1 Piyɛli 1:2 - Ala Ya Salatikan Kula Kitabu

² Ka bɛn mɔ Fa Ala ya kojatesiininnu ma, a n'ài tala mɔɔlu tɛma kɔlɔkɔlɔ le k'ài kɛ mɔɔ sɛnɛyanin ne Nii Sɛnɛyanin sabu la, fɔsa ài yi kolo Masa Tɔɔmasenin Isa yɛ k'ài lasɛnɛya ka bɛn a jeli bɔnko ma. Nɛɛma ni josolajii la yi sawati ài yɛ bɛlɛbɛlɛ kɛ.

1 Piyɛli 1:2 ပူးပေါင်းရင်းမြစ်များ

Matiyu 24:22

Ni Ala tɛɛ ma wo tɔlɔya waate lɔsulunya, adamaden foi tɛɛ tɛnala kisila. Kɛɛ ka bɛn Ala ya mɔɔ taninnu ma, a kɛtɔ a dɔ bɔla tele wolu la.

Matiyu 24:24

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ba ni kawanankolu kɛla fɔsa Ala ya mɔɔ taninnu la yi fili, ni wo ka se kɛla.

Matiyu 24:31

Wo kɔ, a kɛtɔ aa mɛlɛkalu lataala dunuɲa tongun naani bɛ la buulufɛkan ba le. Ka damina dunuɲa kun ma ka taa sii a juu la, aa mɛlɛkalu kɛtɔ aa mɔɔ taninnu ladɛnna.»

Malɛkɛ 13:20

Ni mɔ Tii tɛɛ ma wo tɔlɔya waate lɔsulunya, adamaden foi tɛɛ tɛnala kisila. Kɛɛ ka bɛn Ala ya mɔɔ taninnu ma, a kɛtɔ a dɔ bɔla tele wolu la.

Malɛkɛ 13:22

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ni kawanankolu kɛla, fɔsa Ala ya mɔɔ taninnu la yi fili, ni wo ka se kɛla.

Malɛkɛ 13:27

Wo kɔ, a kɛtɔ aa mɛlɛkalu lataala dunuɲa tongun naani bɛ la. Ka damina dunuɲa kun ma ka taa sii a juu la, aa mɛlɛkalu kɛtɔ aa mɔɔ taninnu ladɛnna.»

Luka 18:7

Ni Ala ya mɔɔ taninnu ka to ai makasila a yɛ su ni tele, a tɛ jo di ai ma? Jalasa ai madɛmɛnko ma yi tamale?

Kɛkolu 15:18

min lɔnnin m̀ bolo kɔlɔkɔlɔ le.› »

Kɛkolu 2:23

Kɛɛ ka bɛn Ala ya latɛɛ ni lɔnni ma, ài k'a mina k'a don koyonkɛbalu bolo, fɔsa ài y'a gbaan kɔlɔman ma ka faa.

Kɛkolu 20:32

«Tandainɔ yi ne, ǹ'ài kalifala Ala le la ani aa nɛɛma kuma, wo min yi se k'ài lasawati ani ka balayi di ài ma, min ladalonin aa mɔɔ lasɛnɛyaninnu yɛ.

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

Lɔmukalu 1:7

Àilu minu yi Lɔmu so kɔnɔ, Ala na minu kanula k'ài kili k'ài kɛ mumininnu le, ǹ'i lɛtɛlɛ min sɛvɛla ài bɛ le ma. Mɔ Fa Ala ni mɔ Tii Masa Tɔɔmasenin Isa ya nɛɛma yi kɛ ài yɛ, k'ài josolajii.

Lɔmukalu 11:2

Ala m'i ban aa mɔɔlu lɔ, minu lɔnnin tɛɛ a bolo ka ta a damina ma. Ài m'a lɔn min sɛvɛnin kitabu kɔnɔ ka bɛn Nabi Iliya ma, a k'i makasi Ala yɛ teme Bani Isilankalu kanma?

Lɔmukalu 11:28

Samakan Kein ta fannɔ, Bani Isilankalu yi Ala juu le le àiya ko lɔ. Kɛɛ Ala ya mɔɔtako ta fannɔ, a diyananmɔɔ le ai le ka bɛn ai bemanu ma.

Lɔmukalu 15:16

ka ǹ kɛ Masa Tɔɔmasenin Isa ya bɔiden ne siboloma gbɛlɛ mɔɔlu yɛ. Ǹ'i Ala ya salakalase baale le la aa Samakan Kein ya ko lɔ, fɔsa ǹ'i siboloma gbɛlɛ mɔɔlu lase a ma iwo a diyanan salaka, min la vɛ sɛnɛya Nii Sɛnɛyanin sabu la.

Lɔmukalu 16:19

Kɛɛ àilu koni, bɛ k'a lɔn ài yi Samakan Kein labatola teme. Wo lɔ, ǹ sawanin àiya ko lɔ. Kɛɛ ǹ'a fɛ le ài yi kɛ hangilima le koɲuma lɔ, ani k'ài fɛ bɔ koyon na.

Lɔmukalu 16:26

kɛɛ a vɛ bɔ gbɛ la yi ne kelalu ya kitabulu fɛ. Ado ka bɛn Habadan Ala ya jamali ma, gbonoko min vɛ lɔn siboloma bɛ bolo, fɔsa ai yi kolo a yɛ limaniya boloma.

