1 Piyɛli 1:3 - Ala Ya Salatikan Kula Kitabu

³ Tanuli yi Ala yɛ, min yi mɔ Tii Masa Tɔɔmasenin Isa Fa le! Ka bɛn aa henandeya ba ma, mɔ vɛ sɔlɔn kula kɛ ka jeisii ɲɛnɛma sɔlɔn Masa Tɔɔmasenin Isa lawuliko sabu la ka bɔ saya lɔ.

1 Piyɛli 1:3 ပူးပေါင်းရင်းမြစ်များ

Yohana 1:13

Ai ma kɛ Ala den ne iwo adamadennu yi den sɔlɔnna teme. Ai do ma sɔlɔn ka bɛn mɔɔlu sawo ma, mafɔ Ala sawo.

Lɔmukalu 12:12

Ài yi sawa ka bɛn ài jeisii ma, ka tɔlɔyalu mina ài ma sawali boloma, ka kɛ Ala dalila kudein.

Lɔmukalu 15:13

Ala min yi jeisii dila, wo y'ài josoladiya k'ài josolajii bɛlɛbɛlɛ kɛ àiya limaniya fɛ, fɔsa a dɔ yi to lala àiya jeisii kɔkan ka bɛn Nii Sɛnɛyanin ya seetiiya ma.

Lɔmukalu 4:25

Isa donnin tɛɛ saya bolo ka bɛn maa julumbulu le ma, ka ban k'i wuli kɔtunun fɔsa m'i jate telenmande le Ala ɲakɔlɔ.

Lɔmukalu 5:10

Ala juu le tɛɛ mɔ le, kɛɛ a na ale ni ǹu wotɛbɛnna a Denkɛ ya saya le fɛ. Komi mɔ wotɛ vɛ bɛn butu, a lagbɛyine feu ko mɔ kɛtɔ kisila a Denkɛ ya niimaya le fɛ.

Lɔmukalu 8:11

Ala min na Masa Tɔɔmasenin Isa lawulila ka bɔ saya lɔ, ni wo Nii Sɛnɛyanin lasawatinin ka kɛ ài lɔ, ale Ala kelen ne kɛtɔ niimaya dila ài fali satalu ma a Nii Sɛnɛyanin sabu la, min lasawatinin ài lɔ.

Lɔmukalu 8:24

Mɔ la vɛ kisi jeisii min fɛ. Ado i jei siinin ko min na, ni i vɛ wo yena, i t'a fɔla wo ma ko: «Ǹ jeisii». Jene jei siinin ko dɔ la, a vɛ ban min yena?

1 Kolɛntikalu 13:13

Wo le y'a ma yi ne, ko sawa le yi je minu totɔ je habadan: limaniya, jeisii, ani kanundeya. Kɛɛ a bɛ lɔ bubata le kanundeya le.

1 Kolɛntikalu 15:20

Kɛɛ tuɲa le, Masa Tɔɔmasenin la vɛ lawuli ka bɔ saya lɔ, ka kɛ mɔɔ lawulinin kunfɔlɔ le mɔɔ saninnu tɛma.

2 Kolɛntikalu 1:3

Tanuli yi Ala yɛ, min kɛnin mɔ Tii Masa Tɔɔmasenin Isa Fa le, ale min yi mɔɔmaɲumayenba le, ado Ala le yi mɔ masawalila boloɲa suu bɛ ma.

Galatiyakalu 6:16

Hɛlɛ ni hena yi kɛ mɔɔ bɛ yɛ minu yi siya min lataamana, ani Ala ya Bani Isilankalu.

Ɛfɛsikalu 1:17

Mɔ Fa Nɔɔlɔtii, min kɛnin mɔ Tii Masa Tɔɔmasenin Isa Tii Ala le, ǹ'i wo dalila, ǹ ko, a yi hangilimaya di ài ma, ka kolu lankɛnɛmaya ài yɛ fɔsa ài y'a lɔn a ɲa gbugbu ma.

Ɛfɛsikalu 1:3

Tanuli yi Ala yɛ, min kɛnin mɔ Tii Masa Tɔɔmasenin Isa Fa le. Komi mɔ kafonnin Isa kɔkan, Ala vɛ duwawu suu bɛ dɔ kɛ mɔ yɛ haijɛnɛ dingilalu lɔ.

Ɛfɛsikalu 1:7

Mɔ do kunmakanin a jeli bɔnko le fɛ, ani maa hakɛlu lɔ vɛ koto ka bɛn aa nɛɛma dafanin ne ma,

Ɛfɛsikalu 2:4

Kɛɛ wo bɛ n'a kɛ, Ala min ya henandeya walanin, a na kanundeya ba le jiyala mɔ la.

Ɛfɛsikalu 3:20

Tanuli yi Ala yɛ, a see yi min yɛ ka ko bɛ kɛ mɔ yɛ ka timin maa daili ni mɔ miliya bɛ la, ka bɛn aa foniseleya ma min yi baalela mɔ lɔ.

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

Kɔlɔsikalu 1:27

Ala n'a jatesiila ko k'ai lalɔnni gbonoko wo la, min do makawanin ka gbiliya dunuɲa siboloma bɛ ɲakɔlɔ. Gbonoko wo le min ne: Masa Tɔɔmasenin y'ài josokun nɔ, ale min àiya nɔɔlɔ sɔlɔnko jeisii le.

