnin lɔnni bɛ la, fɔsa àiya ko bɛ da yi fa ka bɛn Ala ya kojatesiininnu dafaɲa bɛ ma.

Ɛfɛsikalu 6:24

Mɔɔ minu yi mɔ Tii Masa Tɔɔmasenin Isa kanula kanundeya banbali le, Ala ya nɛɛma yi kɛ wolu bɛ yɛ.

Filipikalu 1:25

Komi ǹ lanin wo le la, wo lɔ, ǹ k'a lɔn ne ǹ kɛtɔ tola ǹ nii la ka kɛ a dɔ kafonna àiya limaniya kɔkan ani aiya sawa kɔkan limaniya lɔ.

Filipikalu 3:3

Ǹu koni yi mɔɔ makɛnɛkɛnin bɛlɛbɛlɛ le le, ǹu minu yi Ala batola ka bɛn a Nii Sɛnɛyanin ma, ka mɔ ɲalɔkɛnɛya Masa Tɔɔmasenin Isa ya kafonɲɔɔya lɔ, ani ǹu minu bolomalanin tɛ mɔ jɛlɛkanu falikolo ya kolu ma.

Filipikalu 4:4

Ài yi sawa mɔ Tii ya kafonɲɔɔya lɔ. Ǹ'a fɔla yi ne kɔtunun, ài yi sawa!

Hebululu 11:1

Limaniya kɔlɔ le ko ka gbɛ ko ma, mɔ jei siinin min na, ani ka la ko la, mɔ tɛ min yena.

Hebululu 11:27

Nabi Musa ya limaniya le na kɛla sabu le, a ka bɔ Misilan, a do ma siyan masakɛ ya mɔnɛ ɲa. A k'i lɔja sawali boloma iwo a ɲa lɔnin vɛ Ala lɔ, mɔɔ tɛ se min yena.

1 Piyɛli 1:6

Wo le àiya kɔnɔlɔdiya le, hali ni a kɛɲa gbɛlɛ tɛ je, fɔ ài josoma yi kasi waateni kɔlɔ ka bɛn lɔsumali suu bɛ dɔ ma.

1 Piyɛli 2:7

Kawakulun min kulugbeleyayine àilu limaniyamɔɔlu bolo, kɛɛ limaniyabalilu koni, a sɛvɛyine ài ma, ko: «Bonlɔbalu n'ài banna kawakulun min nɔ, wo le kɛnin bon tongun kawakulun ne.»

1 Piyɛli 5:4

Wo vɛ kɛla, saakunnasii kuntiiba la vɛ nkɛnɛmayala lon min na, ài kɛtɔ masayafula nɔɔlɔnin sɔlɔnna min dalaya tɛnala banna tuun.