Lɔmukalu 8:13

Kamasɔlɔn ni ài vɛ kɛla taamana ka bɛn ài falikolo ladiyanankolu ma, ài yi sale feu. Kɛɛ ni ài do k'ài falikolo ya koyonnu lɔsa Nii Sɛnɛyanin sabu la, ài yi niimaya sɔlɔnne.

Lɔmukalu 8:33

Wo lɔ saa, jene kɛtɔ nala telemasɔɔli le Ala ya mɔɔ taninnu kanma? Ala gbu le ai lajola.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

2 Kolɛntikalu 10:5

ani wasoko minu bɛ yi wulila ka dansii Ala lɔnko la. M'i miliya suu bɛ le ladonna Masa Tɔɔmasenin ya kuntiiya kɔlɔ a kannabatoko lɔ.

2 Kolɛntikalu 13:14

Mɔ Tii Masa Tɔɔmasenin Isa ya nɛɛma, ni Ala ya kanundeya, ani Nii Sɛnɛyanin ya kafonɲɔɔya yi to ài bɛ fɛ.

Kɔlɔsikalu 3:12

Komi Ala n'ài tala k'ài kɛ a diyananmɔɔ sɛnɛyaninnu le, wo lɔ, ài yi dajoo kula ta ka kɛ maɲumande le, ani mɔɔ ɲuma, ani mɔɔ fanmajiinin, ani mɔɔ mafanin, ani mɔɔ sawalinin.

2 Tɛsalonikakalu 2:13

Mɔ badenmalu minu ya ko diyanin mɔ Tii yɛ, fɔ m'i kɛ balika bɔla Ala yɛ kudein àiya ko lɔ. Kamasɔlɔn a n'ài tala ài lakisiko le lɔ iwo sɛnɛfenden kunfɔlɔ, k'ài kɛ a ta le Nii Sɛnɛyanin sabu la, ani ka bɛn àiya limaniya ma tuɲa ma.

2 Timote 2:10

Wo lɔ, ǹ'i ko bɛ le minala m̀ ma ka bɛn Ala ya mɔɔ taninnu ya ko ma, fɔsa ailu fana yi kisi Masa Tɔɔmasenin Isa sabu la ka habadan magbiliyali sɔlɔn.

Tite 1:1

Ǹe Pɔli le yi lɛtɛlɛ min sɛvɛla, ǹe min yi Ala ya bɔiden ne ani Masa Tɔɔmasenin Isa ya keladen. Ǹ tayine ka ǹ kelaya ko ǹ'i Ala ya mɔɔ taninnu madɛmɛn aiya limaniya lɔ, k'ai lalɔnni tuɲa la min y'ai taamaɲa bɛn Ala ɲakɔlɔ,

Hebululu 10:22

wo le y'a ma, ài m'i mɔ masulunya Ala la josolɔgbɛya boloma, ani limaniya dafanin nɔ, mɔ josokun lasɛnɛyanin ne ka bɔ miliya yonnu ma, ani mɔ falikolo makonin ne ji sɛnɛyanin le.

Hebululu 11:28

Aa limaniya le na kɛla sabu le, a ka Timinkunna Seli kɛ, ka Bani Isilankalu lɔ jeli seinseinna, fɔsa niitamɛlɛka kana se ai denkɛ kunfɔlɔ suu suu ma.

Hebululu 12:24

Ài do vɛ ài madon Isa la, min yi mɔɔwotɛlɔbɛnba le salati kula lɔ, ani a jeli seinseinnin na, min yi kuma bɛlɛbɛlɛ fɔla ka timin Habila ta la.

Hebululu 5:9

Aa ko da ka fa mingɛ boloɲa min ma, a ka kɛ habadan kisiko sabu le a kannabatobalu bɛ yɛ,

1 Piyɛli 1:14

Àilu den koloninnu, ài kà taama ka bɛn ài niikanuko yonnu ma ài tɛɛ minu lɔ àiya kolɔnbaliya waate lɔ,

1 Piyɛli 1:19

mafɔ Masa Tɔɔmasenin jeli kulugbɛlɛn min kɛnin iwo saa bolan salaka, fɛɛ tɛ min na, kumatɛ kɔsɔ ma.

1 Piyɛli 1:20

Wo la tɛɛ vɛ tɛɛ Masa Tɔɔmasenin ma jani dunuɲa tɛɛ dan, kɛɛ a la vɛ nkɛnɛmaya waate laban min nɔ ka bɛn àilu le ma.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

2 Piyɛli 1:2

Nɛɛma ni josolajii yi kɛ ài yɛ kosɛvɛ ka bɛn Ala ni mɔ Tii Isa lɔnko ma.

2 Yohana 1:1

Ǹe min limaniyajama ɲamɔɔ le, ǹ'i lɛtɛlɛ min lataala m̀ badenmamoso ma, Ala na min tala ka kɛ a ta le, ani a dennu, ǹ'i minu kanula bɛlɛbɛlɛ kɛ. Ǹe kelen do ma ai kanu, mafɔ mɔɔ minu bɛ ka tuɲa lɔn fana,

2 Yohana 1:13

Ala na i badenmamoso min tala ka kɛ a ta le, wo dennu i fola.

Jude 1:2

Henandeya ni josolajii ni kanundeya yi sawati ài tɛma kosɛvɛ.