1 Tɛsalonikakalu 1:3

Mɔ Fa Ala ɲakɔlɔ, mɔ hangili toyine ài kɛkolu lɔ limaniya lɔ, ani àiya baalelu kanundeya lɔ, ani àiya sawali ka bɛn ai jeisiiko ma mɔ Tii Masa Tɔɔmasenin Isa la.

1 Tɛsalonikakalu 4:13

Mɔ badenmalu, mɔ t'a fɛ le ài yi to divi lɔ ka bɛn mɔɔ saninnu ya ko ma, alako ài josoma kana kasi iwo jeisiibalilu.

2 Tɛsalonikakalu 2:16

Mɔ Tii Masa Tɔɔmasenin Isa gbu ni mɔ Fa Ala, min na mɔ kanula ka habadan josolajii ni jeisii ɲuma di mɔ ma aa nɛɛma lɔ,

1 Timote 1:14

Mɔ Tii na ǹ sɔla aa nɛɛma sɔ bɛlɛbɛlɛ kɛ, ka limaniya ni kanundeya di m̀ ma minu yi sɔlɔnna Masa Tɔɔmasenin Isa ya kafonɲɔɔya lɔ.

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

Hebululu 3:6

Kɛɛ Masa Tɔɔmasenin ka kɛ lanande le iwo denkɛ min siinin Ala ya bon kunna. Mɔ do kɛnin aa bon ne le, ni mɔ bolo ka to maa lanaya la kpekpe, ani maa ɲalɔkɛnɛya jeisii la.

Janguba 1:18

Ka bɛn a jɛlɛkanu sawonanko ma, a ka mɔ sɔlɔn kula kɛ aa tuɲa kuma sabu la, fɔsa m'i lɔya kunfɔlɔ sɔlɔn aa dannifennu bɛ tɛma.

1 Piyɛli 1:13

Wo ma yi ne, ài y'ài hangili sii k'ài kɛ jɛlɛlɔminamɔɔlu le. Ài y'ài jei sii nɛɛma wo la kosɛvɛ, min ditɔ ài ma Masa Tɔɔmasenin Isa la vɛ nkɛnɛmayala waate min nɔ.

1 Piyɛli 1:21

Ale le kɛnin àiya limaniya sabu le Ala ma, min n'a lawulila ka bɔ saya lɔ ka magbiliyali di a ma, fɔsa àiya limaniya ni ài jeisii yi kɛ Ala le.

1 Piyɛli 1:23

Kamasɔlɔn ài ma sɔlɔn kula kɛ sɛnɛfensi tiɲata sabu la, mafɔ sɛnɛfensi tiɲabali, min kɛnin Ala kumakan ɲɛnɛma le, min yi je kudein.

1 Piyɛli 2:2

Ala kumakan sɛnɛyanin lɔɔ yi kɛ ài la, iwo sinji lɔɔ yi kɛla denɲanin na teme, fɔsa ài la yi sawati kisiko lɔ a sabu la,

1 Piyɛli 3:15

Kɛɛ fɔ ài yi Masa Tɔɔmasenin buɲa ài josokun nɔ iwo ài Tii, k'ài lɔbɛnnin to waate bɛ ài kumanɔbɔko lɔ, ni mɔɔ mɔɔ si k'ài maɲininga ài jeisii ma min y'ài josokun nɔ.

1 Piyɛli 3:21

Ji wo kɛnin makoli misali le le, min àilu fana lakisila yi ne. Wo tɛ nɔɔ bɔla mɔ falikolo ma, kɛɛ a yi jososɛnɛyanin daliko le le Ala la ka bɛn Masa Tɔɔmasenin Isa lawuliko ma ka bɔ saya lɔ,

1 Piyɛli 3:5

Muminin moso minu jei siinin tɛɛ Ala la kɔlɔkɔlɔ le, wolu tɛɛ ai jɛlɛ lakeinyala wo boloɲa le ma, ai vɛ ai fanmajiila ai kɛ́nu yɛ.

1 Yohana 2:29

Ni ài k'a lɔn ko telenmande le a le, wo lɔ, ài yi la a la ko mɔɔ min yi taamana telenmandeya lɔ, wo tii vɛ sɔlɔn kula kɛ a bolo.

1 Yohana 3:3

Ni jeisii wo ka kɛ mɔɔ min bolo, wo tii y'a jɛlɛ lasɛnɛyale iwo Isa sɛnɛyanin teme.

1 Yohana 3:9

Ni mɔɔ mɔɔ ka sɔlɔn kula kɛ Ala bolo, wo tii tɛnala tola julumbu tala, kamasɔlɔn Ala dajoo le y'a la. A do tɛ se tola julumbu tala, kamasɔlɔn a vɛ sɔlɔn kula kɛ Ala bolo.

1 Yohana 4:7

Ǹ diyananmɔɔlu, ài m'i ɲɔɔ kanu, kamasɔlɔn kanundeya bɔnin Ala le lɔ. Mɔɔ min y'a mɔɔɲɔɔ kanula, wo tii vɛ sɔlɔn kula kɛ Ala bolo, a do ka Ala lɔn.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

1 Yohana 5:18

Mɔ k'a lɔn ne ko mɔɔ min vɛ sɔlɔn kula kɛ Ala bolo, wo tii tɛ tola julumbu tala, kamasɔlɔn Ala Denkɛ y'a lakanala, ado Soitana tɛ se foi kɛla a la.

1 Yohana 5:4

Kamasɔlɔn mɔɔ minu vɛ sɔlɔn kula kɛ Ala bolo, wolu bɛ vɛ see sɔlɔn dunuɲa ma. Maa see sɔlɔnko dunuɲa ma, wo le maa limaniya le.